Зоран Јованчев – Kurir.mk

Јованчев: Власта молчи за катастрофалната состојба на овоштарите од Росоман, ВМРО-ДПМНЕ бара да се превмезат итни чекори

Магдалена Андонова — Fri, 16 Apr 2021 11:01:22 +0000

Заради екстремно ниските температури кои ја зафатија Република Македонија, изминатата недела настана измрзнување на над 3000 хектари овошни насади низ државата. Најпогодени се овоштарите од Росоманскиот регион каде се одгледуваат околу 2000 хектари на овошни насади. Кај безмалку сите плантажи на овошки во регионот на Тиквешијата констатирано е 100 процентно оштетување на цветот. Тоа значи дека оваа година нема да има ниту минимално производство на овошје во овој регион, изјави денеска за медиумите, Зоран Јованчев, пратеник од редовите на ВМРО-ДПМНЕ. - Власта и најповиканите државни институции, како по обичај, катастрофалната состојба ја премолчуваат. Доколку за неа не се зборува не значи дека неа и ја нема. Најповиканите и најодговорни лица наместо да излезат на терен и заедно со овоштарите направат увид во состојбата, една недела не превземаат ништо. Помош за овоштарите мора да има! Во услови на распространета здравствена криза и последиците од неа врз стопанството и економијата, кои ги засегаат и земјоделците, недостасуваше да се случи и оваа штета, која веројатно има и посериозни оштетувања на самите овошни стебла, рече тој. Јованчев истакна декакако пратеничка група на ВМРО ДПМНЕ бараат да се превземат итни чекори за конкретна и директна помош на овоштарите со финансиска поддршка и дополнителни мерки. - Прво што е потребно да се стори е донесување одлука за покривање на производните трошоци по килограм за секој земјоделски производител. Од страна на стручни лица потребно е да се пресмета просечната производна цена по килограм за секоја сорта на овошје. Врз основа на пресметаниот просечен род, во изминатите три години, за секој земјоделски производител потребно е да се предвидат финансиски средства по основ на обештетување и покривање на производните трошоци. Втората мерка е ослободување на овоштарите од обврската за плаќање на водниот надоместок за наводнување на земјоделското земјиште на кое се наоѓаат овошните насади. Третата мерка е осолободување на земјоделските производители, од обврската за плаќање на закупнината, за користење на државното земјоделско земјиште под закуп, и хитно решавање на земјиштето за кое земјоделците немаат добиено договор за концесија со што не им следува право на користење на субвенциите, посочи тој. - Државата овие финансиски средства може и мора да ги обезбеди, од посебните фондови наменети за обештетување на земјоделските производители, од штети предизвикани од вонредни и неповолни временски прилики. Владата мора уште веднаш да пристапи кон решавање на проблемите на овоштарите, бидејќи доколку не им се помогне во овој момент во прашање е доведена егзистенцијата на стотици семејства кои единствен приход кои го остваруваат им е од производството на овошје, додаде Јованчев.

Јованчев: Собраниската комисија за финансирање и буџет се претовори во комисија за задолжување

Магдалена Андонова — Mon, 29 Mar 2021 09:46:18 +0000

Нова недела, нов ден, нова комисија за финансирање и буџет и ново задолжување. Слободно можеме оваа комисија за финансирање и буџет, да ја наречеме комисија за задолжување бидејќи ако се направи ретроспектива на комисиите кои се поминати може со сигурност да заклучиме дека голем дел од седниците се однесуваат на задолжувањето, на земање на кредити, вели пратеникот од редовите на ВМРО-ДПМНЕ Зоран Јованчев во денешното гостување во Утрински брифинг на Слободен печат. Јованчев посочи дека денеска има седница на собраниската комисија за финансирање и буџет, додавајќи дека слободно може да се каже дека оваа комисија е всушност за задолжување биде било планирано ново задолжување од 46 милиони евра од Светска банка. - Имаме ново задолжување на Република Македонија кај Светска банка од 46 милиони евра, а 4 милиони евра се грант. Со овој закон се предлага да се изградат два откупни дистрибутивни центри во Струмица и Ресен и од овој закон според нас како пратеничка група на ВМРО-ДПМНЕ нема да видат земјоделците, земјоделските стопанства, туку ќе имаат бенефити одредени групации на луѓето, истакна тој. Јованчев додаде дека пратеничката група на ВМРО-ДПМНЕ ќе продолжи да работи за граѓаните поддржувајќи ги законите кои се токму во интерес на граѓаните. - Пратеничката група ќе ги поддржи и ќе ги гласа сите закони кои се во интерес на граѓаните на Република Македонија, рече Јованчев.

Јованчев до власта: Што поскоро да се исплатат субвенциите на лозарите по мерката за одржување на лозов насад

Дарко Андоновски — Sun, 14 Feb 2021 13:30:39 +0000

Денес е Свети Трифун, традиционално општинскиот комитет на ВМРО-ДПМНЕ од Кавадарци денес изврши закројување на виновата лоза. Воедно сакам да го честитам празникот на сите лозари како во Тиквешијата така и во Република Македонија, ова денеска преку изјава за медиумите го истакна Зоран Јованчев од ВМРО-ДПМНЕ. -Овој момент го користам и да упатам апел до власта, односно до Владата на Република Македонија, бидејќи до мене како народен пратеник стигнуваат, пристигаат информации за субвенциите кои што не се доисплатени по мерката за одржување на лозов насад. И исто така има информации дека за последните три години мерката за регистриран, индивидуален земјоделец кои што треба да земаат 20% повеќе, поголем износ на субвенции, исто така и тие субвенции каснат, три години не се исплатени. Па, апелирам еве што поскоро, во што побрз временски период Владата да ги нели исплати истите тие субвенции. Воедно да кажам дека и субвенциите по мерката КОВИД-19 за реколтата 2020-та година исто така и тие не се доисплатени во целост, па редно е, бидејќи сме на почеток на сезоната во лозовите насади, на земјоделците, на лозарите им требаат средства и истите тие во најскоро можно време да се нели исплатат. Воедно, крајно време е Свети Трифун, да почнат разговорите помеѓу винариите, лозарите со посредство на министерството за земјоделие, шумарство и водостопанство. А, се со единствена цел да се утврди достоинствена цена, како на грозјето, а така да имаме и достоинствен земјоделец односно достоинствен лозар, потенцира Јованчев. Тој додава дека да, не ни се случи како минатата и предминатата година, минатата посебно која што беше хаотична во секој дел, неорганизиран откуп и многу ниски цени на грозјето кои што се движеа некаде помеѓу два и три денари. -Апелирам до Владата, под итно да изврши проверка преку своите механизми, преку Државниот земјоделски инспекторат да провери дали винариите кои што минатата година откупуваа грозје по мерката КОВИД-19, истото е преработено за вински дестилат бидејќи тие го откупуваа за преработка на вински дестилат по ниски цени. Имам информации и јавно прашувам дали винариите кои што минатата година го откупија ова грозје го имаат преработено во вински дестилат или истото е преработено во квалитетно вино, а со тоа да ни се случи најголемата измама во историјата на лозарството. На крајот, уште еднаш упатувам честитки до лозарите, најпрвин да му посакам среќа, здравје и бериќет, вели Јованчев.

Јованчев: ВМРО-ДПМНЕ прифати да се скрати дискусијата околу ребалансот на Буџет за доброто на граѓаните, а власта го остави и замина на продолжен викенд

Дарко Андоновски — Tue, 03 Nov 2020 13:28:34 +0000

„Веќе петти ден дебатираме и разговараме околу ребалансот на Буџетот. Од претходните дискутанти кои што зборуваа овие неколку дена се остава впечаток дека треба да се донесе ребалансот на Буџетот што побргу и тоа е точно. Ние со тоа се сложуваме како опозиција, дека треба да се донесе овој ребаланс на Буџет што побргу. Но власта треба да признае дека тие во оваа ситуација се контрадикторни. Зошто? Опозицијата, вклучително целата опозиција на расправата во Комисијата за финансирање и буџет прифати да се скрати дискусијата и расправата од десет на седум дена. Тука е нашата конструктивност према вас како власт и спрема граѓаните, со тоа што дадовме пас да се скрати три дена расправата во комисијата за да може овој ребаланс на Буџет да биде донесен три дена порано. Односно мерките да се реализираат што поскоро“, појасни Зоран Јованчев пратеник од редовите на ВМРО-ДПМНЕ и Коалицијата „За обнова на Македонија“ на денешната собраниска седница. Јованчев додаде и згора на ваков гест власта пак продолжи да ја критикува опозицијата дека таа е виновна за се. „Откако заврши расправата во Комисијата за финансирање и буџет, целиот тој предмет за ребалансот беше пратен до Владата. Но, Владата го држеше пет дена, цели пет дена за жал. Зошто тоа го направи Владата? Се надевам дека Владата има причини да образложат на граѓаните, јас немам“, истакна Јованчев. Јованчев посочи дека власта го остави ребалансот и си замина на продолжен викенд. „Кога се зборува дека со овој ребаланс на Буџет ќе се донесе и четвртиот сет на мерки мора да се потсетиме на првиот, вториот и третиот сет на мерки за борба против КОВИД-19 кои се искористени само половично. Односно 54.5% или се искористени околу 226 милиони евра, и тоа граѓаните на Република Македонија добро го знаат. Затоа што со истите тие средства се изврши бруталниот поткуп за време на парламентарните избори. Ефектот од првите три сета на мерки го имаме и тоа е 40.000 невработени“, потсети Јованчев.

Јованчев: Новиот заем на владата од 90 милиони евра ќе се користи за партиски вработувања

Магдалена Андонова — Tue, 13 Oct 2020 18:33:12 +0000

Пратеникот од ВМРО-ДПМНЕ Зоран Јованчев е против новото задолжување на владата од 90 милиони евра. Тој се сомнева дека овие средства ќе се користат наменски, затоа што ќе се употребуваат за партиски вработувања. -Сакам да прашам едно, дали во АД МЕПСО техничкиот директор кој е на возраст на 67 години преку овие државни средства си ја вработи својата ќерка и тоа како советник во кабинетот на неговиот другар заменик генерален директор. Ова има врска со трошење на државните пари бидејќи се сомневам дека истите овие средства кои што ќе ги позајмите ќе ги трошите строго наменски. Праксата на оваа старо нова влада и во минатото тоа го покажало, рече Јованчев од собраниската говорница.

Јованчев: Лозарите се изманипулирани и излажани, лозјето скапува по нивите

Ивона Петрова — Fri, 18 Sep 2020 10:14:52 +0000

Владата на СДСМ и Зоран Заев ги опустошија лозарите. Иако ветуваа дека целото грозје во Тиквешијата ќе се откупи по минимум лански цени, во овој момент можеме да заклучиме дека лозарите се целосно изманипулирани, излажани и оставени на цедило од оваа ненародна и мафијашка власт, истакна на денешната прес-конференција Зоран Јованчев, пратеник на ВМРО-ДПМНЕ. Тој посочува дека милиони килограми на грозје од сортата вранец кои се наоѓаат на стотици хектари лозови насади во моментов се необрани и скапуваат по нивите. -Лозарите се оштетени со илјадници евра по домаќинство. Оваа година им се случува целосен економски колапс. Има фамилии на кои главната егзистенција им е лозарството. Во наредниот период стотици фамилии нема да имаат средства за да егзистираат воопшто, а најверојатно нема да можат да ги подмират и долговите кои ги имаат направено спрема земјоделските аптеки и водостопанство во оваа реколта. Пред дваесет дена кога се гласаше за избор на новата влада, на новото собраниско мнозинство му предложив под итно да се закажи собраниска седница на која ќе разговараме за проблемите во лозарството, меѓутоа нивниот шеф Зоран Заев во реплика ме убедуваше дека целото грозје ќе се откупи по лански цени, но Зоран Заев не би бил тој доколку тоа што го вети го реализира. Не знам веќе по кој пат ги излажа, па малку му беше што ги излажа на собраниска говорница, туку минатата недела дојде во Кавадарци и гледајќи ги во очи лозарите ги излажа, ги изманипулира и со своите постапки целосно ги уништува измачените и напатени лозари, нагласува Јованчев. Во една од винариите блиска до власта грозјето од сортата вранец се откупува за седум и пол денари, а Смедеревката за шест и пол денари. Тоа е животот за сите кои им го ветуваа на лозарите во предизборието, а сега го реализираат на дело. Затоа почитувани граѓани, оваа ненародна власт мора да си замине што поскоро за да повторно лозарите се чувствуваат сигурно и кога ќе дојде бербата на грозјето да биде празник за сите, а не да не знаат кој пат да го фатат. На лозарите и сите земјоделци главна обврска треба да им биде да направат добро произвоство, а на Владата треба да им биде обврска да им овозможат услови на сите земјоделци без проблем со пристојни цени да го продадат својот род. Со оваа ненародна власт, пристојните цени и сигурниот пласман се само утопија.

Кавадарци слави 125 години од формирање на комитетот на ВМОРО после Солунскиот

Катерина Бојаџиева — Mon, 15 Jul 2019 11:10:44 +0000

Денеска претседателот на Општинскиот комитет на ВМРО-ДПМНЕ во Кавадарци Зоран Јованчев пред Спомен плочата во Кавадарци положија свежи цвеќе на плочата во центарот одбележувајќи 125 години од формирање на првиот комитет на ВМОРО во Кавадарци после Солунскиот комитет. Имено во 15 јули 1894 година на 15 јули секретарот на ВМОРО Дамјан Груев дошол во Кавадарци и веднаш ги побарал Иванче Минчев и Јанаќи Ќурчиев негови соученици од Солунската гимназија. Од нив побарал да му обезбедат луѓе со кои може да говори за училишните и црковните проблеми во Тиквешката каза. Од таму заминале во куќата на Пане Иванов кој бил главен учител во кавадаречкото основно училиште и Јованче Велков претседател на црковно училишната општина.Набргу Даме се уверил дека има работа со сериозни и предани луѓе пред кои не треба да има никакви тајни. Тогаш станал и им рекол:„Другари да не седиме повеќе со скрстени раце. Ние во Солун формиравме организација чија што цел е извојување политичка слобода по пат на револуционерна борба„.Тогаш ги запрашал дали и тие би сакале да станат членови на таква организација. Откако добил потврден одговор Даме го извадил преписот од статутот на организацијата и пред евангелието, револвер и кама, положиле заклетва на верност спрема организацијата. Во првиот состав на организацијата влегле: Пане Иванов, кој бил избран за претседател а за членови биле избрани Иванче Минчев-чиновник и учител, Јованче Велков-трговец и Јанаќи Илиев Ќурчиев-трговец и кожувар. Следниот ден заминале во ваташкото училиште во придружба со членовите на првиот комитет од Кавадарци, овде во просториите на училиштето се формирал комитетот на ВМОРО во кои влегле: Тодор Поп Андов, Лазо Сојтериев, Коцо Јорданов, Жарко Димов, Трајче Дубров и Пано Поцев. Со ова Кавадарци ја има таа чест да биде прв град во Македонија во кој е формиран првиот комитет на ВМОРО после Солун. Нека им е вечна славата на членовите на првиот комитет на ВМОРО во Кавадарци.

ВМРО-ДПМНЕ ОК Кавадарци: СДСМ е во се поголема паника

Дарко Андоновски — Fri, 08 Mar 2019 17:26:01 +0000

Денеска, во Паркот на револуцијата прес за новинарите одржа претседателот на ОК на ВМРО-ДПМНЕ Кавадарци, Зоран Јованчев кој рече дека завчера и вчера имало целосна злоупотреба на локалната администрација во Кавадарци.

Јованчев: Народот даде свој вредносен суд, Заев и неговата Влада се делегитимирани

Ивана Ефремовски — Tue, 09 Oct 2018 16:52:42 +0000

На 30-ти септември, во Македонија се одржа референдум кој беше со повеќекратни прашања, нејасен и неуставен. за среќа на Република Македонија, народот со презир го виде овој референдум и со апстиненција му зададе голем шамар на Заев и неговата дружина, истакна претседателот на ОК на ВМРО-ДПМНЕ Кавадарци, Зоран Јованчев. -Со самото тоа што 1.200.000 граѓани апстинираа од излегување на референдумот, му се даде до знаење на Заев и неговата хунта, инсталирана во системот на Македонија, дека народот не можеш да го излажеш, без разлика каква европска иднина му ветуваш. Со тоа народот даде свој вредносен суд, Заев и неговата Влада се делегитимирани, рече тој. Целата прес-конференција ви ја пренесуваме во продолжение.

ВМРО-ДПМНЕ ОК Кавадарци: Ние кавадарчани веќе еднаш кажавме дека не се согласуваме со погубните и катастрофални политики на СДСМ и Заев

Дарко Андоновски — Fri, 13 Jul 2018 10:49:29 +0000

Република Македонија е заробена од Зоран Заев и неговиот криминален картел на власт. Државата со Заев го достигна дното на секое поле. Економијата тоне, земјоделието е на колена, здравството и образованието колабираат, безбедносниот систем е целосно разнишан, а Заев ја понижува државата како на домашен така и на меѓународен план, а македонскиот идендитет доведен во прашање, ова го потенцира Зоран Јованчев од ВМРО-ДПМНЕ ОК Кавадарци. -Заев за една година успеа да уништи се што се градело со векови. Тој бесрамно потпиша договор за промена на уставното име на Република Македонија а со истиот успеа трајно да ги загрози македонските национални и државните интереси. Наместо живот кој што го ветуваше, наместо зголемени субвенции за земјоделците, младинска гаранција за младите, плати од 500 евра, зголемен животен стандард за граѓаните, проекти, реформи и реализација на ветеното, Заев донесе чемер и јад. Владата на СДСМ е ненадомеслива штета за кавадарчани, затоа мора да замине. Заев ниту знае ниту умее да работи. Заев не води грижа за потребите на граѓаните, а тие тоа го чувствуваат на своја кожа. Граѓаните никогаш порано не живееле полошо од сега. Граѓаните се чувствуваат понижени продадени и несигурни. Наместо Заев и СДСМ да работат за потребите и решавање на проблемите на граѓаните, тие работата единствено на личното богатење и луксузирање, истакнува Јованчев. Тој додава дека време е да кажеме сите заедно доста е. Ова мора да запри. А ние тоа го можеме. Ние кавадарчани еднаш кажавме дека не се сложуваме со погубните и катастрофални политиките на Заев и на СДСМ. -Кавадарчани заслужуваат разбирање за нивните ставови и спроведување на нивната волја. Кавадарчани заслужуваат да живеат во подобро. Ние можеме, ние мораме заедно да го спречиме осиромашувањето, беспреспективноста и уништувањето на државата. Затоа ги повикувам сите кавадарчани, без разлика на политичката припадност, сите заедно сплотени, рамо до рамо, да дадеме поддршка на ВМРО-ДПМНЕ и Претседателот Христијан Мицкоски и масовно да излеземе во недела во 13 часот на мирен протестен марш во Кавадарци, кој ќе започне од кружниот тек Сашко Гешковски до спомен плочата и паметникот посветен на формирање на првиот комитет на ВМРО и заедно да им порачаме дека Македонија мора да оди напред и граѓаните заслужуваат подобро. ВМРО-ДПМНЕ знае како. ВМРО-ДПМНЕ има проекти и секогаш се води од работата и потребите на граѓаните. ВМРО-ДПМНЕ ќе продолжи да се бори против ова зло во кое што живее секој еден граѓанин! Македонија се буди, Македонија ќе победи, придружете ни се!, додава Јованчев.