зоран кастратовиќ – Kurir.mk

Зоран Кастратовиќ се врати на кормилото на Ал-Мудар

Бошко Тасиќ — Sat, 23 Sep 2023 05:59:15 +0000

Зоран Кастратовиќ се враќа на местото на успехот по само еден месец пауза. Искусниот стратег потпиша двегодишен договор со Ал-Мудар, клуб кој се бори за трофеи на сите фронтови во Саудиска Арабија. Во меѓувреме Кастратовиќ ја водеше репрезентацијата на Саудиска Арабија, а Ал-Мудар го презеде Матео Гаралдо. Кастратовиќ со Ал-Мудар минатата сезона завршија на втората позиција на табелата во домашниот шампионат, но го освоија Купот на Саудиска Арабија. 57-годишниот Зоран Кастратовиќ во кариерата работеше во македонските клубови Вардар, Металург и Пролет, а исто така ги водеше и Беране, Слобода Тузла, Сутјеска Никшиќ и Ел-Џаиш.

Зоран Кастратовиќ е нов селектор на Саудиска Арабија

Бошко Тасиќ — Sun, 11 Jun 2023 05:05:39 +0000

Познатиот ракометен тренер Зоран Кастратовиќ е именуван за нов селектор на селекцијата на Саудиска Арабија. Кастратовиќ кој изминава сезона во оваа земја го водеше тимот на Ал Мудар, со кого стигна до вицешампионската титула, сега ќе ја преземе селекторската функција. Саудиска Арабија последните неколки години силно вложува во развојот на овој спорт, со желба за што поголем ангажман на тренери и ракометари од Европа. 57-годишниот Кастратовиќ е поранешен селектор на Црна Гора а ја водеше и македонската женска ракометна репрезентација. Претходно во кариерата работеше во македонските клубови Вардар, Металург и Пролет, а исто така ги водеше и Беране, Слобода Тузла, Сутјеска Никшиќ и Ел Џаиш.

Зоран Кастратовиќ нов тренер на Тинекс Пролет

Бошко Тасиќ — Sun, 25 Apr 2021 21:59:35 +0000

Ракометниот стратег Зоран Кастратовиќ од денеска е нов шеф на стручниот штаб на машкиот ракометен клуб Тинекс Пролет. Кастратовиќ склучи договор до крајот на сезонава, со можност за продолжување на соработката за најмалку уште една година. Кастратовиќ доаѓа на оваа функција на местото на Никола Матлиевски, со кого денеска беше спогобено прекината соработката. Пред новиот стратег е остварување на зацртаната цел од стартот на сезонава – пласман на едно од првите четири места во плејофот и обезбедување на учество во европските купови за 2021/2022.

Металург и Кастратовиќ се разделија

Магдалена Андонова — Thu, 05 Nov 2020 10:43:21 +0000

Зоран Кастратовиќ и Металург се разделија. Тимот од Автокоманда на стартот на сезоната остана без предводник на клупата, засега не се познати причините, пренесува Спортмедиа.мк Кастратовиќ успеа да ја исполни главната цел на Металург, пласман во групната фаза во Лига Европа, а по изолацијата, дојде шокатна вест, тој и челниците на клубот спогодбено ја раскинаа соработката.

Кастратовиќ по денешната ждрепка: Го посакувавме Криенс, фаворити сме

Магдалена Андонова — Tue, 08 Sep 2020 12:00:44 +0000

Ракометниот клуб Металург по денешната ждрепка во Виена за противник во второто квалификациско коло на Лига Европа го доби тимот на Криенс од Луцерн. Тренерот на Металург, Зоран Кастратовиќ по добивањето на противникот призна дека швајцарскиот претставник беше еден од посакуваните противници. – Пред почетокот на ждрепката, Криенс беше еден од клубовите што најмногу ги посакував. Сметам дека фаворитската улога и во овој дуел му припаѓа на Металург, но истата ќе мораме да ја оправдаме на терен. Засега немаме многу информации за противникот, каде игра и поранешниот ракометар на Металург – Лапајне, но ќе биде погрешно ако го потцениме Криенс. Сепак, се работи за цврст и добар тим, кој многу лесно ја реши хрватска Дубрава во првото квалификациско коло. Тоа особено важи за средбата во Хрватска, каде Криенс славеше со огромни 9 голови предност. Во суштина многу работи зависат од самите нас. Ако играме на ниво, фокусирано и дисциплинирано, тогаш веројатно ќе немаме проблем. Не смееме да дозволиме да ни се повтори средбата со Спачва во Винковци, каде, место да го докршиме отпорот на противникот, претрпевме пораз“, изјави Кастратовиќ. Првата средба ќе се одигра во Скопје, на 22 септември, додека реваншот е закажан на 29 септември во Луцерн. Во другите натпревари ќе се сретнат: Бидасоа Ирун – Нексе Потаиса Турда – Феникс Тулуз Бјерингбо Силкеборг – ЦСКА Москва Холстебро – РНЛ Бенидорм – Фиверс Азоти Пулави – Кристијанштад Констанца – Спортинг Лисабон Ѓунѓеш – Фуксе Берлин Тримо Требње – Балатонфуред Винтертур – ГОГ Скјерн – Монпеље (МИА)