Зоран Коцевски – Kurir.mk

Коцевски: Законот за амнестија ќе го блокираме, тоа е закон со кој се пуштаат криминалците на слобода

Ристе Здравков — Wed, 27 Sep 2023 19:40:26 +0000

„Точно така ќе бојкотираме бидејќи се работи за закон спакуван во обланда за пуштање на криминалци на слобода. Ова е втор пат што се случува еднаш тоа се случи во 2017-та година пред локалните избори и се пуштија околу 1,000 такви криминалци кои потоа одработија за партиите на власт СДСМ и ДУИ во тоа време, ова е втор пат што ќе се случи таква работа“, истакна пратеникот од редовите на ВМРО-ДПМНЕ, Зоран Коцевски во вечерашното гостување во емисијата „24 Анализа“ на Телевизија 24. Тој додаде дека сето тоа е договор на власта со криминалците за да ги пуштат на слобода се со цел тие да одработат за нив. „Колку што сум запознаен пред една година оваа Влада има добиено кредит точно на оваа тема да се создадат подобри услови во затворите во Република Македонија меѓутоа ништо не е искористено од тоа. Затоа велам дека ова е една обланда за криминалците да се најдат на слобода и повторно да обработат за власта“, вели Коцевски. Тој посочи дека 24 часа им требало на власта за да го изгласаат овој кривичен закон. „Овој закон е донесен затоа што се спремаат за опозиција и сегашните партиски функционери и останати криминалци да одговараа или не одговараат по овој нов кривичен законик. За јавноста владејачкото мнозинство си го обезбеди кворумот од 63 пратеници и го чекаа Али Ахмети за да започне седницата. Прва точка на дневен ред беше кривичниот закон, пратениците на ВМРО-ДПМНЕ и коалицијата сите кои беа присутни гласаа против“, дециден е Коцевски.

Коцевски: Додека Оливер Спасовски шеста година го штити криминалот на ДУИ и СДС, во одделот за внатрешна контрола има недозволива партизираност и непрофесионалност

Тале Кристо — Thu, 27 Apr 2023 16:23:23 +0000

На денешната собраниска седница за поставување пратенички прашања пратеникот од редовите на ВМРО-ДПМНЕ Зоран Коцевски упати едно пратеничко прашање до Министерот за внатрешни работи Оливер Спасовски. „Дали по објавеното видео каде се гледа како лицето Самет Месими среде бел ден пука од калашников, Министерството за внатрешни работи има направено претрес за да го пронајде огненото оружје, дали е поднесено кривична пријава и дали на истото лице му е одземено и друго оружје кое го поседува лицето?“, запраша Коцевски. Коцевски истакна дека со години наназад извештаите говорат за недозволива партизираност и непрофесионалност на одделот за внатрешна контрола. „Веќе шеста година како со државата владее ДУИ и СДС и веќе шеста година национална, политичка и економска катастрофа. Шеста година како Министерот за внатрешни работи Оливер Спасовски го штити сопствениот и криминалот на ДУИ и СДС, најпрво тоа беа Груби и Заев, сега се Груби и Ковачевски. Заклучокот е се се’ менува само Артан Груби и Оливер Спасовски не.“, рече Коцевски. Тој е дециден дека додека Спасовски е на чело на МВР нема ниедно убиство решено и за ништо нема дадено одговор. „Покрај меѓународните и домашни извештаи како што е извештајот на народниот правобранител каде покажува дека нема јасна линија помеѓу криминалот и институциите што треба да се борат со криминалот и соработката на полицијата на Оливер Спасовски директно со криминалците и криминалот се става жестоко во одбрана на криминалот“, истакна Коцевски. Коцевски заклучи дека нема кој не станал началник, директор а е пријател или партиски другар на Оливер Спасовски. Нема кој со правосилна пресуда судска пресуда за сторен криминал не се вработи на работа во министерство за внатрешни работи. Криминалците се главни по улиците па почнаа и да не бираат и време.

Коцевски до Ковачевски: Нема ништо европски во вашите закани и навреди, доаѓа крајот на власта

Ристе Здравков — Wed, 01 Mar 2023 19:30:40 +0000

По предавничка влада од вашата ниту имала, ниту ќе има, му порача пратеникот од ВМРО-ДПМНЕ Коцевски Зоран на денешната собраниска седница на Димитар Ковачевски. Коцевски истакна дека нема ништо европско во тоа што граѓаните молат за лекови, а учениците немаат учебници. Јас во вашата влада и во вашиот пат ништо европски не гледам. Не е европски тоа што премиерот чита книга додека пратениците дискутираат,. Не е европски кога од премиер ќе слушнеш недолични зборови кон пратенички. Не е европски кога Ковачевски се заканува со кршење на раце и нозе на пратеник на опозицијата на првиот ден кога нема да биде премиер, рече тој. Не е европско кога болни луѓе умираат и молат за лекови. Не е европски кога учениците се без учебници, не европски кога 2 километри автопат не можете да направите. Ништо нема од европскиот пат. А тоа да му го пренесете и на Груби, еднаш дојде ви го зема зборот, но тоа е нормално тој е ваш шеф. Коцевски ги повика пратениците од владејачкото мнозинство да размислат пред да го подржат предлогот на Ковачевски, укажувајќи дека доаѓа крајот на владата на СДС и ДУИ. Кратко е времето на оваа влада. Беа 64, а сега се 62, посочи Коцевски.

Коцевски до Ковачевски: Образот е многу важен, чистиот образ, а Вашиот е многу валкан и многу криминален

Катерина Бојаџиева — Mon, 27 Feb 2023 12:05:39 +0000

Еден многу небитен, трајно неспособен и ВД премиер минатата недела искажа нешто што јас овде не можам да го повторам, не ми доликува. Името на тој ВД премиер е Димитар, а презимето е Ковачевски. Господине Ковачевски образот е многу важен, чистиот образ. А, Вашиот е многу валкан и многу криминален, истакна Зоран Коцевски, пратеник од редовите на ВМРО-ДПМНЕ на денешната собраниска седница. Коцевски додаде дека денес во Македонија има „Пазар 3“ коалиција на чело со Артан Груби. „Да се вратиме сега на маркетот, драгсторот, пазарот и пазарџиите, и на „Пазар 3“ коалицијата на оваа Влада на чело со Груби и Ковачевски. Верглаат веќе цела недела дека коалицијата им се зголемува, а таа остана барем кога беа разрешени министрите на 64. Меѓутоа тие имаат еден премиер, бивш премиер кој по три часа имал само математика, а овој сегашниот премиер изгледа и бегал од часови“, рече пратеникот. Тој ја потсети јавноста дека и Ковачевски има дезартирано од Армијата во 2001 година. „Како и досега ова е една од многуте чудни ситуации приредени од Груби и Ковачевски, каде се поднесува предлог за нови четири министри. А, ниту збор за некој од нив. Како што немаше збор ниту за разрешените министри од страна на предлагачот господинот Ковачевски. Напротив, со еден пишан текст составен од Артан Груби, извршителот Ковачевски се обиде неуспешно да ја објасни целата ситуација околу овој предлог за министри во Владата“, нагласи Коцевски. Пратеникот укажа дека Ковачевски ист пишан текст неколку пати излегува на говорница и го чита. „Слободно можам да констатирам дека целата оваа ситуација е пазар за спас на Артан Груби, за спас на Ковачевски и најблиските луѓе околу Груби и Ковачевски. Ете тоа е вашиот европски пат и ништо друго“, рече пратеникот.

Коцевски: Дијаспората не инвестира во Македонија затоа што не владеат правдата, редот и законите

Катерина Бојаџиева — Wed, 22 Feb 2023 16:36:47 +0000

Преку пример ќе кажам како оди разговорот доколку некој нашинец сака да инвестира во Македонија. Доаѓа некој нашинец со некој од скапо платените советници на владата и вели сакам да инвестирам во енергетиката. Па чекај малку тука има лепеза на такви фирми отворено на блиски луѓе до влада, на пример синот на Ахмети отвори таква фирма каде ти, сопругата на премиерот отвори таква фирма, каде ти, кумот има фирма знаете ли од кога за фотоволтаици и за струја, па ние осум пати му даваме државна помош, каде најде баш таму да инвестираш. Каде најде баш таму да инвестираш, дај најди нешто друго. Добро нашинецов вели ќе инвестирам во компанија за производство на масло за медицинска употреба од канабис. Каде па тоа, меѓутоа може во тоа да инвестираш но ќе мора да отидеш во Муртино. Таму кај еден црпнат од нива се ќе ти каже. Беше премиер едно време тој се ќе ти каже, цела организација, истакна пратеникот од ВМРО-ДПМНЕ, Зоран Коцевски. Тој кажа пример и за производството на масло од канабис и зошто дијаспората не инвестира во Македонија. „Па ќе ти каже за Оливер Спасовски за најголемиот нарко дилер, за целата негова организација, па не може само две три фирми произведуваат масло се друго е фрлено на цвет и на извоз на тој цвет. Тука е Оливер Спасовски тој со началниците и командирите имало немало член од законот за извоз на цвет од марихуана, ќе ја истера работата дали на граница легално дали по некои козји патеки. Тоа е смешно е ама тоа е дијаспората не инвестира“, кажа Коцевски. Коцевски додаде и дека на дијаспората ни на крај памет не и паѓа да дојде овде и да инвестира затоа што во дијаспората имаат влади каде што владеат правдата, редот, и законите. „Дијаспората ни на крај памет не и паѓа да дојде овде и да инвестира затоа што во дијаспората имаат влади каде што владее правдата редот и законите е таква влада за кратко ќе формира ВМРО-ДПМНЕ каде ќе владее правдата редот и законите“, кажа Коцевски.

Коцевски до Сали: Додека не си разрешен докажи дека си против криминалот и најди ги документите за извоз на цвет од канабис, кривично дело за кое се лежи во затвор

Тале Кристо — Thu, 16 Feb 2023 12:57:10 +0000

Колеги од Алијанса, господинот Сали, пред се како човек, како доктор, како министер, Ахмети и Груби и измеќарот Ковачевски го помножија со нула. Така ве множат и вас сега, ама по втор пат, нив по прв пат. Меѓутоа, некој се учи по првата грешка, а некој никогаш не можеш да го научиш, како вас. А, што доведе да ги множат со нула, наместо сега истите тие да ги бираат како лубеници и да им одат по канцеларии да ги молат. Имаше шанса господинот Сали, имавте и вие шанса првиот пат, оние криминалци измеќари да ги затворите. Но, таа шанса не ја искористивте, а имавте толку многу можности, а господинот Сали имаше можност, само од неговиот ресор, Здравство, вели пратеникот од ВМРО-ДПМНЕ, Зоран Коцевски на денешната собраниска седница за разрешување на министерот за здравство, Беким Сали. “Една од многуте можности, беше на едно мое пратеничко прашање пред неполни два месеци, да бидам прецизен ќе ви го повторам прашањето: Дали од страна на комисијата за контрола на опојните дроги се врши најмалку два пати контрола над одгледувањето на канабисот и увид во документацијата и евиденцијата? Значи побарав извештај за целокупната работа, а се случи да добијам дваесет секунден одговор од заменикот министер и потоа ништо не се случи. А, со тој извештај можеа да ги затворат Ковачевски, Оливер Спасовски и цела Влада“, истакна Коцевски. За да не останам недоречен, додава Коцевски и да му помогнам на господинот Сали, овој ден, два, три додека сеуште не е разрешен, да побара некои документи и да го сруши обвинението, завршена ќе биде прикаската. Коцевски потсети дека предлог законот за опојни дроги не поминал во Собрание, па запраша по кој член од закон се врши извоз на свет од канабис, што преставува кривично дело за кое со оди во затвор. „Да ве потсетам, предлог законот за контрола на опојни дроги не им помина едно време, на овие што го понудија за извозот на цветот на канабисот, меѓутоа сеуште една до две фирми вршат извоз на цветот. По кој член од законот? Кривично дело за кое се оди во затвор. Тоа господинот Сали нека го најде, нека го најде документот и веднаш да го срочи обвинението. Тоа ви го кажувам и на вас, на вашиот иден министер ако помине, и ако сте против корупцијата и криминалот, баш да видиме дека тоа вие ќе го направите“, рече Коцевски. Коцевски исто така праша, што се случува со Медикал 420, дали е одземено решението за одгледување и ако е, како повторно продолжува со работа, дали се знае колку канабис се произведено, колку вишок останува и каде оди тој вишок. „Е, тука може да го прашува Оливер Спасовски, каде оди тој вишок? А, Ковачевски знае. Значи, обезбедете ги вие, како дел од Пазар 3 коалицијата, овие документи и јас ќе ви верувам“, посочи Коцевски. Истакна дека господинот Сали, како министер за здравство, има и многу други можности, наместо да чека изградба на нов клинички центар, ние денес сме сведоци на блокиран трезор на ФЗО, при што вработените во здравство останаа без плата, а за што после ќе треба да се плаќаат казни кон УЈП, всушност како што ќе треба да се плаќаат 20 милиони евра за раскинување на договорот за изградба на Клинички центар. „Вработените во здравство немаат земено плата и прашање е дали ќе земат во законската рамка. После тоа ќе се плаќаат глоби и казни кон УЈП, ама навикнати се на пенали, како што е пеналот за клинички центар, 2о милиончиња, меѓутоа тоа граѓаните го плаќаат, не го плаќа Ковачевски, или Оливер Спасовски, или оваа влада, граѓаните го плаќаат. Неспособноста и алчноста на владата за ДУИ и СДСМ граѓаните ќе плаќаат од свој џеб“, потенцираше Зоран Коцевски.

Коцевски: Спасовски со свој потпис го назначил Бесфор Аме, кој одлежал затвор за криумчарење, на командирска позиција на ГБ Блато

Дарко Андоновски — Thu, 15 Dec 2022 11:14:30 +0000

Оливер Спасовски на командирска позиција во РЦ Запад, на ГП Блато назначил осудено лице кое веќе лежело затвор за криумчање и злоупотреба на службената положба. Оливер Спасовски наместо да се извини и да го разреши Бесфор Аме осуден криминалец со одлежан затвор, тој го штити, ова денеска преку прес-конференција го истакна Зоран Коцевски од ВМРО-ДПМНЕ. -Вчера објавивме дека со потпис на Спасовски, Бесфор Аме, дел од аферата „Милка“ кој како полициски службеник овозможил криумчарење на стока од Македонија во Албанија е назначен на командирска позиција во РЦ Запад, ГП Блато. A Оливер Спасовски наместо да го разреши и понесе и самиот одговорност, се крие зад соопштенија. Имено сегашниот командир на ГП Блато, Бесфор Аме во 2013 година на граничен премин во оперативна акција е документиран, а потоа и обвинет и притворен, за на крај и осуден со казна затвор за криумчарење и злоупотреба на службената положба и овластување. Бесфор Аме е правосилно осуден, и истиот одлежал и 3 ипол години затвор, затоа што како полициски службеник бил дел од аферата "Милка" во која полициските службеници земале по 3.5 евра по килограм добиток за шверц на истиот преку граница од Македонија во Албанија. Денес ќе објавиме докази од таа акција. Еве ги професионалците на Спасовски, вели Коцевски. Тој додава дека ова е Бесфор Аме, назначен на командирска позиција во ГП Блато со поптис на Оливер Спасовски. Ова ли се професионалците во МВР? Со вакви луѓе на врвни позиции во МВР не е чудо што имаме нарушена безбедност. -Спасовски да каже, дали Бесфор Аме е назначен за командир на ГП Блато за да може да продолжи со прекуграничен криминал? Спасовски не смее да молчи. Наместо празни деманти и соопштенија Спасовски веднаш да го разреши Аме. Доколку не го разреши тој само уште еднаш ќе потврди дека МВР е претворено во дувло за заштита на криминалци, а вистинските професионалци се потиснати, вели Коцевски.

Коцевски: Спасовски за Командир на граничен премин Ќафасан поставил лице со отслужена затворска казна за криумчарење, оставка и одговорност веднаш

Дарко Андоновски — Wed, 14 Dec 2022 11:08:13 +0000

Оливер Спасовски за командири на гранични премини поставува луѓе со отслужена казна затвор за криумчарење и шверц, ова денеска преку прес-конференција го истакна Зоран Коцевски од ВМРО-ДПМНЕ. -За командири на гранични премини, наместо луѓе кои ќе се борат против криминалот се поставуваат луѓе кои се искусни во правење на криминал. Пред само три месеци, на граничниот премин Ќафасан за Командир на граничен премин е поставено лицето Б.А. Ова лице веќе било на истата работна позиција пред десетина години во ек на големата полициска акција за криумчарење на добиток од Македонија во Албанија. Се работи за аферата "Милка" во која беа опфатени 31 лице, кои биле дел од организиран синџир за криумчарење на добиток. За оваа афера своевремено пишуваа и медиумите. Во рамки на осудените имало и полициски службеници, кои примале поткуп за да ја договорат патеката за криумчарење и кои за тоа наплатувале по 3 и пол евра од килограм добиток. Лицето Б.А. отслужило казна затвор од 3 ипол години, како дел од синџирот за криумчарење на добиток, вели Коцевски. Тој додава дека лицето Б.А. сега повторно е командир на граничен премин било дел од криумчарењето како овластено лице. Истото го извршило тоа кривично дело заради позицијата која ја имало во МВР. -Истото ова лице сега повторно се наоѓа на позицијата Командир на граничен премин. Спасовски да каже како е можно ова лице кое е правосилно осудено, со отслужена казна затвор за криумчарење да се постави за Командир на граничен премин? Дали на злосторникот му се дава можност повторно да го изврши кривичното дело? Која е пораката која ја испраќа Спасовски и Ковачевски? Дали ова е борбата со криминалот и корупцијата? Спасовски да не чека и веднаш да го разреши лицето Б.А. од функцијата на која сам го поставил. Одговорност мора да има и од Спасовски. Ова не е прв скандал во МВР. 7 години е министер за внатрешни работи. 7 години безбедноста е на најниско можно ниво, вели Коцевски.

Коцевски: Одговорност и оставки од Спасовски и Буши, дивеењето на синот на заменик министерот со возило со флешери не смее да остане неказнето

Ристе Здравков — Sun, 11 Dec 2022 11:28:12 +0000

Одговорност и оставки од Оливер Спасовски и Назим Буши, дивеењето на синот на заменик министерот со возило со флешери не смее да остане неказнето, изјави на денешната прес-конференција пратеникот од редовите на ВМРО-ДПМНЕ, Зоран Коцевски. -МВР и самиот Спасовски молчат и не одговараат на прашањата кои ги поставивме. На сите прашања одговор имаат во евиденцијата на МВР. Црниот мерцедес со флешери со кое Ќерим Буши на 26-ти ноември дивеел низ Скопје е возило кое било во сопственост на Назим Буши, а потоа предадено на битолска фирма. МВР сето тоа го знае, доволно е само да се погледне историјатот на промени на сопственост. МВР само требаше да одговори дали црниот мерцедес е купен од Телеком за Назим Буши, а потоа продаден на самиот Буши, за истиот да го предаде на битолска фирма. Но МВР молчи. Ако немаше случај немаше да биде казнет заменик началникот на СВР Скопје кој интервенирал возилото и лицето да бидат пуштени, со објаснување дека се работи за познат човек. А, кој е тој познат човек, во возилото претходна сопственост на Назим Буши, сега во посед на битолска фирма сопственост на негови роднини, ако не е неговиот син, Ќерим Буши? Праша Коцевски. Оливер Спасовски и Назим Буши не смее да го заташкуваат целиот инцидент. Политичка одговорност мора да има, додаде тој.

Коцевски: Дали Македонски телеком во 2021 година му продава црн мерцедес со таблички СК 0202 АП на Назим Буши?

Ристе Здравков — Sat, 10 Dec 2022 10:30:40 +0000

Како што претпоставивме МВР на Спасовски продолжува со молкот за дивеењето во Скопје со приватно возило со флешери, кое според нашите сознанија било управувано од Ќерим Буши, син на заменик министерот во МВР, Назим Буши, изјави на денешната прес-конференција пратеникот од редовите на ВМРО-ДПМНЕ, Зоран Коцевски. -Како што веќе рековме ќе продолжиме да објавуваме детали. Уште еднаш прашуваме дали регистарските ознаки СК 0202 АП кои биле официјални таблички на мерцедесот со флешери сега постојат? И ако не, зошто не? Воедно го прашуваме Македонски телеком дали им се познати регистарските таблички СК 0202 АП, и дали тие биле таблиците на црниот мерцедес 350 компакт кој тие го купиле во 2017-та година, како службено за Назим Буши? Македонски телеком треба да одговори дотолку повеќе што во бордот на директори седат луѓе назначени од владата како Зоран Китанов, Нина Ангеловска и Дардишта. Дали Македонски телеком во 2021 година му продава црн мерцедес со таблички СК 0202 АП на Назим Буши? Ова се лесно проверливи работи и очекуваме одговор. Мерцедесот на синот на Буши е купен од телеком, а потоа даден на Буши. Одиме понатаму. Дали Назим Буши истото возило го дава на битолската фирма во сопственост на негови роднини, во чија сопственост било возилото на денот на инцидентот? Кого штити овде Спасовски? Одговорот на овие прашања им е познат на МВР. Зошто досега не е постапено? И дали целиот случај треба да заврши со казна за заменикот началник на СВР Скопје кој интервенирал за возилото да биде пуштено? Дали Оливер Спасовски молчи и не смее да одговори на овие прашања, затоа што се плаши да не ја наруши коалицијата СДС - ДУИ? Се држи ли МВР заложник за функционирањето на криминалната влада? Прашува Коцевски. Наместо заташкување на случајот со казна на полициски службеници, веднаш оставки од Назим Буши и Оливер Спасовски, додава тој.