зоран љутков – Kurir.mk

Љутков: Владата на СДСМ уништи се македонско, ја убива културата, одамна беше јасно дека се помалку ќе го користат името Македонија

Тале Кристо — Thu, 12 Oct 2023 14:26:20 +0000

Уште одамна беше јасно дека оваа Влада се помалку ќе го користи името Македонија, сега друга соседна земја како Бугарија не негира како марод, ни негира култура, јазик. Тоа што шокира во оваа ситуација е што нашите власти не преземаат никакви чекори за одбрана. Па ни при било која прослава нема ни спомнување на Македонија, рече актерот Зоран Љутков прв човек на Комисијата за култура на ВМРО-ДПМНЕ на гостувањето во емисијата Заспиј ако можеш што се емитува на телевизија Алфа. Според него ова некогаш е како лош сон. „Но, ние се изгубивме како генерација. Ова што се случува не е сон, ова е реалност. Загубено е драгоцено време на политички преписки, исполнување на лични желби, и тоа е погубно. Но, се надевам дека работите за некои идни генерации ќе биде сосема поинаку, ќе им овозможиме нешто поинакво од ова лошо секојдневие во кое денес живееме. Владата на СДСМ уби и се уште убива се што е македонско, ја убива културата“, рече Љутков. Според Љутков да се пушти партиска химна на државен настан, на ден на кој се одбележува 11 Октомври е скандалозно. „СДСМ е партија создадена врз основа на плагијаторство и знае дека се враќа патриотското чувство во државава кое беше загушено и кога тоа чувство гледаат дека е вредно за почит ја вратат страната. Гледате се појавува и кај нив коњаницата на пример, но тоа што го прават не личи на партијата и тоа е еден вид на шизофренија. Тие се лепат на ткивото на ВМРО-ДПММЕ што е крајно неавтентично. Тоа што го прават е сосема искривено, не им стои“, вели Љутков. Според него плагијаторството на СДСМ го гледаат и граѓаните и тие не веруваат на истото. „Тоа ги води само кон слаби резултати на избори. Но, времето си го кажува своето, кажува дека само тонат“, кажа Љутков. Љутков се осврна и на фактот дека во овој период се случуваат најмногу културни настани и додаде дека културата никогаш не била толку ниско, никогаш не била позапоставена, едноставно се уништува. „За прв пат оваа година посетив повеќе настани каде организаторите се жалат за ниски средства, дека едвај ги организираат настаните, мал број на публика поради неинформираност. Сите, посебно луѓето од култураат знаат тоа гласно го кажуваат дека овие не ги бива“, посочи Љутков кој додаде дека седум години оваа Влада нема направено ншто за културата ниту еден проект.

Љутков: Првиот човек на УЈП, креира културни политики

Ивона Петрова — Sun, 08 Oct 2023 14:32:58 +0000

Таман ќе помислиш дека ќе одмориш од реакции, СДСМ на секои пет минути, просто ти ги влече зборовите. Не можеш веќе да пратиш какви небулози се пласираат во медиумскиот простор. Завчера промовираат проекти од 2009та како "новитети" во културата, вчера "за прв пат" светска верска конференција, а денес Лукаровска држи трибина и зборува за достигнувањата во културата!!!!!, пишува актерот Зоран Љутков. Вели, се прашуваш, до кој степен ќе ја манипулираат јавноста, кој е лимитот, до толку ли немааат срам?! -Или пак, гледаат дека на Бисера тешко и оди, па СДСМ ја вклучува целата пролупана машинерија во погон за да ја одбрани! Господа од СДСМ - квази европски елитисти, културата во Македонија е се' освен европска (безброј пати ви го имам јавно кажано и сеуште ме немате демантирано) Шајка немате заковано, културните установи ни се распаѓаат, програмските содржини ни се сведени на минимум..... Средствата за националните установи се за 70% намалени во однос на времето од "заробената држава", и тоа, во услови кога цените за продукција се двојно или тројно повисоки. Пари има исклучиво за вашите шарени пулени и за нивните квази интердисцинарни проекти. Резултат на тоа е вашата неспособност за креирање на било какви државни политики.бЗаштитата на културното наследство во уста ја ставате, без срам? Курбиново е најголем доказ за тоа, 7 години неможете да го довршите проектот што ви го оставивме, абер немате. Истото е со Спомен куќата на Лазар Личеноски. Еден ваш проект соопштете го јавно! Нека е и реконструкција, а за нов објект сите знаат дека не бевте способни да направите. Еве, јас ќе кажам дека седиштата во Центарот за култура во Кочани ги заменивте со нови, на друго не се сеќавам. Госпоѓо Лукаревска, објаснете му на народот за тоа за кое што сте платени од државата. Објаснете зошто ја задолживте Македонија преку 4.5 милијарди евра, зошто го покачивте ДДВ на храната, зошто македонскиот народ е осиромашен и опљачкан, зошто ни се иселуваат масовно граѓаните, зошто стопанството и производството ни се пред колапс.... Тоа одговорете, за културата знаеме дека ја дотепавте, стои во објавата на Љутков.

Љутков: Бисера Стојчевска промовира стар проект на ВМРО-ДПМНЕ како новитет на СДС

Тале Кристо — Fri, 06 Oct 2023 09:29:31 +0000

Новитетите во културата на Бисера од земјата на чудата! Парадите што ни се приредуваат од страна на СДСМ станаа секојдневие!, истакна на денешната прес-конференција Зоран Љутков, член на ИК на ВМРО-ДПМНЕ. -Забрзано, безидејно, со цел да се покажат навидум стремежите кон "европските вредности", пресовите и скапите медиумски владини кампањи стануваат пресмешни и немаат никаков ефект. На една од нив, прес конференција на која овој пат во главната улога беше министерката Бисера, ни беа соопштени "новитетите" во културата на Конкурсот за поддршка на проекти од национален интерес за 2024 година! Пресот заврши, но останаа да лебдат вашите и лагите на вашите претходници, кои дрско и безочно ја уништија културата. Срамот ќе си го носите многу долго, затоа што сите вие во 2017 година ги укинавте "новитетите", односно креативните индустрии и деновите на македонска култура во странство. Секоја година, од 2017 година наваму, после секој ваш прес на тема конкурс, жестоко сме реагирале и сме укажувале на сите ваши несоодветни постапки! Колку пати јавно сме говореле и од петни жили сме се обидувале да допреме до вас за значењето и потребата од развој на креативните индустрии, за значењето на меѓународната промоција на Македонија и за културната дипломатија?! И до сега ниту еднаш не не' слушнавте?! Па уште и промовирате нешто што на тацна ви го оставивме (развиено и етаблирано), а ваше беше само да го продолжите! Што всушност кажавте вие на пресот, дека сега сте осознавале дека креативните индустрии постојат и каков економски бенефит носат во развиените средини?! Па еве повторно, по стоти пат ќе ве потсетиме дека стратегијата за креативните индустрии во Република Македонија започна во 2009 година, преку мапирање и реализација на 6 успешни Конкурси со преку 300 поддржани корисници. Најголем процент на млади креативци, кои своите идеи ги изложуваат јавно и на годишни изложби. Ви оставивме и одделение во министерството и стручен кадар, но вас тоа не ве интересираше па го преименувавте за да си финансирате квази интердиспципиланирни проекти. 7 години по ред буџетските средства брутално се распределуваат за невладини проекти или исклучиво за задоволување на поединци и здруженија од т.н. невладин сектор, односно шарените револуционери. А, тоа што не го кажавте, е дека за 7 години само од таа буџетска програма се одлеани околу 4.750 000 евра, а бенефит од тоа, нема. Министерке, неодамна отидовте на регионална Конференција за креативните индустрии во Црна Гора како Алиса во земјата на чудата. Таму беа сите министри со експертите од своите земји. Е сега со кого отидовте Вие и што кажавте таму и каков срам ни приредивте?! И да, вистината е дека во Европа креативните индустрии се трет економски сектор кој генерира преку 500 милијарди евра годишно и 12 милиони редовни вработувања, нешто што ВМРО ДПМНЕ почна да го прави, одамна го знае, го следи и со внимание ги темели идните културни политики! А вие 7 години денар не одвоивте и не оставивте на дното на мочуриштето. Затоа ви се гледа крајот, а за кратко ќе имате прилика да видите што значи програма, стратегија и визија за градење на културна политика!, заклучи Љутков.

Љутков: Министерството за култура воопшто не реализира капитални инвестиции, немаме ниту концертна сала како „Европски град на културата“

Тале Кристо — Tue, 26 Sep 2023 07:12:33 +0000

„За да ја носите таа титула Скопје „Европски град на културата“, морате да ги исполните сите услови кои што ги бара таа титула. Вие мора да бидете многу подготвени за тоа. А, ние не видовме наназад долги години барем една иницијатива што ќе го подобри културниот живот на скопјани. А, надежта е дека во тој период ВМРО-ДПМНЕ ќе биде на власт, па така ќе можеме да се надеваме на повеќе културни проекти“, истакна Зоран Љутков, член на ИК на ВМРО-ДПМНЕ во утринската емисија на радио „Лидер“. Љутков рече дека тоа не е само иницијатива на Град Скопје, се знае дека и тие конци ќе ги влече и министерството за култура. „Во 2028 година ќе бидат централните настани во Скопје. Но, ние мора инфраструктурно да се подготвиме за да ги дочекаме сите проекти. Една од важните работи е што ние во моментов немаме концертна сала“, нагласи тој. Тој посочи дека се кратат капиталните инвестиции во културата, буквално ќе стасаат и до нула. „Еве сега има, не го викаат ребаланс туку прераспределба на средства. Значи ќе нема ниту една капитална инвестиција“, рече Љутков. Љутков укажа министерството за култура нема пари за капитални инвестиции, се што доаѓа од Буџетот оди само во плати. „Мислам дека за „Европски град на културата“ до избори нема ништо да слушнеме од министерството за култура со каква динамика ќе се подготвуваат“, појасни тој.

Љутков: Власта со Предлог законот за култура го брише националниот интерес како категорија и зборот македонска култура

Ристе Здравков — Sat, 08 Jul 2023 10:21:16 +0000

Вчера, на 7 јули, со почеток во 10 часот, во Кинотеката на Македонија се одржа јавна дебата за најновиот Предлог - закон за култура организирана од Министерството за култура кое е и главен предлагач на овој Предлог законот. Напоменуваме дека во седмата година на владеење на двоецот СДС/ДУИ, покрај промената на пет министри за култура, ова е трет обид за донесување на нов Закон за култура, но, се чини дека и овој пат обидот ќе биде неуспешен, рече на денешната прес-конференција Зоран Љутков од ВМРО-ДПМНЕ. -И покрај воведните излагања на министерката за култура и директорот на Кинотеката, за наводно транспарентниот процес на изработката на Предлог законот, како и излагањето на претседателот на Советот за култура, сепак расправата помина во тензична атмосфера и со бројни и гласни негодувања и коментари од присутните. Голем број од присутните беа директори и раководни лица од институциите на културата назначени токму од оваа власт, а токму тие беа со најбројни забелешки на овој предлог закон, па наместо да се води дискусија за суштински процеси за развој на културата, дебатата се претвори во пазарење и кавга помеѓу претставниците од синдикатите и раководните лица од институциите. Ова укажува дека и самите предлагачи не се воделе од стратешки позиции за развој на културата, туку од лични и лукративни причини и задоволување на барањата на поединци или лоби групи. Но, закон не може да биде желботека, а овој Предлог закон е токму тоа бидејќи освен додадени Членови за работи во културните институции кои може да се уредат со други механизми на пример со Правилници и слично, суштината на еден Закон за култура целосно изостанува. Избришани се Членови кои се однесуваат токму на промоција на македонската култура, нема трага од национална култура и национален интерес, а најголемата небулоза е тоа што во законот го нема изразот македонска култура. Генерално, станува збор за Предлог закон во кој нема М од македонска култура, не се следат националните интереси, туку личните интереси на поединци и Предлог закон со кој СДС повторно покажа основно непознавање на областа култура како стратешка дејност за развој на државата и ни потврди дека културата им е на последно место, истакна Љутков. После оваа хаотична, несуштинска и непродуктивна јавна расправа за предлог-законот за култура на министерката Бисера Костадиновска Стојчевска и на раководните лица во Министерството за култура им предлагаме веднаш да го повлечат материјалот. Со ваков Предлог закон нема да остане ништо од македонската култура и културно наследство, а со тоа се загрозува и негувањето на македонскиот културен идентитет, додаде Љутков.

Љутков: СДС не само што нема изградено нови објекти за културата, туку и тие што се направени не ги одржува

Катерина Бојаџиева — Fri, 09 Jun 2023 16:55:44 +0000

Зоран Љутков, член на Извршниот комитет на ВМРО-ДПМНЕ на денешната трибина во Охрид на тема култура и туризам посочи дека во последните шест, седум години нема некоја култура, бидејќи сите министри си тераат некоја своја политиката во областа на културата. „ВМРО-ДПМНЕ секогаш ја става како главен столб културата. Кога ќе правам некоја компарација меѓу што направило ВМРО-ДПМНЕ и СДСМ. Се изгради нов објект на МНТ, објект на Филхармонија, Археолошки музеј на Македонија, објект на Музеј на македонската борба за државност и независност, нов театар во Велес, Спомен куќа на Мајка Тереза, нов објект на Турски театар и како оставивме така и остана сега нешто почнаа да работат како им доаѓа крајот. Ова се големи инфраструктурни објект. Сега не само што нема изградено, туку и тие направените не се одржуваат. Седма година сме сведоци дека нема никакво подобрување“, рече Љутков. Според Љутков не само објекти нема ни мерки. „Нема нов закон за култура, нема нова стратегија, а претходната која заврши лани не е реализирана“, кажа Љутков. Љутков информираше дека во програмата на ВМРО-ДПМНЕ за следните избори е многу богата, со многу добра стратегија за развој. „Тоа ќе ги врати уметниците на својата позиција, тоа е многу важно. Ќе инвестираме во креативните културни индустрии. Тоа значи дека културата мора да стане профитабилна активност“, вели Љутков.

Љутков: Граѓаните во општина Петровец се разочарани од централната власт и со нетрпение чекаат да ја дадат поддршката за ВМРО-ДПМНЕ

Катерина Бојаџиева — Sun, 04 Jun 2023 15:42:19 +0000

Членот на ИК на ВМРО-ДПМНЕ, Зоран Љутков во рамки на акцијата „Ова е Македонија за сите“ ги посети населените места Чифлик, Долно Коњари и Средно Коњари во општина Петровец, од каде истакна дека поддршката за градоначалникот од ВМРО-ДПМНЕ во овие населени места е огромна, но е голема разочараноста од централната власт. „Не е големо изненадување колкава голема е поддршката на градоначалникот Борче овдека во оваа населено место и со каква позитивна енергија зборуваат, но тоа никогаш не било ни прашање колку тие го поддржуваат градоначалникот Борче, но прашање е секогаш колку малку централната власт дава поддршка во општина Петровец во последниве две години“, истакна Љутков. Тој додаде дека разочараноста на граѓаните од овие населени места доаѓа поради однесувањето на централната власт и одбивањето на сите амандмани во Собранието за поддршка на оваа општина. „Критиките постојано се за она што се случува за централно ниво, критиките се зошто пратениците во Собранието кога поднесуваат амандмани за поддршка на општина Петровец, тие амандмани секогаш се одбивани“, потенцираше Љутков и додаде дека поради ваквата состојба граѓаните со нетрпение ги чекаат изборите за својата поддршка да ја дадат на ВМРО-ДПМНЕ. „Граѓаните во општина Петровец ја даваат огромната поддршка на ВМРО-ДПМНЕ, ги чекаат изборите да дојдат и сакаат да го дадат својот глас за ВМРО-ДПМНЕ, бидејќи знаат дека и во минатото, сите проекти, сѐ што е направено во ова населено место Чифлиг е направено со помош на ВМРО-ДПМНЕ“, подвлече Љутков.

Љутков: Владата не дава поддршка ни инвестиции за општините, граѓаните се незадоволни од ваквиот однос, градоначалниците на ВМРО-ДПМНЕ со сите сили се обидуваат да решаваат проблеми

Ивана Ефремовски — Sun, 28 May 2023 13:15:30 +0000

Љутков: Владата не дава поддршка ни инвестиции за општините, граѓаните се незадоволни од ваквиот однос, градоначалниците на ВМРО-ДПМНЕ со сите сили се обидуваат да решаваат проблеми Денеска сме повторно во Општина Зелениково, ги посетивме Ново Село, Пакошево и Страхојадица, генерално жителите од овие населени места се незадоволни од односот и третманот на владата, изјави членот на ИК на ВМРО-ДПМНЕ, Зоран Љутков од теренската активност „Ова е Македонија за сите“ Како што посочи Љутков, од владата нема никаква поддршка за поголеми проекти и инвестиција во општина Зелениково. -Немаат квалитетни сообраќајни решенија, се жалат на дека инфраструктурни проекти зависат од централната власт, рече тој. Љутков додаде дека единствено добро е што Зелениково има градоначалник од ВМРО-ДПМНЕ кој со сите сили се обидува да решава проблеми на граѓаните. -Градоначалникот Коста Манев со сите сили се бори тие проблеми да им ги надополни и реши, и по тоа се гледа дека градоначалниците на ВМРО-ДПМНЕ, повеќе работат. Овој нов уреден парк е дело на општинската власт предводена од градоначалникот Коста Манев, истакна Љутков.

Љутков: Владата дава поддршка само на градоначалниците од СДС иако сите општини заслужуваат нормални услови за живот, по изборите ќе следи рамномерно инвестирање

Тале Кристо — Sat, 27 May 2023 13:22:07 +0000

Се гледа дека централната власт многу повеќе инвестира во општинтие каде што се градоначалници од СДС, отколку во општините каде градоначалници има ВМРО-ДПМНЕ, граѓаните имаат многу проблеми кои не може да се решат како последица на владата, изјави Зоран Љутков, член на ИК на ВМРО-ДПМНЕ, во рамки на акцијата „Ова е Македонија за сите“. Тој од терен од населеното место Орешани истакна дека и покрај тие опструкции од централната власт, во општина Зелениково видлива е работата на градоначалникот Коста Маневски, а доказ за тоа е и задоволството кај граѓаните. Граѓаните ги кажаа своите проблеми со коишто се соочуваат, но генерално и градоначалникот им објасни дека некои од работите не можат да се решат се додека општината има нула поддршка од централната власт. Разговаравме со нив, ја имаме потребната поддршка, се чекаат изборите да го дадат својот глас за ВМРО-ДПМНЕ, потенцира Љутков. Тој посочи дека изборите се неопходни за да може да се направи рамномерно инвестирање и давање на средства во општините. - Општина Зелениково заслужува да има нормални услови за живот, рече Љутков.

Љутков: Се гордееме со нашите просветители, но денес стануваме слепи при очи каде образованието и науката се фрлени на буништето на потпросечноста

Дарко Андоновски — Wed, 24 May 2023 14:05:53 +0000

„Ние Македонците многу се гордееме со нашата славна историја. Горди сме на Александар Македонски и неговиот космополитизам затоа што од него почнало мешањето на цивилизациите и културите. Горди сме на Аристотел затоа што неговата филозофија денес е темел на модерната западна цивилизација. Гори сме што Св. „Павле“ токму од Македонија ја започнал својата мисионерска дејност, па ја проширил христовата вера низ Европа“, изјави членот на ИК на ВМРО-ДПМНЕ Зоран Љутков на денешното одбележување на празникот на рамноапостолите Св. Кирил и Методиј „Милениумско дело и завет“ Тој истакна дека многу сме горди, и запраша каде е одговорноста? Љутков додаде дека горди сме на нашата славна антика ама не само што не знаеме да ги раскажеме нашите приказни туку сме на пат археологијата и културното наследство да ни стане мртва приказна. „Гори сме на Св. „Кирил и Методиј“ заштитниците на Европа оти тие со својата просветителска дејност не само што описменија 1/3 од европскиот континент туку сеејќи го семето за ука и наука додека светот живееше во мрачниот среден век тие беа столбот на македонската ренесанса. Исто така горди сме на нивните наследници Св. „Климент и Наум Охридски“ во чие време и под чие раце се роди првиот универзитет, но и многу лечилишта не само за душата, туку и за делото“, изјави Љутков. Љутков посочи дека тука кај нас никнал првиот универзитет. „Кај нас никнал првиот универзитет ама ги откорнавме образованието и науката и ги фрливме на буништето на подпросечноста. Се гордееме со нашите просветители ама денес стануваме слепи при очи. Се гордееме со нашите славни борци илинденците и партизанците ама ги распродадовме сите национални интереси“, рече Љутков.