зоран милески кичеец – Kurir.mk

Кичеец останува во затвор – одбиен предлогот за условен отпуст

Тале Кристо — Mon, 15 Nov 2021 13:09:03 +0000

Кривичниот совет на одделението за организиран криминал и корупција, при Кривичниот суд го одби предлогот за условен отпуст на Зоран Милески – Кичеец правосилно осуден на три години затвор за случајот „Рекет“. – Постапувајќи по предлог на Директорот на КПД Струга – Отворено одделение, за условен отпуст на З.М. правосилно осуден во предметот на овој суд со КОК бр. 131/19 во јавноста познат како „Рекет“, Кривичниот совет на одделението за организиран криминал и корупција, по одржана седница на совет на 12.11.2021, донесе решение со кое предлогот се одбива, соопшти денеска Основен кривичен суд Скопје. Од Кривичен суд, информираат дека решението во текот на денешниот ден е експедирано до странките во постапката кои имаат право на жалба во рок од осум дена, преку овој суд до Апелацискиот суд Скопје.

Шест месеци затвор за Кичеец за сообраќајката кај Стража, во која загина едно лице

Тале Кристо — Wed, 10 Nov 2021 17:15:19 +0000

Зоран Милески кичеец доби шест месеци затвор за сообраќајката кај Стража, која се случи на 4 сепември, потврдуваат од обвинителството. Според овие информации, обвинетиот постигнал спогодба со обвинителството, а судија на претходна постапка ја прифатил спогодбата. Во несреќата, животот го загуби сопатник во автомобилот „Санг јонг“, четири лица се здобија со тешки телесни повреди, а тројца, меѓу кои и осомничениот, се здобија со полесни телесни повреди.

Николоски: Има целосна партизација на системот, затоа за некои лица од службите имаат секакви детали, ама за некои кои треба да се во затвор не знаат ништо

Super Admin — Thu, 16 Sep 2021 21:33:24 +0000

Во случајот со Рашковски, контролата во судството и обвинителството им измрда, тогаш се пресметуваа со Шекеринска и системот почна да работи без притисок и се реализираше истрага за аферите на Рашковски, Леонардо, со хиликоптерите и сега и тој е делод кругот и непријатно е да проговори. Не ме чуди ова што се случуваа, лица што треба да се затворени шетаат слободно. Тоа ќе се смени по промена на власта, рече Александар Николоски, потпретседател на ВМРО-ДПМНЕ на гостување во емисијата Заспиј ако можеш што се емитува на телевизија Алфа коментирајќи ги случаите што лица како Кичеец, Боки 13 шетаат слободно. Николоски укажа дека Рашковски беше генерален секретар на Влада и тој оперативно ги води работите, како и дека ги зголемил средствата до три пати повеќе што се за генералниот секретаријат.

„Рашковски влијаел на истрага, сведоци, а нема потреба да бега зошто се чувствува сигурен со Заев“, вели Николоски.

Според него јасно е дека има целосна партизација на системот затоа за Камчев има секакви детали, ама за тоа што Рашковски се шета слободен не знаат ништо надлежните. Николски се осврна дека многумина се под политички прогон, им се уништуваат семејствата, ги бркаат од работа.

„И тие за да се бранат земаат кредити за да имаат адвокати. Има 3.000 лица под прогон само заради желбата на Заев да се одмаздува“, вели Николоски.

Нема повеќе олеснувања за Кичеец, префрлен е во полуотвореното одделение во струшкиот затвор

Ивана Ефремовски — Mon, 13 Sep 2021 13:19:48 +0000

Управата ја извршување на санкции ја информира јавноста дека осуденото лице Зоран Милески – Кичеец е преместено од отворено во полуотвореното одделение во Затворот Струга. Тоа значи дека тој повеќе нема да може да ги користи олеснувањата кои ги добиваат сите осудени лица во отворените одделенија. Причина за ваквата одлука е новата кривична постапка која се води против Милески. Со ова решение тој ќе продолжи да ја издржува затворската казна и ќе биде достапен за истражните органи.

Kичеец пренесен во затворот во Струга

Дарко Андоновски — Fri, 10 Sep 2021 19:25:19 +0000

Зорен Милески Кичеец од притворското оделение во затворот Шуто Оризари вечерва е транспортиран во затворот во Струга. Од затворот во Шутка за тв 24 потврдуваат дека со решение на судот Милески е вратен во струшкиот затвор за издржување на веќе изречената казна за случајот „Рекет“ во кој ја призна вината. Гостиварскиот апелационен суд доцна попладнево го укина 30 дневниот притвор. Кичеец беше осомничен дека предизвикал сообраќајна несреќа близу Стража. Несреќата се случи минатата сабота при што загина 34 годишен гостиварец. Истрагата утврдила дека Кичеец додека бил на прекин од издржување на затворската казна, возел кон Скопје, но на патот Кичево – Гостивар претекнувал на полна линија, по што дошло до судирот меѓу неговиот и уште два автомобили.

Кичеец заврши во притвор

Дарко Андоновски — Tue, 07 Sep 2021 19:40:11 +0000

Основниот суд во Гостивар му одреди 30 дневен притвор на Зоран Милески – Кичеец, поради тешката сообраќајна несреќа на Стража, во која седум лица беа повредени, а едно го загуби животот. ОЈО Гостивар претходно соопшти дека е донесена Наредба за спроведување истражна постапка против едно лице осомничено за кривично дело – Тешки дела против безбедноста на луѓето и имотот во сообраќајот според член 300 став 2 во врска со член 297 став 1 од Кривичниот законик. -Движејќи се со автомобил „мерцедес“ со кичевски регистарски ознаки, тој на критичното место не ја прилагодил брзината на движење според состојбите и условите на патот и на видно обележана полна надолжна линија започнал престигнување на возилото пред него – автомобил „БМВ“ со тетовски регистарски ознаки. Во истиот момент, во спротивна насока кон Кичево се движел автомобил „Санг Јонг“ со гостиварски ознаки, на кое осомничениот му го попречил патот, па директно удрил со предниот десен дел од „мерцедесот“ во предниот десен дел од автомобилот „Санг Јонг“, се наведува во соопштението на ЈО. Милески, кој е осуден на три години затвор во случајот „Рекет“, е на едномесечен прекин, откако лекари од Охрид препорачале да се лекува од стрес, тахикардија и тешко дишење, а Управата за извршување на санкциите, му дала такво решение по препораката.

ОЈО Гостивар бара притвор за Кичевскиот поради сомнеж дека предизвикал тешка сообраќајна несреќа

Магдалена Андонова — Tue, 07 Sep 2021 16:51:20 +0000

Основното јавно обвинителство Гостивар донесе Наредба за спроведување истражна постапка против едно лице осомничено за кривично дело – Тешки дела против безбедноста на луѓето и имотот во сообраќајот според член 300 став 2 во врска со член 297 став 1 од Кривичниот законик. На 4 септември, на магистралниот пат Кичево-Гостивар, осомничениот како учесник во сообраќајот на јавните патишта не се придржувал кон прописите и го загрозил јавниот сообраќај. Движејќи се со патничко моторно возило „Мерцедес“ со кичевски регистарски ознаки, тој на критичното место не ја прилагодил брзината на движење според состојбите и условите на патот и на видно обележана полна надолжна линија започнал престигнување на возилото пред него – автомобил „БМВ“ со тетовски регистарски ознаки. Во истиот момент, во обратна насока кон Кичево се движел автомобил „Санг Јонг“ со гостиварски ознаки, на кое осомничениот му го попречил патот, па директно удрил со предниот десен дел од „Мерцедесот“ во предниот десен дел од автомобилот „Санг Јонг“. Удреното возило со левиот страничен дел, пак, удрило и во автомобилот „БМВ“ кој бил претекнуван. Во несреќата, животот го загубил сопатник во автомобилот „Санг Јонг“, четири лица се здобиле со тешки телесни повреди, а тројца, меѓу кои и осомничениот, се здобиле со телесни повреди. Поради опасност од бегство, можност за влијание врз сведоците/оштетените и можност за повторување на делото, јавниот обвинител до судијата на претходна постапка од Основниот суд во Гостивар достави предлог за определување мерка притвор за осомниченото лице.

Заев: Не знаев дека Кичеец не е во затвор, но тој отсуствувал согласно закон

Ивана Ефремовски — Tue, 07 Sep 2021 10:44:10 +0000

Премиерот Зоран Заев денеска повтори оти директорот на Управата за извршување санкции го информирал оти Зоран Милески Кичеец ја имал целата потребна медицинска документација за да му бидат дадени триесет дена за лекување. Доколку некој има поинакви информации, рече Заев, тогаш треба тие да се објават. -Сите треба да бидеме еднакви по закон и на сите ни следуваат еднакви обврски и ни следуваат еднакво и правата. Не ги знам деталите навистина. Вие ми кажувате дека требало седум дена, јас знам дека има медицинска документација, информиран сум од директорот на Управата за извршување на санкции. По самите документи законот е јасен. Веднаш може да се обелодени во јавноста доколку има одреден пропуст. Но, јас знам дека сите наши граѓани ко што се на издржување на казна после одреден период од издржувањето на казната имаат право на викенд, на одреден одмор, имаат право секогаш во издржување на казната и на здравствено лекување, рече Заев одговарајќи на новинарско прашање. Тој уверува дека во случајот со Кичеец ниту некој имал намера да прави некои протекции, ниту да се дава нешто повеќе од тоа што е вообичаено. -Јас сум информиран првпат со објавувањето во јавноста дека имал Зоран Милески право на користење на тој прекин на казна заради здравствени потреби. На крајот се доинформирав од директорот на Управата за извршување на санкции. Но, ве повикувам навистина до крај да ги обелодените сите факти, рече Заев.

Кичеец влезе во затворот во Струга

Дарко Андоновски — Mon, 26 Oct 2020 12:24:38 +0000

Зоран Милески -Кичеец денеска влезе во Казнено поправниот дом (КПД) Струга за отслужување на правосилната затворска казна од три години на која е осуден во случајот „Рекет“. Директорот на Управата за извршување санкции Јовица Стојановиќ во изјава за МИА потврди дека Зоран Милески е примен во струшкиот затвор пред околу час и половина и оти сам се пријавил во извршување на затворската казна. Милески е осуден на три години затвор, откако во декември минатата година го призна делото за случајот „Рекет“- примање награда за противзаконито влијание.

Кичеец на слобода, има ли правда во Македонија?

Магдалена Андонова — Tue, 13 Oct 2020 14:58:57 +0000

Двојните аршини на правосудните органи во Македонија излегуваат на површина. Имено, додека поранешната министерка за внатрешни работи Гордана Јанкуловска експресно беше притворена за издржување на казната затвор од 4 година во случајот Тенк, Зоран Милевски Кичеец за случајот Рекет се уште е на слобода и покрај тоа што требаше да се јави во КПУ Шутка за издржување на казната на 12 октомври до полноќ. Околу притворање на Јанкуловска се крена голема фама, а Министерството за внатрешни работи отиде до тој степен да врши патрола пред зградата во која живее со образложение да се спречи можно бегство. Но, за сега нема информации дали истото се случува и пред живеалиштето на Милевски Кичеец. Нема никаква истрага ниту за снимката и фотографиите од Јанкуловска кои излегоа во јавноста, но кои се гледа како Јанкуловска е со лисици на рацете во судот, но и во дворот на затворот КПД Идризово. Јавноста реагираше дека овие фотографии се на правени се со цел да се деградира како личност, а власта да ги задоволи барањата на разочараните од власта кои наместо правда спроведуваат неправда. Од друга страна пак нема ни трага ни глас за спроведување на казната на Милевски Кичеец, што го потврдува селективното спроведување на законите во земјата. Информациите кои излегоа во медиумите велат дека уште на 21 септември Кичеец добил упатен акт во кој се наведува дека до 12 октомври треба да се јави во затворот за издржување на затворската казна за кој е обвинет. Но, и покрај тоа што рокот беше до вчера до полноќ, директорот Есад Рахиќ изјави дека Кичеец не се појавил. Милевски за ТВ 24, рече дека ќе се јави на одржување на затворската казна, како и дека не поднел барање за одлагање на истата. – Ќе се јавам на издржување на казната, барање за одлагање не сум поднел, вели Кичеец. Но, по се изгледа дека Милевски Кичеец се предомислил, па денес излезе информацијата дека поднел барање за одложување на казната до судијата за извршување на санкции. А од Кривичен суд брифираат дека судијата Пајазит Пајазати почнал со разгледување на неговото барање и засега нема детали врз основ на што осудениот во случајот Рекет се повика за да го помести издржувањето на казната. Имено, Кичеец е осуден на 3 години затвор, но бидејќи дел од казната го отслужи во притворското одделение во Шутка му преостануваат нешто помалку од една ипол година. Ова не е прв ваков случај, правосудните органи да спроведуваат селективна правда. Јавноста претходно беше сведок на низа чудни судски пресуди како на бившиот градоначалник на Ново Село од СДСМ Боро Стојчев кој беше фатен за шверц на цигари и доби условна казна, како и случајот со градоначалникот на Шуто Оризари Курто Дудуш за кои имаше обвинение дека во својот кабинет претепал свој сограѓанин, но наместо казна доби само судска опомена, како и ред други скандали и афери.