зоран попов – Kurir.mk

ВМРО-ДПМНЕ: Раскалашеност во дипломатијата – амбасадорот Попов во Вашингтон изнајмувал луксузна резиденција иако имал простор во самата амбасада

Ивана Ефремовски — Mon, 27 Feb 2023 10:18:48 +0000

Нов скандал ја тресе македонската дипломатија, овој пат со амбасадорот во Вашингтон, Зоран Попов, кој пред да биде именуван беше претседател на комисијата за надворешна политика на СДС. Очигледно и дипломатијата се претвори во листа на желби за удобства на грбот на граѓаните, реагираат од ВМРО-ДПМНЕ. „Имено новоименуваниот амбасадор во Вашингтон, Зоран Попов си изнајмил резиденција за преку 6.000$ месечно во ексклузивен дел на Вашингтон, Бетезда, иако во склоп на амбасадата има резиденција за амбасадор каде што живееја сите амбасадори до сега. Попов не сакал да живее во резиденцијата, затоа што не му се допаѓало, па си избрал луксузно сместување. На оваа сума има плус режиски трошоци од 1.000$ кои доколку живее во резиденцијата во наша сопственост нема да ги има или ќе бидат минимални. Платата му е 5.000$, а си земал стан од преку 6.000$. Со што ги заслужи овие луксузирања Зоран Попов? Што сработи во изминатиот период? МНР треба да ја испита ваквата раскалашеност и да побара одговорност од Попов, бидејќи во услови кога граѓаните едвај врзуваат крај со крај недозволиво е некој непотребно да троши народни пари во Вашингтон“ - порачуваат од партијата.

Новиот амбасадор во САД, Зоран Попов го помина собранискиот филтер

Ристе Здравков — Tue, 26 Jul 2022 12:06:05 +0000

Со презентацијата на тезите во Парламентот завршени се сите процедури за заминување на амбасадорот Попов на дипломатската мисија во Вашингтон. Агреманот за Попов од Вашингтон беше добиен пред околу еден месец и тој заминува во амбасадорската мисија од функцијата државен секретар во Министерството за надворешни работи (МНР) Новоименуваниот амбасадор на Република Северна Македонија во Соединетите Американски Држави, Зоран Попов, денеска го помина и филтерот на собраниската Комисија за надворешна политика. Тој своите тези за дипломатската мисија во САД ги презентирање пред Комисијата за надворешна политика, зад затворени врати, поради како што истакна претставник на МНР, доверливиот карактер на информациите. Неговото излагање можеа да го проследат само пратениците кои поседуваат безбедносни сертификати. Со презентацијата на тезите во Парламентот завршени се сите процедури за заминување на амбасадорот Попов на дипломатската мисија во Вашингтон. Агреманот за Попов од Вашингтон беше добиен пред околу еден месец и тој заминува во амбасадорската мисија од функцијата државен секретар во Министерството за надворешни работи (МНР). Со неговото заминување во САД, ќе се пополни едно од најважните амбасадорски места за нашата дипломатија кое беше празно веќе четири и пол години. Последен македонски амбасадор во Вашингтон беше Васко Наумовски во периодот од 2014 до 2018 година. По затворениот дел, седницата на Комисијата беше прекината заради пленарната собраниска седница. Продолжението на седницата ќе биде дополнително закажано. Покрај амбасадорот Попов, пред членовите на Комисијата своите тези за дипломатските активности треба ди ги претстават и новите амбасадори во Канада, Агрон Буџаку, во Кралството Норвешка, Дритон Куќи, во Република Словачка, Евгенија Илиева, како и вонредниот и ополномоштен амбасадор на земјава во Кралството Белгија, Методија Белевски. МНР информира дека за уште тројца амбасадори се добиени агремани и во тек се нивните подготовки за преземање на должноста и барањето до Собрание за закажување на седница на Комисијата за надворешни работа за нив ќе биде пратена во скоро време. Станува збор за Виктор Димовски кој ќе биде амбасадор во Франција, Агнеза Руси во Бугарија и Јован Манасијевски во Турција. На седницата на собраниската Комисија за надворешна политика претходно, денеска, едногласно беа усвоени Предлог-законите за ратификација на Протоколите кон Северноатлантскиот договор на Кралството Шведска и Република Финска. Поддршка за зачленувањето на двете скандинавски земји кон НАТО дадоа пратениците и од власта и од опозицијата, оценувајќи дека станува збор за две пријателски земји кои отсекогаш и давале поддршка на Република Северна Македонија од нејзиното осамостојување, како и за нејзините евро-атлантски аспирации. Предлог-законите за ратификација на протоколите треба утре да се најдат на пленарна седница.

Од 2018-та година Македонија нема амбасадор во САД, еве кој сега ја добива таа функција

Ивана Ефремовски — Tue, 21 Jun 2022 19:58:55 +0000

Сегашниот државен секретар во Министерството за надворешни работи, Зоран Попов треба да биде нов амбасадор на Македонија во Соединетите Американски Држави, изјави претседателот Стево Пендаровски во вечерашното интервју за Телевизија 24. -Денеска стигна агреманот за господинот Зоран Попов. Добивме согласност од американска страна. Се надевам дека до септември ќе имаме амбасадор во Вашингтон, рече Пендаровски. Република Македонија нема амбасадор во САД веќе четири ипол години. Последен македонски амбасадор во Вашингтон беше Васко Наумовски во периодот од 2014 до 2018 година.

Шефот на тајната полиција заминува во Париз како амбасадор, а Теута Арифи во Брисел, еве кој ќе биде амбасадор во Вашингтон

Ристе Здравков — Wed, 30 Mar 2022 19:01:04 +0000

Владата продолжува со пополнувањето на испразнетите места на дипломатско-конзуларните претставништва на Македонија. Од дипломатски извори МКД.мк дознава дека на вчерашната седница поминале предлозите за Зоран Попов, актуелниот државен секретар во МНР, кариерен дипломат, да биде испратен во Вашингтон, САД, Теута Арифи, поранешната градоначалничка на Тетово, која по неуспешниот обид да биде испратена во Вашингтон, сега е предложена за во ЕУ, Брисел, а актуелниот директор на Агенцијата за национална безбедност Виктор Димовски, кариерен дипломат, е предложен за амбасадор во Париз, Франција. На списокот се и Мето Белески, кариерен дипломат, е предложен за амбасадор во Белгија, Реџеп Демири, член на ДУИ, сегашниот генерален конзул во Минхен е предлогот за амбасадорското место во Берн, Швајцарија. Од ДУИ доаѓа и предлогот за Дритон Кучи за амбасадор во Осло, Норвешка. Нов амбасадор во ОБСЕ, Виена ќе биде Едмонд Адеми, советник на актуелниот премиер Димитар Ковачевски и поранешен министер без ресор за дијаспора. Претходно објавивме дека и Андреј Жерновски бил предложен за амбасадор во Берлград, Србија.