ПОЧИВАЈ ВО МИР: Последно испраќање на спортскиот новинар Зоран Поповски

Ивана Ефремовски — Tue, 14 Feb 2023 08:10:56 +0000

Истакнатиот македонски спортски новинар Зоран Поповски, кој почина вчера ненадејно на 54-годишна возраст, ќе биде погребан попладнево на градските гробишта Бутел во Скопје.

Поповски повеќе од две децении работеше како спортски новинар во „А1“, „Дневник“, „Спорт 4“, „Македонски спорт“, „Спортмедиа“, и „Република“, а од 2018 година беше дел од редакцијата на порталот „Спортманија“.

Како новинар вљубеник во фудбалот, Поповски известуваше најмногу од фудбалски настани, вклучувајќи ги сениорското Европско првенство 2021 на кое за првпат настапи Македонија, како и Европското првенство за младинци во Полска во 2017 година. (МИА)

Поповски: „ПОЦ“ не врши уплата на комуналната такса на сметка на буџетот на општина Центар која изнесува 6,3 милиони денари

Дарко Андоновски — Fri, 11 May 2018 13:14:08 +0000

Јавното претпријатие за јавни паркиралишта „Паркинзи“ на Општина Центар-Скопје кое стопанисува со паркинзите во општината не врши уплата на комуналната такса на сметка на Буџетот на општината која изнесува 6,3 милиони денари или околу 100 илјади евра, ова на денешната прес конференција го потенцираше Зоран Поповски од ВМРО-ДПМНЕ. -Оваа неправилност ја забележува и Државниот завод за ревизија каде вели дека ова не е во согласност со одредбите од членот 20 од Законот за комуналните такси и тарифникот број 8 од Тарифата за комунални такси. „ПОЦ“ како правен субјект е должен и тоа е потврдено со закон да врши наплата на такса која треба да ја уплатува на соодветна уплатна сметка во рамките на трезорската сметка на општината. Со оглед дека ова е извештај за 2017-та година како директор на „ПОЦ“ се јавува сегашниот градоначалник Саша Богдановиќ кој свесно го прекршувал законот и тоа не само во овој случај туку и во годините наназад, вели Поповски. Тој додава дека Саша Богдановиќ со оваа негова постапка ги има оштетено жителите на Центар и треба да понесе одговорност. -„ПОЦ“ нема платено комунална такса наназад 5 години и на тој начин Општина Центар е покуса за околу 500 илјади евра. Уште потрагично да биде е што за оваа ситуација знаел сегашниот градоначалник Саша Богдановиќ но и неговиот претходник Андреј Жерновски. Дополнително ако се уплати годишната такса спрема општината ќе се види дека „ПОЦ“ работи со финансиска загуба што е основ за недомаќинско работење. Со редовно плаќање на оваа такса во изминативе 5 години можеа да се реновираат сите игралишта и да се заменат сите дотраени клупи и канти за ѓубре. Исто така со оваа сума може да се реновираат сите клонови на градинката „Корчагин“. Со 500 илјади евра може да се изгради новата градинка во Маџар Маало што е ветена од градоначалникот Богдановиќ или пак да реновираат минимум 10-тина улица во Општината. Исто така со оваа сума може да се купат 3.000 прочистувачи на воздухот или пак може да се засадат 6.000 дрва од типот Гинко, рече Поповски. Тој вели и дека ваквото неодговорно однесување мора да престане. Го повикуваме Јавното обвинителство и сите други надлежна институции да го испитаат ревизорскиот извештај и да се произнесат за тоа каде се отидени овие пари и зошто не се уплаќани во буџетот на општината. Ова е класичен случај на недомаќинско раководење. Центарци заслужуваат одговорен и отчетен градоначалник кој ќе се грижи за нивните интереси.

зоран поповски – Kurir.mk

ПОЧИВАЈ ВО МИР: Последно испраќање на спортскиот новинар Зоран Поповски

Поповски: „ПОЦ“ не врши уплата на комуналната такса на сметка на буџетот на општина Центар која изнесува 6,3 милиони денари