зоран шапуриќ – Kurir.mk

Трипуновски побарал од Шапуриќ вонреден налог за инспекциски контроли на сите откупни пунктови за тутун

Ивана Ефремовски — Fri, 31 Jan 2020 14:09:49 +0000

Дополнителниот заменик-министер за земјоделство, шумарство и водостопанство, Цветан Трипуновски денеска од директорот на Државниот инспекторат за земјоделство, Зоран Шапуриќ да изготви вонреден налог за официјални контроли на сите откупни пунктови за тутун. Целта на ваквото барање, како што изјави Трипуновски по средбата со Шапуриќ, е да се елиминиират сите злоупотреби од страна на откупните компании. -Сведоци сме дека во изминатиов период ги посетив скоро сите региони во Република Македонија каде што има откуп на тутун како Кривигаштани, Долнени, битолскиот дел, Радовиш,…, каде што лично се уверив дека има несогласувања, односно има потценување на трудот на македонскиот земјоделец, во случајов тутунарите, рече дополнителниот заменик-министер. На средбата со Шапуриќ, додаде, укажал и дека Иснпекторатот мора да ги спроведува законските надлежности и да биде коректор на она што значи злоупотреба на терен во однос на откупот на тутунот. (МИА)

Џемаили ја презеде функцијата министер без ресор од Шапуриќ

Предраг Кукиќ — Mon, 02 Sep 2019 14:27:21 +0000

Новиот министер без ресор задолжен за регулатива за подобрување на инвестициска клима за домашните претпријатија Хисен Џемаили денеска ја презеде функцијата министер без ресор од Зоран Шапуриќ кој беше на должност од јуни 2017 година. На средбата, информират од Кабинетот на Џемаили, се разговараше за инвестициската клима, Законот за финансиска поддршка на инвестиции, како и за предизвиците на домашната економија. -Моето дејствување како министер задолжен за домашните компании ќе биде во насока на остварување на мисијата на Владата за еднаков третман на домашните и странските компании, како и давање на систематска финансиска помош на компаниите со цел зголемување на домашното производство и нови вработувања. Сигурен сум дека со реализирање на економскиот план на Владата ќе се подобри животниот стандард на граѓаните и ќе се придонесе за задржување на работниците на домашниот пазар, истакна министерот Џемаили. Ќе се заложам, додаде, за стимулирање и поддршка на конкурентноста на домашните бизниси како и нивно меѓусебно вмрежување. -Со влегувањето на Северна Македонија во НАТО очекувам уште поголем раст и раздвижување на домашната економија, потенцира Џемаили.

ВИДЕО: Шекеринска и Шапуриќ фатени на дело- 400.000 за фантом невладина

Катерина Бојаџиева — Tue, 07 Aug 2018 09:13:04 +0000

Фантом невладина организација која од минута во минута ги менува членовите на раководи функции и прикажува лажни (?) ревизорски извештаи добила пари од Министерството за одбрана, открива порталот Економски Лидер по деталните проверки на здружението. Се работи за здружението „Мултикултура“ од Тетово, кое доби 400.000 денари грант од Министерството за одбрана со потпис на министерката Радмила Шекеринска. Откако вчера Лидер објави за злоупотребата на службената положба (кривично дело), затоа што во управниот одбор на „Мултикултура“ седи министерот без ресор Зоран Шапуриќ – утринава од вебсајтот на здружението го избршаа името Шапуриќ од графата на членови во управниот одбор.

Разликата во сајтот на Мултикултура (www.multikultura.org,mk), од утринава министерот Зоран Шапуриќ не е член на управниот одбор

Кратко по промените на страницата, кабинетот на министерот Шапуриќ излезе со демант на информацијата на Економски Лидер во кој стои дека тој не е, ниту некогаш бил дел од раководните структури на ова здружение. Во демантот, Шапуриќ го обвини Економски Лидер за ширење на лажни вести и посочи дека со објавувањето на оваа вест сме работеле против неговите и напорите на Шекеринска да влеземе во НАТО. -Mинистерот Шапуриќ, во ниту еден момент не бил во управувачките структури на оваа организација, ниту присуствувал на било каква нивна седница, стои во демантот од кабинетот на министерот Шапуриќ кој пристигна до медиумите на кои им се закануваат со тужба. Од порталот прашале и зошто името Шапуриќ стои во ревизорски извештај, го тргнаа и него. Ваквото тврдење на Шапуриќ иницираше нова истрага на Економски Лидер, во која ги проверивме ревизорските извештаи на „Мултикултура“, кои се потпишани од овластената ревизорска куќа РСМ Македонија од ревизорите Војдан и Стојан Јорданов. Во нив, исто така стои името на министерот Зоран Шапуриќ како дел од управниот одбор на здружението. Истите можете да ги погледнете во целост преку линковите на крајот од овој текст.

Ревизорскиот извештај за 2018, во кој стои името на Зоран Шапуриќ како член на управниот одбор на здружението „Мултикултура“

По ова, од Лидер се јавивле на официјалниот телефонски број на организацијата да прашаме дали Шапуриќ е дел од управниот одбор. Од таму не сакале да дадат одговор зошто неговото име се споменува во ревизорскиот извештај и зошто беше тргнато од вебстраницата. На крај, додава Лидер, секретарката која одговара на телефонските повици нервозно го спушти телефонот. Кратко по нашиот телефонски разговор, од веб страницата на „Мултикултура“ ги избришаа и ревизорските извештаи за 2016 и 2017, иако претходно имаше и промени во кои од документите беше тргната четвртата страница, на која се наоѓаат имињата на луѓето со раководни позиции во оваа организација. Со оглед на тоа што се работи за официјален ревизорски извештај, од сите случувања јасно е дека некој извршил кривично дело. За настанот постојат две сценарија:

Кривично дело извршиле Шекеринска и Шапуриќ, злоупотреба на службена положба, затоа што пари добила организација раководена од Шапуриќ.
или Кривично дело, фалсификување извршил претседателот на невладината „Мултикултура“, кој го фалсификувал потписот на Шапуриќ. Заедно со ревизорот кој тоа го заверил.

Прашањето е само дали Шекеринска дала пари на невладина на Шапуриќ, или на невладина фантом, која фалсификува потписи од минута во минута ги менува членовите на раководните тела? Од сајтот на „Мултикултура“ избришано е се што е поврзано со Шапуриќ, за да се исполни неговата изјава дека тој не е поврзан со организацијата, но она што еднаш е напишано на интернет, не може да се тргне. Па така, на пребарувачот „Google“, сеуште стои дека Шапуриќ е член на управниот одбор на организацијата.

Google потврдува дека неговото име е тргнато од сајтот

Сега палката е во рацете на институциите, кои ако навистина постојат, треба да откријат дали некој правел злоупотреба на службена положба, или некој правел фалсификат на документи. Во иднина ќе продолжиме да истражуваме за ова здружение и неговата поврзаност со актуелната власт. Затоа што финансиските извештаи, покажуваат дека во него се вртат огромни суми на пари, често донирани и од државата. Прилози: Ревизорски извештај за 2017, со името на Зоран Шапуриќ, објавен 2018- https://drive.google.com/file/d/1UVsRUf8WLkP1wMB1bGiR_G_p0IFxkNAe/view?usp=sharing Ревизорски извештај за 2016, со името на Зоран Шапуриќ, објавен во 2017 –https://drive.google.com/file/d/1qyl5tGl8ZgBkq8ASmqYpSWCRg0OwLBUZ/view?usp=sharing пишува: Љупчо ЗЛАТЕВ за Лидер

Шапуриќ демантира дека е поврзан со невладината организација Мултикултура од Тетово

Ивана Ефремовски — Mon, 06 Aug 2018 09:30:56 +0000

Mинистерот без ресор задолжен за регулатива за подобрување на инвестициска клима за домашните претпријатија проф. д-р Зоран Шапуриќ најенергично ја демантира веста дека има било каква поврзаност со невладината организација Мултикултура од Тетово. Неговиот демант го објавуваме во целост: Од списокот на членови на оваа невладина организација јасно се гледа дека станува збор за универзитетски професори вработени или ангажирани од страна на Штуловиот универзитет во Тетово како и на други граѓански активисти и борци за човекови права. Во еден период на својот професионален ангажман професорот Шапуриќ работел на Штуловиот универзитет, но прв пат од медиумите дознава дека бил наводно член на оваа невладина организација. Веродостојноста на ова наше тврдење може да се провери и во Централниот регистар каде со сигурност може да гарантираме дека името на професорот Шапуриќ нема да излезе бидејќи никогаш не потпишал, ниту се согласил да биде член на органи на здружението Мултикултура. Уште повеќе, министерот Шапуриќ, во ниту еден момент не бил во управувачките структури на оваа организација, ниту присуствувал на било каква нивна седница. Од тие причини сметаме дека станува збор за ненамерен превид од страна на здружението Мултикултура, а за тоа како се најде името на професорот Шапуриќ на нивната web страна треба да објаснат тие. Од порталите кои ја објавија веста бараме да го објават и овој демант. Министерот Шапуриќ немал сознанија или информации дека постоел оглас за доделување на средства во Министерството за одбрана, ниту можел да знае за што им се доделени средствата на оваа и на останатите невладини организации. Во таа насока, ги повикуваме надлежните институции доколку утврдат било какви неправилности веднаш да реагираат и да ја известат јавноста за тоа. Ги сметаме за тенденциозни тврдењата на одредени портали за било каква поврзаност на министерот Шапуриќ со доделување на средства од Министерството за одбрана и сметаме дека со нив се сака да се фрли дамка врз работата на Министерот за одбрана Радмила Шеќеринска во овие чувствителни моменти на влез на Македонија во НАТО, да се наруши угледот не само на овие посочени министри туку и на целата Влада, но и на ЛДП како политичка партија од чии редови е министерот Шапуриќ.

Нацијата во големо исчекување и неизвесност: Денеска состанок меѓу вицепремиерот Османи и министерот Шапуриќ

Матеја Петровски — Wed, 03 Jan 2018 09:46:33 +0000

Берзата на штрек, кладилниците наголемо работат околу тоа што ќе проценат двата члена на Владата. Дали дека Макеоднија ја очекува европска перспектива или дека реформите ќе се исплатат. Додека запрени се повеќеот од покрупните инфраструктурни проекти во земјата, а нови нема, додека нема ниту еден нов странски инвеститор во земјата, а домашен уште помалку. Додека премиерот размислува дали со легализација на дрогата марихуана ќе ги спречи разводите и граѓаните ќе ги направи ХАЈ(всушност Зоран Заев јавно кажува дека ќе ги охрабри граѓаните да се дрогираат за да се почуствуваат повесело и плус ќе го легализира тоа). Додека Шилегов си ги подлажува скопјани дека со бесплатно возење во автобус ја решил маглата, додека никој ништо не работи, ниту има идеја што да сработи, меѓу две апсења за забава и ситење на народот, СДСМ смислиле медиумски настани на средби помеѓу членови на иста Влада, кои разговараат за потребата и значењето од неименувани и непознати реформи. Ова мора да е смислено до Роберт Поповски, а одобрено до Зоран Заев, како генијална идеја за ПР. Кај и да е, ќе заврши периодот кога народот ќе може да го замајуваат со апсења без основ и спротивно на закон, хајки и прогони, и веќе смислуваат нови форми на занимација која треба до поплни медиумскиот простор и да се даде храна за што да зборат новинарите под контрола на СДСМ. Па така, наскоро да не се изненадиме ако вестите на Канал 5 почнат оде дебата на аналитичари(се разбира од СДСМ и ДУИ) за дебатата на два министри тој ден, а поврзната со важноста на неименувани реформи во секторот риболов. Народот не би требало да се буни. Пред само два месеци му даде голема поддршка на локалните избори на СДСМ, а не момеже да кажеме дека незнаеме какви се и кои се и што ќе прават. Така да, да се навикнеме да живееме во време на „млатење празна слама“ од политичарите, па од нив аналитичарите и медимуте, легализации на дрога, нудење на промена на името и идентитетот и по некое апсење. Среќна нова 2018-та народе. Баравте- гледајте. Инаку, во текот на вчерашниот ден средба остварија министерот за здравство Венко Филипче и вицепремиерот за европски прашање Бујар Османи.