Зоран Трајчевски – Kurir.mk

Од 22 до 29 ноември ќе се одржат третите Денови на медиумска писменост

Ивана Ефремовски — Fri, 19 Nov 2021 13:24:40 +0000

Виртуелно или реално – правилата се исти! Да бидеме медиумски писмени“ е мотото на Деновите на медиумска писменост кои годинава ги посветуваме на децата и младите, соопшти директорот на Агенцијата, Зоран Трајчевски на денешната прес-конференција. Со неа се означи почетокот на манифестацијата, која Агенцијата за аудио и аудиовизуелни медиумски услуги и Мрежата за медиумска писменост ја организираат од 22 до 29 ноември. -Тематската поставеност на овие Денови произлегува од најновиот развој на полето на медиумската писменост во земјава – официјалното влегување на медиумската писменост во програмите за основното образование, како пристап во предавањето, за што секако придонесоа сите досегашни заеднички напори за унапредување на медиумската писменост кај граѓаните од сите генерации, истакна директорот на Агенцијата. Во рамки на манифестацијата, со која по трет пат се приклучуваме кон одбележувањето на десеттата Глобална недела на медиумска и информациска писменост на УНЕСКО, ќе се одржат низа настани посветени на градењето и развојот на критичката свесност кај децата и младите, но и кај други целни групи кои се директно или индиректно поврзани со нив.

Јавен состанок на АВМУ

Ивона Петрова — Tue, 29 Jun 2021 05:02:27 +0000

Агенцијата за аудио и аудиовизуелни медиумски услуги денеска преку видео-конференциска врска ќе го одржи вториот јавен состанок за 2021 година. На состанокот, директорот Зоран Трајчевски ќе ги презентира реализираните активности на Агенцијата за вториот квартал од 2021 година.

Трајчевски: Поради несериозноста на владата кампањата ќе почне на полноќ, но Упатството за политичко рекламирање ќе се носи утре

Дарко Андоновски — Tue, 23 Jun 2020 18:00:32 +0000

Уредбата за рекламирање на изборите со законска сила беше изгласана вчера од страна на владата, но АВМУ дури утре ќе има седница на која ќе подготви Упатство за лимитите за платено политичко рекламирање на изборите 2020. Откако утре уредбата ќе излезе во службен весник, директорот на АВМУ Зоран Трајчевски во вечерашната емисија „Топ тема“ на Телма телевизија соопшти службата на АВМУ дури во текот на утрешниот ден ќе заседава за да го подготви Упатството. -Ние видовме по медиумите што планира владата, односно што е донесено, но без да го видиме текстот во службен весник не можеме да носиме упатство. Имавме закажано за денеска седница во 21 часот, но бидејќи уредбата веќе излезе во службен весник во 18 часот, седницата е презакажана за утре во 12 часот за да можат службите да го прилагодат упатството. Така што кампањата ќе почне вечерва, но упатството ќе биде донесено утре. Односите помеѓу партиите и медиумите ако не се согласуваат тоа се решава на суд. Но, ние ќе бидеме толерантни и малите прекршувања нема да ги казнуваме бидејќи во оваа ситуација ни најмалку не се виновни медиумите за ваквото несериозно однесување на владата, дециден е Трајчевски.

Прв јавен состанок на АВМУ во 2018 година

Ивона Петрова — Wed, 28 Mar 2018 06:00:03 +0000

Агенцијата за аудио и аудиовизуелни медиусми услуги денеска ќе го одржи првиот јавен состанок за годинава. На состанокот директорот на Агенцијата Зоран Трајчевски ќе информира за реализираните активности согласно Годишната програма за работа, а ќе биде презентирано и истражување за мислењето на гледачите за радио и телевизиските програми. Состанокот ќе се одржи во просториите на Агенцијата за аудио и аудиовизуелни медиусмки услуги.