зоран здравевски – Kurir.mk

Здравевски: Две нови индустриски зони за нови работни места, јавно претпријатие за локални патишта, реконструкција на сите основни училишта во Чашка

Тале Кристо — Sat, 09 Oct 2021 18:45:58 +0000

Кандидатот за градоначалник од ВМРО-ДПМНЕ, за општина Чашка, Зоран Здравевски, вечерва на митингот во Чашка, истакна дека општината Чашка повеќе нема да биде приватна сопственост како до сега, туку ќе има две нови индустриски зони за нови работни места, јавно претпријатие за локални патишта, реконструкција на сите основни училишта, крај на дивите депонии, урбанистички планови за сите населени места, меѓународен фолклорен фестивал и многу повеќе за решавање на сите проблеми на граѓаните во општина Чашка. -Ви ветувам како иден градоначалник на Општина Чашка дека мој приоритет ќе биде вработувањето и изнаоѓање егзистенција на младите, општината повеќе нема да биде приватна сопственост, туку сите заедно ќе придонесеме за нејзино разубавување, истакна Здравевски. Здравевски ги наброи проектите кои гарантира дека ќе ги реализира во Чашка и тоа: -Формирање на јавно претпријатие на сите локални патишта, на територија на општина Чашка, со формирање на јавното претпријатие ќе се обезбеди редовно, навремено, тековно и зимско одржување на локалната патна мрежа на територијата на општина Чашка; -Преку реконструкција на постоечките водоснабдителни системи и изградба на нови водоснабдителни системи ќе се подобри водоснабдувањето во населените места; -Ќе се изработи проектно техничка документација за сите населени места каде има проблем со водоснабдувањето; -Од годишната програма за комунална инфраструктура ќе се одвојат финансиски средства за тековно одржување на канализацискиот систем во следните села: Оморани, Мартолци, Лисиче, Богомила, Теово, Согле и населба Чашка; -Ќе изградиме фекална канализација и прочистителна станица во Горно и Долно Јаболчиште; -Исто така максимално ќе се вложиме да ставиме крај на дивите депонии ширум општината, а за таа цел ќе формираме редарска служба и засилено присуство на комунален инспектор за целата територија на Чашка; -Ќе спроведеме субвенционирање на енергетски фасади и сончеви колектори, со што ќе се намалат електричните трошоци на училиштата, детските градинки и полициските станици; -Исто така во координација со идната централна власт планирани се минимум 2 до 3 индустриски зони, кои во значителна мера ќе го поддржат економскиот развој, за овие зони ќе се изработи планска документација, во истите ќе никнат нови инвестиции кои ќе придонесат намалување на невработеноста; -Ќе ги реконструираме сите постоечки основни општински училишта и во истите ќе обезбедиме најмодерна опрема, како што треба да поседува едно училиште во дваесет и првиот век, а ќе и воведеме награди за 5 најдобри ученици од основното образование, средното образование и за петмина студенти во вредност од една просечна плата; -Ќе обезбедиме услови за проширување на детската градинка Бамби во населба Чашка; -Ќе адаптираме најмалку еден објект кој е во сопственост на општината во противпожарна станица, а ќе се заложиме и за набавка на противпожарна опрема за потребите на противпожарното друштво; -За младите ќе ги реконструираме и изградиме нови фудбалски игралишта; -Ќе организираме меѓународен фолклорен фестивал Чашка; -Конечно ќе обезбедиме урбанистичко планска документација за секое населено место во општината, со што ќе се создадат услови за откуп на градежно земјиште,негова трансформација и завршување на процесот на легализација на бесправно изградените објекти; -Ќе се стремиме кон изградба и одржување на земјоделски пристапни патишта, организирање на саем за здрава храна, како и организирање обука на земјоделците; -Планираме и адаптирање на општински објекти во народна кујна каде сиромашното население ќе може да обезбеди најмалку еден топол оброк и уште многу други проекти кои ќе придонесат за подобро утре на сите жители на општина Чашка. Тој го запраша актуелниот градоначалник каде се парите и зошто не е реализиран проектот за водоснабдување во село Горно Јаболчиште, ,зошто се чекаше 4 години за да започне со изградба на канализација во Оморани за која исто така имаше готов проект со обезбедени средства, зошто го чекаше крајот на својот мандат за да отпочне со бетонирање на улици како во населбата така и во селата? – праша Здравески. -Замислете градоначалникот живее толку скромно што дури ангажирал градинар за да му го одржува неговиот двор. Не сакам ни да помислам колку финансиски средства се спечалени на наш грб со наша пот, за градоначалникот да си го збогати својот возен парк. Време е власта да ја вратиме на народот, затоа што тоа е единственото место каде треба да припаѓа. Доста е со лаги, време е за промени, време е за проекти, време е за победи, рече Здравески. Здравески ги повика граѓаните на Чашка за се ова да биде реализирано да ја дадат поддршката на ВМРО-ДПМНЕ на 17-ти октомври да ја одберат домаќинска општина, со заокружување на бројот 7.

Здравевски: СДСМ не спроведе ниту еден проект во Чашка, ВМРО-ДПМНЕ ќе донесе напредок, реализирани проекти и иднина за жителите, особено за младите

Магдалена Андонова — Fri, 27 Aug 2021 15:33:44 +0000

Општина Чашка е заробена локална самоуправа каде што моментално владеат корумпираноста, лажните ветувања, нетрпеливоста и стравот под управа на градоначалникот од редовите на СДСМ преку неговите партизирани соработници. Почитувани, доста е! Доста е од проблеми со водоснабдувањето, доста е од честите прекини на електричната енергија, доста е од префарбување на постоечките проекти и градби - тоа не се проекти, изјави на денешната прес конференција, Зоран Здравевски, кандидат за градоначалник на ВМРО-ДПМНЕ за општина Чашка. Тој рече дека низата неостварени, а ветени проекти во селата Мелница, Ореше, Оморани, Богомила, Теово, Извор, Лисиче, Отиштино, не се проекти, туку сега веќе лаги! - Не се проекти ниту збогатувањето на возниот парк на градоначалникот, обезбедувањето на бенефити за неговите партиски послушници, пресметување со оние кои што поразлично размислуваат од него! Знаете ли дека локалната власт во општина Чашка не успеа да реализира ниту еден од готовите проекти со обезбедени финансиски средства кои што ги наследи од претходната локална власт на ВМРО-ДПМНЕ? Граѓаните на општина Чашка знаат, а знаат и дека моменталниот градоначалник се фали со вмровските проекти кои ги наследи, а не ги ни спроведува прописно! Затоа што негови и нема, појасни Здравевски. Кандидатот посочи дека неговата кандидатура за градоначалник на општина Чашка ја поднесол со особена убеденост и надеж да ги смени заедно со сограѓаните работите во нивниот крај. - Сакам да живееме во стабилна околина, без нетрпеливост, со реализирани проекти, но пред сѐ, задоволни сограѓани! Не можам да ветам она што не ќе можам да го исполнам, но со сигурност знам дека општина Чашка го заслужува најдоброто! Нам ни требаат младите, ние работиме за нив и нивната иднина! Ни требаат нови модерни игралишта, паркови и рекреативни центри за нив! Нам ни требаат центри за рекреација за почитуваните пензионери, потребно е да отвориме амбулантни центри во местата каде што ги нема! Во мене гледајте сограѓанинот, земјоделецот, комшијата, роднината! Знам што ни е потребно, но главни приоритети во текот на мојот мандат како градоначалник ќе ми бидат: Собирање и прочистување на фекалните води од Горно и Долно Јаболчиште, поквалитетно водоснадбување на Чашка, Богомила, Мартолци, Извор, Лисиче и сите останати населени места, изградба на асфалтни патишта до секое населено место, урбанизација на секое населено место, како и подеднакви услови за живеење за сите! Да нема веќе поделби на ниту едно ниво. Овојпат да одбереме заеднички напредок! Доста ни тонеше општината! Чашка е за сите луѓе! Доста е со лаги, доста е со неодговорности, доста е со богатење на локалните првенци за сметка и од грбот на народот, дециден е Здравевски. Тој додаде дека СДСМ во општина Чашка ќе ги сноси последиците од својата неодговорност! - ВМРО-ДПМНЕ обединето како никогаш досега, со одличен тим, исполнет со енергија и одлучност, оди кон убедлива победа во општина Чашка, заврши Здравевски.

Здравевски: Ја разбирам и мојата одговорност пред граѓаните кои очекуваат искрен пристап, реални и остварливи проекти

Дарко Андоновски — Fri, 20 Aug 2021 13:50:51 +0000

Кандидатот за градоначалник на општина Чашка Зоран Здравевски преку статус на Фејсбук пишува дека ќе ги оствари сите реални остварливи проекти во Чашка. -Почитувани сограѓани, Со чест и задоволство Ви ја соопштувам мојата кандидатура за Градоначалник на Општина Чашка. Како кандидат од ВМРО-ДПМНЕ ја разбирам и мојата одговорност пред граѓаните кои очекуваат искрен пристап, реални и остварливи проекти. Благодарност за укажаната доверба на извршниот и централниот комитет на ВМРО-ДПМНЕ и на Претседателот Христијан Мицковски. Со почит, Зоран Здравевски, стои во неговиот пост на Фејсбук.