Зоранчо Јованчев – Kurir.mk

Јованчев: Нема да има промена на Уставот, ајде на избори!

Ивона Петрова — Fri, 18 Aug 2023 11:12:54 +0000

Нема да има промена на Уставот! Сите пратеници од ВМРО ДПМНЕ и коалицијата гласавме против! Ајде на избори! п.с далеку се од бројката 80, порача пратеникот на ВМРО-ДПМНЕ, Зоранчо Јованчев.

Јованчев: Власта си поигрува со лозарите

Дарко Андоновски — Thu, 29 Jun 2023 12:00:38 +0000

Денес од оваа говорница сакаме да ја информираме македонската јавност и лозарите за најновото скандалозно и небулозно однесување на нелегитимната Влада на СДС и ДУИ, а особено на недораснатиот министер за земјоделство со неразумното одбивање на дополнувањето на законот за вино, ова денеска преку изјава за медиумите го истакна Зоранчо Јованчев од ВМРО-ДПМНЕ. -Имено, на денешната 22ра седница на Комисијата за земјоделство, шумарство и водостопанство како единствена точка на дневен ред беше Предлог на закон за изменување и дополнување на Законот за виното, по скратена постапка – предложен од пратениците од мнозинството, повторувам ПРЕДЛОЖЕН од колегите од мнозинството. Нагласуваме дека пратениците од опозициската Коалиција „Обнова на Македонија“, од ВМРО-ДПМНЕ и СПМ во целост застанавме зад предложеното законско решение и изразивме цврста поддршка со единствена цел да им излеземе во пресрет на лозарите и да го заштитиме нивниот интерес. Но, очигледно Владата на ДУИ и СДС и таканаречениот министер за земјоделство Љупчо Николовски си играат со судбината и маката на лозарите. Прво го предложуваат законот, ја закажуваат Комисијата за земјоделство, па потоа ја одложуваат и го повлекуваат законот. Со отфрлањето на предложеното Дополнување на законот за вино денес повторно е згазено достоинството на пратениците од мнозинството токму од нивната Влада и Љупчо Николовски, повремено министер за земјоделство, создавајќи незадоволство, збунетост разногласие во нивните редови и по ова прашање. Непримереното директно писмено обраќање до Собранието, односно матичната Комисија од страна на ресорното министерство и со дополнително препратениот Допис со слична соддржина од Генералниот секретаријат, зборува за хаосот во кој се наоѓаат државните институции и самоволието и немањето елементарен однос на кадрите на СДС во комуникацијата со претставниците на законодавниот дом, вели Јованчев. Тој додава дека денешното отфрлање на Предлог на закон за изменување и дополнување на Законот за виното најдиректно претставува удар врз лозарите затоа што Владата, Министерството и Љупчо Николовски не прифатија да се донесе Методологијата за пресметка на производната цена на винското грозје, како основа за формирање на откупната цена што е од суштинско значење за лозарите. -Владата не внимава на интересите на лозарите и таа работи на нивна штета затоа што на овој начин застанува на страна на откупувачите и винарските визби. Со одбивањето на Предлог законот за вино оваа криминална Влада на тесни групи во СДС и ДУИ повторно си го покажа вистинското лице и отворено и директно застана против лозарите. Лозарите треба да знаат дека денес оваа ненародна Влада најдиректно ја собори откупната цена на винското грозје и со својата некомпетентност во прашање го доведе откупот на овогодишната реколта. Воедно, ги потсетуваме лозарите дека единствениот поддржувач и сојузник, кој во целост ги разбира нивните проблеми со кои секојдневно се соочуваат, се опозициските пратеници од Коалицијата „Обнова на Македонија“ предводена од ВМРО-ДПМНЕ. Тие треба да бидат сигурни дека наскоро новата демократска и народна Влада отворено ќе застане во заштита на нивниот труд и заеднички ќе ги поправиме сите штети и неправди кои ги трпат од нелеигитимната и однародена власт, вели Јованчев.

Јованчев: Криминалот не е европска вредност како што сакаат Груби и Ковачевски да прикажат, нема ништо европско во 60 до 72 часа работна недела

Тале Кристо — Wed, 17 May 2023 15:00:39 +0000

Овој закон кој го носи мнозинството со европско знаменце, а нема ништо европско во него и е во спротивност на темелната вредност на владеењето на правото предвидено според Устав, изјави пратеникот од ВМРО-ДПМНЕ, Зоранчо Јованчев на денешната собраниска седница каде се дискутира за измените за Законот за работни односни, потенцирајќи дека криминалот не е европска вредност како што сакаат Артан Груби и Ковачевски да прикажат. Јованчев истакна дека според Законот за работни односи полното работно време не смее да биде подолго од 40 часа неделно и тоа го потврди и Уставниот суд и минатата година кога укина еден ваков обид да се злоупотребат работниците. Осум часовно работно време е една од најстарите придобивки на работничките и синдикалните движења. Ова е придобивка уште од 1886 година каде се работниците се избориле за 8 часовен работен ден, 8 часа одмор и 8 часа рекреација. Мајсторот за криминал Артан Груби и неговиот чирак за криминал Димитар Ковачевски сакаат по брза постапка без дебата да донесат низа закони во спротивност со голем број правни начела и уставни одредби. Не може да биде европска вредност 60 до 72 часа работна недела, која е и спротивна на Уставот, потенцираше тој. Јованчев посоли дека и синдикатите предупредуваат дека 72 часа работно време не смее да се дозволи во Македонија и ги повикуваат пратениците да не ги прават работниците робови, дека тоа е опасно по безбедноста и здравјето на работниците, и дека функционерите не се избрани за да создаваат нечовечки услови за работа и да се удоволува на поединци. Амбасадорот на ЕУ Дејвид Гир порача дека европското знаменце треба да се употребува само кога треба да се носат закони за европските норми и стандарди, а не при носење на вакви закони. Груби и Ковачевски го злоупотребуваат европското знаменце за да крадат. Не е европска вредност да биде експресна дозвола за експлоатација на минерални суровини без строго почитување на постапката за заштита на животна средина, археолошки локалитети, природни богатства. Не може европска вредност да биде законски паралелизам. Вакво носење на закони е насилие и криминал, изјави Јованчев.

Јованчев: Самите решенија кои се предлагаат укажуваат на тоа дека со Владата ќе управуваат ДУИ и Артан Груби, а Ковачевски ќе е слуга на нивните интереси

Катерина Бојаџиева — Fri, 24 Feb 2023 17:59:48 +0000

Пред нас е предлог составот за нова Влада, кадровските решенија за овој владин состав можам да констатирам врз основа на изјавата на довчерашниот министер за правда г. Никола Тупанчески дека е „Пазар 3“ коалиција каде примарен интерес не е напредокот на државата туку бизнис интересите и личните кадровски амбиции, истакна Зоранчо Јованчев, пратеник од редовите на ВМРО-ДПМНЕ. Јованчев додаде дека самите решенија кои се предлагаат укажуваат на тоа дека со Владата ќе управуваат ДУИ, Ахмети и Артан Груби, а Ковачевски ќе е слуга на нивните интереси. „Овој владин состав по се изгледа дека нема да донесе ниту реформи, ниту напредок, туку криминал, матни тендери, и продлабочување на кризата“, нагласи пратеникот. Тој посочи дека Социјалдемократскиот сојуз и Ковачевски стануваат малцински партнер во својата Влада само за да им продолжи криминалот тие гласаат се што ќе им предложи Ахмети. „Доколку пак помине оваа реконструкција, Алијанса за Албанците како партија многу бргу ќе ја дочека својата судбина како Алтернатива. А, Таравари за неколку месеци ќе сфати дека бил злоупотребен и дек трампал тендери за крај на неговата партија и истата негова кариера“, заклучи Јованчев. Пратеникот укажа дека неспособноста на Социјалдемократскиот сојуз и на Ковачевски резултира со уште една распродажба на македонските национални интереси и исто така се врши предавство на македонскиот народ. Со овој предлог за реконструкција на Влада не значи ништо друго освен тоа дека СДСМ и Ковачевски се силно уценети од нивните поголеми коалициони партнери ДУИ и Али Ахмети.

Јованчев: Ова е Влада во која ќе влезе и Алијанса за Албанците ќе донесе само матни тендери и криминал

Дарко Андоновски — Mon, 20 Feb 2023 12:54:23 +0000

Оваа влада е влада на скандали и несносење на одговорност. Откажана е еврообврзницата со причина неразбирлива за финансискиот свет, во исто време Владата со тоа им кажува на инвеститорите колку Македонија е небезбедна. Не се исплаќа платата на здравствените работници тоа е уште еден скандал на оваа Влада, рече Зоранчо Јованчев, пратеник од ВМРО-ДПМНЕ на денешната расправа за разрешување на министри. Според него оваа Влада со своето однесување испраќа сигнали на нестабилност. „Издавањето на еврообврзницата е скапо се плаќаат четири финансиски институции кои наплаќаат високи провизии, за повторување на постапката пак ќе се плаќаат провизии“, вели Јованчев. Ова, како што рече тој, е Влада која ја одбележуваат трагедија со модуларната болница, уништен животен стандард, инфлација со двојна цифра, образование без учебници. „Ова е Влада која успеа да го крахира здравствениот систем, граѓаните се жалат дека не може да им се препише терапија. Ова е жално и срамно за Македонија. Ова е Влада која се занимава само со лични бизнис интереси“, рече Јованчев. Јованчев заклучи дека оваа Влада која и покрај измените, односно влез на Алијанса за Албанците ќе донесе само матни тендери, криминал.

Јованчев: Владата се реконструира поради тоа што СДСМ и Ковачевски се силно уценети од Али Ахмети и ДУИ

Дарко Андоновски — Mon, 13 Feb 2023 17:18:10 +0000

„Денес овој предлог за реконструкција на Владата и со овој чин за насилно влегување на Алијанса за Албанците во Владата не значи ништо друго освен дека СДСМ и нивниот претседател Ковачевски се силно уценети од нивно поголемите коалициони партнери односно Али Ахмети и ДУИ“, рече пратеникот од редовите на ВМРО-ДПМНЕ Зоранчо Јованчев на денешната собраниска седница. „Вие господа од СДСМ го направивте Собранието „Зелен пазар“ никогаш овој дом не бил повеќе понижен како што е сега. Треба да расправаме за идеи, решенија и проекти, а ние како и пред неколку месеци кога се бираше Владата на донесениот без легитимитет од народот Ковачевски, така и денес се обидувате да ја замајувате јавноста со реконструкции под мотото европска коалиција“, рече Јованчев. Јованчев додаде дека се гледа не дело како власта ќе ја носи Македонија во Европа, а тоа е со поделба на тендери. Електричната енергија за СДСМ, а нафтата и нафтените деривати за ДУИ. „И денес да ги решиме сите билатерални прашања што ги имаме со нашите соседи, ние во Европа нема да влеземе со оваа корумпирана номенклатура на власт, затоа што на Европа потребни и се земји членки со средени реформи со не корумпирано судство и со политичари без концесии и затоа во Европа нема да влеземе се додека седиштето на Владата е на улица „Илинденска“ а далечинскиот управувач се наоѓа во Мала Речица“, вели Јованчев. Јованчев посочи дека доколку со овие поранешни министри судството и правниот систем се со доверба под 3% односно 2%, тогаш со новите министри ќе немаме никаков систем. Ќе владее беззаконието, безредието, корупцијата и партизацијата на целокупните правосудни органи.

Јованчев: Пратеничка група на ВМРО-ДПМНЕ успеаја да ја спречат власта преку штетните законски решенија да наштети на голем број на македонски земјоделци

Дарко Андоновски — Wed, 14 Dec 2022 12:15:27 +0000

Македонскиот земјоделец барем за миг може да биде спокоен. Во текот на вчерашниот ден, целата пратеничка група на ВМРО-ДПМНЕ и коалицијата „За обнова на Македонија“ повторно успеаја да ја спречат власта преку штетните законски решенија да наштети на голем број на македонски земјоделци, ова денеска преку изјава за медиумите го истакна пратеникот Зоранчо Јованчев од ВМРО-ДПМНЕ. -Ние како народни избраници имаме одговорност и обврска да ги штитиме и браниме интересите на сите граѓани подеднакво, вклучително и земјоделците. Токму затоа, слушајќи ги потребите и барањата на земјоделците, до Собранието поднесовме Предлог закон за измена на Законот за фитофармација со што ја избегнавме опасноста од затворање на речиси сите земјоделски аптеки по 25ти декември оваа година, како што предвидуваше власта. Исто така, со нашиот Предлог на закон, го отстрануваме ризикот од создавање на сериозни проблеми за земјоделството од монополско здружување на фитофармацевските економски оператори, зголемување на цените, создавање на црн пазар, помала примена на препарати за заштита, прихрана и вештачки ѓубрива, ограничување во примената на добрата земојделска пракса и по тој основ отежнато исполнувањето на условите за добивање на земојделски субвенции, како и помал принос по единица површина и намалување на вкупниот обем на земојделско производство во услови на глобална прехранбена криза. Токму досегашното законско решение ќе резултираше со овие горенаведени штетни последици по македонските земјоделци и македонското земјоделство во целина. Сепак, пратеничката група на ВМРО-ДПМНЕ заедно со колегите пратеници од коалицијата по којзнае кој пат излезе во пресрет на барања на земојделците, вели Јованчев. Тој додава дека во многу наврати досега се покажало дека секогаш кога земјоделците се ставени во тесно и немаат излез, пратениците од ВМРО-ДПМНЕ и коалицијата се браникот на нивните интереси и застапник на нивните потреби. Секогаш пратениците на ВМРО-ДПМНЕ и коалицијата имаат слух и разбирање за земојделците. Така беше и вчера. -Се надеваме дека колегите од мнозинството кога овој Предлог закон ќе дојде на дневен ред за гласање ќе го прифатат ова наше позитивно законско решение и ќе покажат дека навистина се грижат за земјоделците дури и во услови на тешка криза која што владее во Република Македонија, истакна Јованчев.

Јованчев до пратениците на СДСМ: Бугарската фашистичка гнасна рака пред 79 години ја зави Ваташа во црно, немојте и вие денес од Собранието да ја завиете во црно уште еднаш

Катерина Бојаџиева — Fri, 15 Jul 2022 11:29:53 +0000

Дојде и тој ден кој што никогаш во животот и во најлошиот сон не би можеле да го сониме, да стоиме денес тука јавно пред очите на целиот македонски народ и со кревање на рака или со стискање на копчето „ЗА“ да си извршиме асимилација и преку ноќ да го поништиме тоа што генерации ги дале своите животи за да живееме во слободна и суверена Република Македонија. Јас денес овдека од говорницата јасно и гласно кажувам НЕМА да гласам за ваква предлог преговарачка рамка. НЕМА да гласам. Во секој мандат на СДСМ ни се случуваат катастрофи и национални предавства, истакна Зоранчо Јованчев, пратеник од редовите на ВМРО-ДПМНЕ на денешната седница. Јованчев додаде секое предавство на СДСМ е се поголемо. „Кој поголем зулум ќе направи на македонскиот народ. Еден менува знаме, еден прави атентат на претседател на држава, трет прави територијална организација со што вештачки ги асимилира Македонците во некои градови од западниот дел на Македонија, на четвртиот му се случи повторно атентат на претседател на државата, едниот го продаде името, и овој „најпаметниот“ сака да го продаде народот“, потсети Јованчев на сите предавства извршени од страна на СДСМ кога е на власт. Тој нагласи од собраниска говорница доста се предавства од СДСМ. СТОП веќе на предавствата од СДСМ. „Се може да направите, но народот не можете да го продадете“, рече Јованчев. „Почитувана македонска јавност, јас Зоран Јованчев роден сум во с. Ваташа, и покрај тоа што 20-тина години живеам во Кавадарци секој ден патувам и одам до Ваташа. И можам да ви кажам и да ви порачам една работа, бугарската фашистичка гнасна рака пред 79 години ја зави Ваташа во црно. Немојте и вие денес пратениците од власта овдека во Собранието да ја завиете во црно уште еднаш Ваташа“, порача Јованчев. Тој додаде дека доколку се случи тоа тогаш пратениците на власта ќе станат наследници на бугарскиот фашизам против кој се борел македонскиот народ. „Денес со овој предлог договор кој што ни го нудите овде на маса и кој што со денови го криевте како најголема државна тајна е всушност целосно ревидирање на македонската држава, и комплетно укинување на македонскиот народ. Војни со илјадници жртви се воделе за да го имаме ова парче земја, а вие ладнокрвно како најголеми душмани на македонскиот народ денес овде сакате да се откажете“, нагласи пратеникот. Тој рече дека пратениците од СДСМ немаат ниту срам и морал.

Јованчев: Пратеничката група на ВМРО-ДПМНЕ и коалицијата нема да се откаже од линеарното зголемување на платите во јавниот сектор

Ивона Петрова — Tue, 21 Jun 2022 09:27:56 +0000

Ништо ново од СДСМ. Повторно лаги, навреди и играње со судбината на работниците. Имено, во текот на вчерашниот ден целата македонска јавност виде како седум пратеници од мнозинството, ладнокрвно и без око да им трепне гласаа против амандманот на ССМ за линеарно зголемување на платите во јавниот сектор, изјави денеска Зоранчо Јованчев, пратеник на ВМРО-ДПМНЕ. Посочи дека СДСМ дрско, арогантно и полно со навреди кон 138 000 работници го одби амандманот. -Иако ветија на работниците дека ова барање ќе биде исполнето, тие повторно ги излажаа. Очигледно, кога СДСМ е на власт не ги решава проблемите на граѓаните, туку постојано создава нови. Очигледно партијата СДСМ е канцерот на македонското општество. Сакаме да упатиме силна порака до власта дека Пратеничката група на ВМРО-ДПМНЕ и коалицијата нема да се откаже од намерата за линеарно зголемување на платите во јавниот сектор. Овој горлив проблем на работниците, мора да биде решен, веднаш, вели пратеникот. Јованчев посочи дека тие ветувале живот за сите, ама испорачаа само пустош и сиромаштија. Ова веќе не е живот, ова е само преживување. Токму затоа, деновите на оваа власт се одбројани. Време е двоецот СДСМ-ДУИ засекогаш да замине во историјата и никогаш да не се повтори, нагласува Јованчев.

Коментар на денот – Јованчев: СДСМ и Заев веќе четврта година го уништуваат лозарството во Македонија

Магдалена Андонова — Wed, 28 Jul 2021 15:19:01 +0000

СДСМ и Заев веќе четврта година го уништуваат лозарството во Македонија. На почеток сме на бербата на грозје.Асталското грозје веќе се бери,а за дваесетина дена ќе се почне и со берба на винските сорти на грозје, рече на денешната прес конференција, Зоранчо Јованчев, претседател на ОК на ВМРО-ДПМНЕ Кавадарци. Тој изјави дека Владата и оваа година целосно ги препушта лозарите во рацете на винариите да си играат со нивните судбини. - Ако минатата година под изговор на ковид пандемијата ги спуштија цените на срамни 3 до 4 денари по килограм грозје,кој ќе биде изговорот на винариите поддржани од владата за оваа година, бидејќи нашите информации се дека откупот на винското грозје ќе биде уште покатастрофален од ланската. Неколку пати до сега јавно го прашав премиерот Заев и владата и на прес конференции и на пратенички прашања и ниту еднаш до сега не добив конкретен одговор.Па затоа и денес јавно ќе прашам: Колку килограми на грозје се откупија минатата година за вино а колку за вински дестилат? И колку залихи има во моментот на вино во винариите, а колку залихи има на вински дестилат, праша Јованчев. - Одговор од премиерот и ресорното министерство не добивам почитувани граѓани бидејќи се сомневам дека се во теснаа координација со винариите и заеднички работат на намалување на откупната цена на винското грозје со цел екстра профит на винариите а сето тоа е на грбот на измачените лозаропроизводители. Да го потсетам премиерот Заев,кога беше опозиционер во 2016 година пред изборите дојде во Кавадарци и на еден од откупните пунктови ги гледаше во очи лозарите и ги лажеше ветувајќи им дека цената на грозјето ќе се знае неколку месеци пред почетокот на бербата и дека лозарите веќе не треба да се грижат за откупот, нивно е само да произведат квалитетно грозје, истакна тој. Јованчев вели дека Зоран не би бил Заев доколку си остане на зборот, човек кој во текот на денот ги менува изјавите, можете да замислете колку му ја мисли за некои изјави и ветување дадени пред четири години. - На крај, почитувани господа од СДСМ,станете од удобните кожни фотелји, растрчете се по странските пазари,отворете ги границите за извоз на грозје и не им дозволувајте на некои олигарси да прават монопол врз лозарството. Доколку се случи откуп на грозје исто како лани,постои можност од масовни протести кои нема да бидат пријатни за власта а на кои протести јас како народен пратеник ќе застанам во првите редови со намачените и измамени лозари, додава тој.