жорди алба – Kurir.mk

Тренерот на Интер Мајами се сомнева во учеството на Меси и Алба во финалето на УС Опен купот

Ивана Ефремовски — Thu, 21 Sep 2023 07:07:48 +0000

Тренерот на Интер Мајами, Херардо Мартино, по победата над Торонто (4:0) во натпреварот од МЛС објасни дека на крајот од првото полувреме ги заменил Жорди Алба и Лионел Меси поради замор на играчите. Тој исто така не го исклучи нивното неучество во финалето на УС Опен купот. -Тренираа нормално и чувствувавме дека се подготвени да играат. Мислам дека немаат нови повреди или нешто полошо. Ова е замор. Мислам дека не е повреда на мускулот. Знам дека ни претстои финале, но тие нема да излезат на теренот ако не се подготвени да играат, рече Мартино за „CBS“. Тој исто така додаде дека Меси има последици од стара повреда, иако не прецизираше што мисли конкретно, дали влошување на повредата или нецелосно закрепнување. (МИА)

Жорди Алба стави крај на репрезентативната кариера

Бошко Тасиќ — Wed, 30 Aug 2023 03:55:44 +0000

Жорди Алба се реши да ја прекине репрезентативната кариера. Алба за „црвената фурија“ одигра 93 натпревари, и постигна 10 гола. Тој ја освои титулата европски првак во 2012 година, и даде гол во финалето против Италија, но не беше дел од Шпанија која ја освои титулата светски првак затоа што дебитираше во 2011 година за својата репрезентација. Алба исто така има трофеј и во Лигата на Нации. Во финалето во ова натпреварување, ја носеше и капитенската лента на селекцијата. Ова лето 34-годишниот Алба се реши да настапува во МЛС лигата, и да му се приклучи на Лионел Меси во тимот на Интер Мајами.

Јувентус купува од Барселона

Бошко Тасиќ — Sat, 01 Oct 2022 16:50:04 +0000

јувентус ќе бара фудбалер на позиција лев бек, каде Алекс Сандро често е повреден, а и не блеска во однос на формата, па затоа Јувентус во јануари ќе се обиде да го ангажира Жорди Алба. 33-годишниот фудбалер на Барселона требаше да го напушти каталонскиот клуб уште во летниот преоден рок, но на крајот остана на „Камп Ноу“, а јасно е дека Чави не би имал ништо против да се ослободи од ветеранот. За Барса е доволно да се ослободи од платата на Алба, додека подоцна може да се разговара и за откупување на договорот кој трае до 2024 година.

Алба си заминува од Барселона,Интер следна дестинација

Бошко Тасиќ — Sat, 01 Oct 2022 05:18:17 +0000

Шпанскиот фудбалски репрезентативец Жорди Алба би можел да ја напушти Барселона и побара нов клуб. Алба во каталонскиот клуб пристигна уште летото 2012 година од Валенсија и се покажа како одлично засилување. Искусниот лев бек десет сезони имаше обезбедено место во стартниот тим, но сезонава тоа се промени откако Чави одлучи шанса да им даде на некои други играчи. Пред Алба во овој момент предност имаат Алехандро Балде и Маркос Алонсо и јасно е дека овој лев бек нема да има ниту приближно минутажа како во претходните години.

Ништо од бизнисот – Алба останува!

Ристе Здравков — Thu, 01 Sep 2022 13:00:57 +0000

Искусниот шпански репрезентативец Жорди Алба ја отфрли можноста да се пресели во Интер и ќе остане во Барселона за да се бори за своето место, покрај Маркос Алонсо (ако дојде) и Балде. Вакво нешто можеше да се претпостави откако Барселона и Интер без дозвола на Алба ги договориле условите за негов премин во Милано. Левиот бек веднаш ја отфрлил можноста и остана на својот став и покрај се. Алба игра во Барселона од 2012 година, досега освои еден куп трофеи со каталонскиот клуб, а идното лето ќе може да го напушти бесплатно истекува неговиот актуелен договор.

Барселона ќе му понуди нов договор на Алба

Ристе Здравков — Tue, 06 Nov 2018 13:59:44 +0000

Шпанскиот фудбалски шампион Барселона сака да го продолжи договорот со одбранбениот играч Жорди Алба, објавија тамошните медиуми. Клубот има намера да му понуди на играчот да го продолжи договорот кој му истекува летото 2020 година. За Алба интерес покажуваат и неколку клубови од англиската Премиер лига. Во тековната сезона, 29-годишниот фудбалер играше 15 натпревари за Барселона и постигна два гола со седум асистенции.