Жорди Бартомеу – Kurir.mk

Жорди Бартомеу по 22 години си заминува од Евролигата

Бошко Тасиќ — Thu, 26 May 2022 18:20:48 +0000

Жорди Бартомеу повеќе нема да биде генерален директор на кошаркарска Евролига, откако таква одлука донесоа клубовите на состанокот кој се одржа денеска, а информацијата ја пренесе „Јурохупс“.

Клубовите уште во октомври минатата година донеле таква одлука, меѓутоа сега повторно седнале на состанок да разговараат за неговата иднина. Шпанските клубови се обиделе да ги убедат останатите членови да го променат мислењето, но тоа не се случило, па Бартомеу по 22 години заминува од елитното натпреварување. Наскоро ќе биде поставена неговата замена, а се шпекулира дека тоа ќе биде Дејан Бодирога.

Бартомеу сменет, Евролигата добива нов извршен директор

Бошко Тасиќ — Tue, 02 Nov 2021 20:54:26 +0000

Жорди Бартомеу по завршувањето на тековната сезона ќе ја напушти функцијата извршен директор на Евролигата, а денеска одлучија акционерите на најдоброто кошаркарско натпреварување преку гласање. На денешниот составнок единаесетте клуба кои се сопственици на ова натпреварување, донесоа одлука за заминување на Бартомеу од челната позиција. Шест клуба гласаа за негова смена, а пет за останување на функцијата. Против Бартомеу гласаа Макаби, Олимпија Милано, Ефес, ЦСКА, Жалгирис и Олимпијакос. Оние кои останаа на страната на Бартомеу беа Барселона, Реал и Басконија, а нив им се приклучија Ефес и Фенербахче.