жоржињо – Kurir.mk

Жоржињо ја продолжува кариерата во Арсенал

Тале Кристо — Tue, 31 Jan 2023 20:26:36 +0000

Досегашниот фудбалер на Челзи и италијански репрезентативец Жоржињо ќе ја продолжи кариерата во Арсенал откако двата премиерлигаши се договорија околу висината на обесштетувањето, пренесува денеска Би-Би-Си. Жоржињо прво ќе ги мине задолжителните медицински прегледи по што ќе потпише договор со Арсенал до јуни 2024 година, со можност за продолжување на соработката за уште една година. Арсенал се согласил да плати обесштетување во износ од 10 милиони фунти, плус два милиони фунти во бонуси за 31-годишниот италијанскиот репрезентативец со бразилско потекло. Жоржињо го носи дресот на Челзи од 2018 година кога се пресели во редовите на лондонскиот клуб од Наполи.

Жоржињо доаѓа во Арсенал од Челзи за 12 милиони фунти

Ивана Ефремовски — Tue, 31 Jan 2023 10:57:38 +0000

Фудбалерот од средниот ред на Челзи, Жоржињо ќе се пресели во Арсенал, тврди новинарот Фабрицио Романо. Според Романо, страните веќе се договориле за трансфер. „Топџиите“ ќе платат 12 милиони фунти за 31-годишниот Италијанец и ќе потпишат договор до крајот на јуни 2024 година со опција за продолжување на уште една година. Играчот наскоро ќе биде подложен на лекарски преглед. Жоржињо е во Челзи од јули 2018 година. Во сезоната 2022/23 тој постигна три гола на 25 натпревари за сините. Договорот на играчот од средниот ред со актуелниот клуб е со важност до крајот на јуни 2023 година. (МИА)

Жоржињо ја одби понудата од Челзи

Ристе Здравков — Wed, 19 Oct 2022 10:15:19 +0000

Раководството на Челзи започна преговори за продолжување на соработката со Жоржињо, чиј договор истекува на крајот на сезоната. Меѓутоа, медиумите пренесуваат дека Жоржињо не е задоволен од понудата на „сините“ и веднаш ја одбил. 30-годишниот италијански репрезентативец сака подолг договор, додека Челзи му нуди двегодишен договор. Притоа Жоржињо бара поголема плата од 120.000 неделно, колку што заработува во моментов. Поради тоа големи се шансите тој на лето да си замине како слободен агент, а најсилен интерес за него покажуваат Барселона и Јувентус.

Жоржињо заминува од Челси

Бошко Тасиќ — Sun, 18 Sep 2022 17:39:23 +0000

Италијанскиот репрезентативец Жоржињо во јануари би можел да направи голем трансфер и да го напушти Челси, а како негова следна дестинација се споменува Барселона. Барселона го гледа Жоржињо како замена за легендарниот Серхио Бускетс, кој има договор до крајот на сезоната. Ако Жоржињо наскоро не се согласи да го продолжи договорот со Челси, ќе мора да замине во јануари бидејќи сè уште не е јасна неговата иднина во тимот на тренерот Граам Потер. Жоржињо пристигна во Челси во 2018 година од Наполи, а притоа одигра 196 меча и постигна 27 гола, но не ги оправда очекувањата и често беше критикуван од навивачите.

Жоржињо е најдобар фудбалер за минатата сезона според УЕФА

Бошко Тасиќ — Thu, 26 Aug 2021 18:11:24 +0000

Европската фудбалска унија (УЕФА) го прогласи фудбалерот на Челси и италијанската репрезентација, Жоржињп за најкорисен фудбалер за минатата сезона во натпреварувањата на УЕФА. Во финалниот избор тој ги победи Канте и Де Брујне и го освои ова ласкаво признание. Жоржињо стана европски првак и го освои Суперкупот на Европа со Челзи, а со италијанската релрезентација стана шампион на Европа на континенталниот собир. Италијански фудбалер првпат ја освојува оваа награда, а втор фудбалер на Челзи, по Дрогба, кој е најдобар според УЕФА. Италијанскиот играч од средниот ред сега е еден од фудбалерите кои влегуваат во потесниот избор за „Златната топка“.

Агентот на Жоржињо: Јувентус тешко ќе го привлече

Дарко Андоновски — Tue, 02 Jun 2020 17:16:56 +0000

Агентот на Жоржињо ги коментираше гласините дека Јувентус се обидува да го привлече играчот од средниот ред на Челси. Според најновите шпекулации, „бјанконерите“ го нудат Федерико Бернардески во замена за играчот на „сините“. – Слушам за овие гласини од весниците, затоа што никој од Јувентус не ме контактираше. Маурицио Сари го цени многу како личност и како играч. Тие работат совршено, но тоа е сè. Играчот е фокусиран само на Челзи. Тој продолжи со тренинзите и се подготвува за обновување на Премиер лигата, рече Жоао Сантос Тој објасни дека дури и ако желбата на Јуве беше реална, ќе биде тешко да се случи трансфер ова лето. – Мислам дека ќе биде тешко за „бјанконерите“ сега да го купат, затоа што трансфер пазарот се промени со пандемијата, а Жоржињо има договор со Челзи до 2023 година. Тој е заменик-капитен и е прогласен за важен играч. Јас не зборувам само за Јувентус, туку сите големи европски клубови ќе имаат проблем да платат толку многу за еден играч во овој момент, посочува агентот. На прашањето што ќе се случи ако Јувентус даде понуда, тој одговори: „Ако тоа се случи, јас би рекол дека секој што го сака Жоржињо, треба да разговара со Челси и Марина Грановскаја. Потоа, заедно ќе решиме што да правиме. Тоа нема да е проблем“.

Јувентус понуди 40 милиони евра за Жоржињо

Тале Кристо — Thu, 07 May 2020 13:02:23 +0000

Играчот од средниот ред на Челси, Жоржињо, може да се пресели во Јувентус, пренесува „Национал“. Според изворот, италијанскиот шампион понудил 40 милиони евра за 28-годишниот фудбалер. Во неговиот тим, играчот сака да го види селекторот Маурицио Сари, кој работеше со Жоргињо во Наполи и Челзи. Оваа сезона, Бразилецот одигра 37 натпревари на сите натпревари, постигна седум гола и оствари две асистенции. Порталот „Transfermarkt.com“ ја проценува вредноста на натурализираниот Италијанец на 52 милиони евра.

Емотивен момент: Мајка прв пат го погледна дресот на својот син, следеше момент кој ќе ви го растопи срцето (ВИДЕО)

Матеја Петровски — Mon, 06 Aug 2018 13:34:50 +0000

Можеби не многумина го знаат животниот пат на новата ѕвезда на Челзи, Жоржињо. Тој израснал само со својата мајка, која го научила да игра фудбал. Неговите родители се равеле кога тој имал само шест години, а неговата мајка нив двајца ги издржувала така што работела како чистачка. Марија Тереза Фреитас од својата скромна плата успеала да му ги купи првите копачки, а дека трудот и откажувањето од некои работи се исплати доказ е договорот тежок 60 милиони евра. Мајката во саботата прв пат го посети својот син во новиот дом во Лондон. Отидоа во официјалниот фан шоп на Челзи и тогаш следеше емотивен момент во кој госпоѓата Марија прв пат го погледна дресот со името на својот син. Го фати дресот со бројот 5 на кој е напишано презимето Жоржињо, а потоа се сврти кон својот син со насолзени очи. Следеше прегратка која на секого ќе му го растопи срцето.