Жовенел Моиз – Kurir.mk

Четворица осомничени за убиството на претседателот на Хаити екстрадирани во САД

Ивона Петрова — Wed, 01 Feb 2023 06:34:39 +0000

Тројца американско-хаитски државјани и еден Колумбиец вчера беа екстрадирани во САД поради нивната вмешаност во атентатот на претседателот на Хаити, Жовенел Моиз во јули 2021 година, соопштија американските власти. Четворицата мажи, кои беа во притвор на Хаити, денеска ќе бидат изведени пред федерален судија во Мајами, кој ќе им го прочита обвинението, се вели во соопштението на американското Министерство за правда. Други тројца претходно веќе беа донесени во САД за да одговараат за тоа убиство. Жовенел Моиз (53) беше убиен од група платени убијци ноќта меѓу 6 и 7 јули 2021 година во неговата приватна резиденција во Порт-о-Пренс, без да реагираат неговите лични чувари. Неговата смрт го зголеми хаосот во таа мала и сиромашна карипска земја.

Почина осомничениот за убиството на претседателот на Хаити, бил позитивен на Ковид-19

Ивона Петрова — Thu, 18 Nov 2021 09:32:53 +0000

Осомничениот за убиството на претседателот на Хаити, Жовенел Моиз, Жилбер Драгон (52) почина додека бил пренесуван во болница од притвор откако имал симптоми на коронавирус, изјавила неговата сопруга. Драгон, поранешен полициски комесар, починал од срцев удар, изјавила Мари Лесли Ноел додавајќи дека поминала две недели во обид да го премести во болница и се борела да му биде направен ковид тест навреме. -Конечно добив дозвола да го пренесам во болница во средата попладне и тој почина по пат. Две недели се борев за него, вели таа. Полицијата соопштила дека Драгон бил во контакст со останатите осомничени, вечерта пред убиството на претседателот на 7 јули и учествувал на состаноците на кои е планиран атентатот.

По атентатот врз претседателот Моиз, на Хаити e прогласена состојба на опсада – еве што тоа значи

Магдалена Андонова — Wed, 07 Jul 2021 16:03:23 +0000

Вршителот на должноста премиер на Хаити, Клод Џозеф, денеска прогласи состојба на опсада во земјата, по убиството на претседателот Жовенел Мои0з. Џозеф рече дека не сака нацијата да „падне во хаос“ по атентатот врз претседателот, пренесува Си-Ен-Ен, пренесува Танјуг. Тој додаде дека одлуката за прогласување состојба на опсада е донесена на вонредна седница на Советот на министри. Според законот на Хаити, постојат три нивоа на вонредна состојба - вонредната состојба е најниско, проследено со состојба на опсада, а највисоко ниво е „воена состојба“. Државата под опсада значи дека сите граници се затворени, како и дека воена состојба е привремено воведена, а хаитската армија и националната полиција на Хаити имаат овластување да го спроведуваат законот. Џозеф ги повика граѓаните да бидат спокојни и вети дека ќе ја изведат правдата пред оние кои се вклучени во атентатот врз претседателот. Претседателот на Хаити, Жовенел Моис, беше убиен од неидентификувани напаѓачи во неговата резиденција во текот на ноќта со нехуман и варварски чин, а сопругата на претседателот беше повредена а потоа и таа подлегна на повредите, рече Џозеф денес.

Убиен претседателот на Хаити

Ивона Петрова — Wed, 07 Jul 2021 11:17:09 +0000

Претседателот на Хаити, Жовенел Моиз, е убиен во напад извршен во неговата приватна резиденција, јавија локалните медиуми. Во изјавата на привремениот премиер на Хаити, Клод Џозеф, се вели дека смртоносниот напад се случил во денеска во раните утрински часови. „Група лица кои не се идентификувани, од кои некои зборувале шпански, ја нападнале приватната резиденција на претседателот на Републиката и смртно го повредија шефот на државата“, напиша премиерот.