жозеф дол – Kurir.mk

Дол: Ме радува силата на ВМРО-ДПМНЕ, очекувам победа на следните парламентарни избори

Ивана Ефремовски — Mon, 03 Jun 2019 13:46:59 +0000

На почетокот на Политичкото Собрание на ЕНП, кое денес и утре се одржува во Брисел, претседателот Жозеф Дол ги информираше Делегатите за резултатите на ЕНП за изборите за Европскиот Парламент. Дол исто така го информираше Политичкото собрание за резултатите од претседателските избори во Република Македонија. Тој истакна дека во борба со коалиција од 31 политички партии ВМРО-ДПМНЕ постигна одличен резултат со освоени 46% од гласовите. Дол нагласи дека посебно го радува тоа што ВМРО-ДПМНЕ покажала голема сила и со оваа тенденција очекува уште подобри резултати и победа на следните парламентатни избори по кои ќе дојде до промена на власта во Македонија и Влада ќе формира ВМРО-ДПМНЕ. Поддршката на ЕНП за ВМРО-ДПМНЕ во остварување на оваа цел ќе биде континуирана.

Пендаровски губи контрола: Го навреди и Жозеф Дол

Ивана Ефремовски — Fri, 03 May 2019 19:56:24 +0000

На вечерашната дебата помеѓу кандидатите за претседател на државата на едно од прашањата од публиката, кандидатот за претседател од редовите на СДСМ Стево Пендаровски видно нервозен почна да го навредува и Претседателот на Европската Народна Партија, Жосеф Дол. На прашањето од публиката која ќе биде правата држава која што ќе ја посетат кандидатите, кандидатот подржан од ВМРО-ДПМНЕ Гордана Силјановска Давкова одговори дека најпрвин би отишла во Брисел да му се заблагодари на Жозеф Дол за поддршката дадена за неа и за ВМРО-ДПМНЕ. На ова Пендаровски иронично и реплицираше: Тој истиот Дол кој снимаше спотови во серија години и години за Никола Груевски... Со ова, Пендаровски покажа непочитување на претседателот на Европската Народна Партија и директно го навреди Дол.

Жозеф Дол со поддршка за Силјановска: Каква убава порака ќе испратите ако изберете за првпат, жена на чело на вашата земја

Предраг Кукиќ — Wed, 01 May 2019 10:05:24 +0000

Претседателот на Европската Народна Партија, Жозеф Дол, даде јавна поддршка за кандидатот за претседател Гордана Силјановска Давкова. Правда – тоа е она што му треба на вашиот народ. Правда значи независна судска власт, воспоставување на владеење на правото и безмилосна борба против корупцијата. Правда значи почитување на меѓународното право и на добрососедските односи во регионот. Правда значи мирен соживот и еднакви права за сите етнички заедници и сите групи во општеството. Само така вашата земја ќе може да оди напред на нејзиниот евроатлантски пат. Само така ќе може да привлече инвестиции, да создаде работни места и да се развива. Само така ќе може да им гарантира иднина на нејзините граѓани, особено на најмладите, за да не мора повеќе да ја напуштаат својата земја. Правда значи исто така фер, слободни и транспарентни избори. Избори кои ќе им овозможат на сите учесници да се борат подеднакво. Изборите ќе треба целосно да ги почитуваат сите меѓународни критериуми. Од тоа зависи имиџот на вашата земја. Правда, тоа е она што го ветува Гордана ако ја изберете. И каква убава порака ќе испратите ако изберете, за првпат, жена на чело на вашата земја! Пријатели, ЕНП и Европа се секогаш со вас! Вашето место е во Европа. Но, патот до Европската унија поминува преку 3 задолжителни крстосници: владеење на правото, независно судство и борба против корупцијата. За таа цел, треба да се спроведат реформите кои вашата земја ги чека толку долго. Затоа, апелирам до вас: на 5ти мај, излезете да гласате. Не се лишувајте од тоа фундаментално право кое историјата долго време ви го ускратуваше. Тоа е ваша демократска должност. Земете ја иднината во свои раце, дозволете ѝ на вашата земја да напредува. Како претседател на ЕНП, најголемата европска партија, ви посакувам многу успех вам и на Гордана!, порача претседателот на Европската Народна Партија, Жозеф Дол.

Муцунски: Жозеф Дол даде јасна изјава дека Силјановска треба да биде претседател на Македонија

Предраг Кукиќ — Mon, 22 Apr 2019 08:36:09 +0000

Во вчерашната Отворено студио на 1ТВ гостуваше г. Тимчо Муцунски, висок претставник на ВМРО-ДПМНЕ кој што рече дека Силјановска доби поддршка од врвни претставници на ЕУ при што Жозеф Дол даде јасна изјава дека кандидатот на ВМРО-ДПМНЕ треба да победи. Пред два дена лидерот на најголемата политичка партија во ЕУ, во Европската народна партија, г. Жозеф Дол даде една јасна изјава дека Гордана Силјановска Давкова е кандидатот кој што може да донесе реформи во економијата, правосудството и борбата против корупцијата што ќе го поплочи патот евроатланскиот пат на нашата земја, истакна Муцунски. Муцунски додаде дека ако тврдиме дека лидерот на најголемата политичка партија во ЕУ, чиј што претставник е претседател на ЕК и претседател на Европскиот Совет мисли дека ВМРО-ДПМНЕ и нивниот кандидат можат да ја водат Република Македонија на соодветен начин кон ЕУ, тоа е еден од порелевантните избори за утврдување на таа информација.

Жозеф Дол: Силјановска е вистинскиот кандидат за зајакнување на економијата, независно судство и борба против корупција

Ивана Ефремовски — Thu, 18 Apr 2019 10:19:27 +0000

Претседателот на Европската Народна Партија, Жозеф Дол, даде јавна поддршка за кандидатот за претседател Гордана Силјановска Давкова. -Посакувам Силјановска да има силен резултат во првиот круг од претседателските избори. Силјановска е вистинскиот кандидат за зајакнување на економијата, независно судство и борба против корупцијата, предуслов за продолжување по евроатланската патека. Изборите треба да бидат слободни и фер, порача тој.

Мицкоски на средба со Дол во Брисел: Светските организации ја препознаваат Македонија како произведувач на корупција која е заштитена од државата

Катерина Бојаџиева — Tue, 05 Feb 2019 17:08:23 +0000

Претседателот на ВМРО-ДПМНЕ Христијан Мицкоски во рамките на својата посета на Брисел оствари средба со Претседателот на Европската Народна Партија Жозеф Дол. На средбата се дискутираше за актуелната политичка состојба, предизвиците со кој државата се соочува и взаемната соработка со Европската Народна Партија, информираат од партијата. Претседателот Мицкоски ја истакна загриженоста за состојбите со корупцијата и криминалот во државата. -Светските организации Македонија ја препознаваат како произведувач на корупција која е заштитена од државата. Тоа го говори и последниот извештај на Транспаренси Интернешнл кој државава ја сместува на дното во Европа. Тука е и тешката економска состојба, речиси најмалиот БДП во Европа со најмалиот економско раст во Европа. Со вакви стандарди наметнати од власта европската перспектива е загрозена, истакна Мицкоски. Мицкоски посочи дека сето ова како и упорното бегање од предвремени парламентарни избори кои би гарантирале заштитно механизми отвора сомнеж дека власта сака да организира фалсификат на претседателските избори. -Ние побаравме од европските партнери, организирањето на фер и демократски избори да се постави како предуслов за напредок на европската агенда и добивање на позитивна оценка, истакна Мицкоски. Мицкоски и Дол ја истакнаа заедничката заложба за продолжување на продлабочената соработка на ВМРО ДПМНЕ со Европската Народна Партија како и искористување на расположливите потенцијали. -Македонија мора да оди напред, но мора и да постави принципи и вредности, враќање на довербата во системот, напуштањето на политичките притисоци, како и безусловно владеење на правото и правната држава, истакна Мицкоски.

Претседателот на ЕПП лично ги демантираше дезинформациите за исклучување на ВМРО-ДПМНЕ

Предраг Кукиќ — Wed, 17 Oct 2018 12:06:39 +0000

По информациите дека партијата ВМРО-ДПМНЕ ќе биде исклучена од ЕПП денеска со демант излезе претседателот на ЕПП Жозеф Дол. -Постојат јасни правила за исклучување на партијата од ЕПП: Член 9 од нашиот статут јасно наведува дека 7 партии членки од 5 различни држави мора да испратат барање до партиското претседателство за да се исклучи некоја партија. Ние секогаш ги почитуваме правилата, но сé уште не сме добиле такво барање. Оваа реакција доаѓа откако неодамна во провладините медиуми беше објавена информација дека партијата ВМРО-ДПМНЕ би можела да биде исклучена од своето европско семејство доколку продоложи да се однесува неконструктивно кон Преспанскиот Договор.

Претседателот на Европската народна партија, Жозеф Дол со јавна поддршка на големиот митинг на ВМРО-ДПМНЕ

Ивана Ефремовски — Sat, 02 Jun 2018 19:08:28 +0000

Претседателот на Европската народна партија, Жозеф Дол даде јавна поддршка за денешниот голем митинг пред македонската влада. Тој во своето видео обраќање даде поддршка и за ВМРО-ДПМНЕ, како и за партискиот претседател Христијан Мицкоски. -Ми претставува задоволство да ви ја испратам оваа порака на поддршка и пријателство, а по повод собирот кој што го организирате во Скопје. Со вашиот млад претседател во текот на последните 5 месеци остваривте активности на длабока реорганизација на партијата, на вашиот начин на кој комуницирате и на начинот на кој спроведувате политика. Денеска имате шанса на вашите граѓани да им ги презентирате вашите идеи и вашата визија за иднината на земјата. Сите ние знаеме колку на народот на Македонија му е потребно сето ова. Мои пријатели, Вашата земја се наоѓа во внатрешноста на границите на Европа. Нашите судбини се неодвоиво поврзани, рече тој. Дол порача дека ЕУ нема да биде комплетна се додека сите земји не им се придружат. -Европските народни партии се ангажираа минатиот месец во Софија да ја исполнат својата улога, но Вие исто така мора да ја завршите самите вашата работа. Во Владата или во опозицијата, сите политички сили во земјата мора да ги подвиткаат ракавите и да покажат сериозна желба за напредување по Евро-атлантскиот пат и да ги превземат неопходните мерки. Добро знаете за што зборувам: човекови права, борба против корупцијата, независност на судството и на медиумите, не заради тоа што ЕУ ви го бара тоа, туку заради тоа што вашите граѓани ви го бараат. И заради тоа што без ова горенаведеното, не е возможно да се реактивира економијата, да се привлечат инвестиции и да се креираат работни места, рече тој. Претседателот на Европската народна партија порача дека не е доволно да се објават реформи туку потребно е истите да се спроведат. -Мислете на вашите млади! Денес, каква иднина ќе им оставите нив? Како ќе ги убедите да останат во земјата и да придонесуваат за развојот на земјата, наместо да си ја бараат среќата на друго место. Вашиот народ бара промени и овие промени не можат да се спроведат без ваша партиципација, дури и во опозиција. Секогаш имате одговорност кон Вашите млади. Велам секогаш, бидејќи не можеме да ги решиме денешните проблеми со решенија од вчера. Треба да се размислува различно, треба да се иновира. Јас сум сигурен дека со водството на претседателот Мицкоски кој е динамичен, компетентен и мотивиран, ќе можете да дадете една нова енергија и нов елан на вашата партија. Да ја вратите довербата на луѓето, да ја најдете силата на партијата и наскоро да се вратите како владеачка партија со цел да можете поефикасно да донесете подобра иднина за сите жители во Македонија. Ви пожелувам многу успеси на патот кој ве чека, порача Дол пред околу 50.000 граѓани.

Мицкоски на средба со Борисов и Жозеф Дол: Членство во ЕУ за подобрување на стандардот, потребни се клучни реформи!

Ивана Ефремовски — Fri, 09 Mar 2018 10:57:57 +0000

Претседателот на ВМРО-ДПМНЕ, Христијан Мицкоски во Софија оствари средба со премиерот на Република Бугарија, Бојко Борисов и Претседателот на Европската народна партија, Жосеф Дол. На средбата се разговараше за европската агенда на регионот и зајакнување на соработката во рамките на Европската народна партија чиј составен дел е и ВМРО-ДПМНЕ. Претседателот на ВМРО-ДПМНЕ, Мицкоски, нагласи дека стратешки приоритет претставува членството во ЕУ како суштинска ориентација преку која треба да се овозможи унапредување на стандардите и овозможување на шанси за напредок. Мицкоски посочи дека Република Македонија, за жал, има реформски процес кој се одвива под посакуваното ниво и планот на владата 3-6-9 останува неисполнето слово на хартија. -Потребни се клучни подобрувања пред се реформа на судскиот систем, поддршка на економијата и стопанството и нејзин суштински развој, каде за жал, досега имаме еден од најслабите економски резултати како држава, како и мерки за овозможување на квалитетно образование како клучен столб за развој на едно општество, додаде Мицкоски. Претседателот на ВМРО-ДПМНЕ, Мицкоски во разговорот со бугарскиот премиер, Борисов посочи дека ВМРО-ДПМНЕ е за развивање на добрососедски односи, кои се темелат на принципи, чесност и искреност.