Бартомеу: Го договорив Мбапе, но нашите тренери го препорачаа Дембеле

Ристе Здравков — Tue, 19 Oct 2021 08:45:02 +0000

Поранешниот претседател на Барселона Жозеп Бартомеу не престанува да ја бранува јавноста по случувањата во каталонскиот тим. Откако ги нападна сегашните челници дека дозволиле заминување на Меси, тој кажа дека го имал на маса Мбапе, но дека ги слушал тренерите кои му рекле да го донесе Дембеле. „Потписот на Мбапе веќе беше на маса, беше договорено, но тренерите кажаа дека го сакаат Дембеле затоа што тој можел да ја рашири играта“, рече Бартомеу. Тој кажа дека точката на пресврт во Барселона била поразот од Ливерпул, кога сакал драстично да го смени тимот, но дека ги слушал играчите. „Оценив дека по поразот од Ливерпул мора да направиме големи промени. Мораше да се случи една генерациска смена. Ги слушав играчите и погрешив. Економски одевме до границата на нашиот буџет, а потоа стигна пандемијата која не фати неподготвени“, рече Бартомеу.

Барселона потврди, Бартомеу ја напушта претседателската функција во клубот

Магдалена Андонова — Wed, 28 Oct 2020 07:12:50 +0000

Претседателот на Барселона, Жозеп Бартомеу се повлекува од функцијата, соопшти синоќа прес-службата на каталонскиот клуб. Причината за оставката се лошите спортски резултати и економската состојба на клубот. Гласањето на недоверба на Бартомеу собра повеќе од 16 илјади потписи. Претходно, власта на Каталонија го одби барањето на управата на клубот да одржи референдум за да се изгласа недоверба на претседателот на Барселона, Бартомеу. Настанот требаше да се одржи на 1-2 ноември, сепак, поради оставка на управата на клубот, нови избори ќе се одржат во рок од околу 40 дена. (МИА)

жозеп бартомеу – Kurir.mk

Бартомеу: Го договорив Мбапе, но нашите тренери го препорачаа Дембеле

Барселона потврди, Бартомеу ја напушта претседателската функција во клубот