жрепка – Kurir.mk

Жрепка за завршницата во европските купови денеска во Нион

Ивона Петрова — Fri, 17 Mar 2023 08:01:44 +0000

Жрепката со која ќе бидат одредени паровите за четвртфиналните и потенцијалните полуфинални дуели во Лигата на шампиони, Лига Европа и Конференциската лига ќе се одржи попладнево во седиштето на УЕФА во Нион. Програмата започнува во 12 часот кога на распоредот е жрепката во елитното европско клупско натпреварување, по што следуваат ждрепките во Лига Европа, од 13 часот, и во Лигата на конференции од 14 часот. Првите четвртфинални натпревари во Лигата на шампиони се на програмата на 11 и 12 април, а реваншите на 18 и 19 април, додека четвртфиналните пресметки во Лига Европа и Конференциската лига ќе се играат на 13 и 20 април. Финалето во Лига Европа ќе се игра на 31 мај во Будимпешта, финалето во Конференциската лига на 7 јуни во Прага, додека финалниот натпревар во Лигата на шампиони е на програмата на 10 јуни во Истанбул. Лига на шампиони, четвртфиналисти: Интер, Наполи, Челзи, Манчестер сити, Бенфика, Баерн Минхен, Реал Мадрид. Лига Европа, четвртфиналисти: Севиља, Јувентус, Манчестер јунајтед, Феенорд, Унион Сент-Жил, Баер Леверкузен, Рома, Спортинг. Лига на конференции, четвртфиналисти: Гент, Фиорентина, Лех Познањ, Аз Алкмар, Вест Хем, Ница, Андерлехт, Базел.

Жрепката за осминафиналето во ЛШ денеска во Нион

Ивона Петрова — Mon, 07 Nov 2022 08:37:10 +0000

Со жрепка во седиштето на УЕФА во Нион денеска напладне ќе бидат одредни паровите за осминафиналето во Лигата на шампиони (ЛШ). Пласман меѓу 16. најдобри обезбедија по четири англиски и германски екипи, три од Италија, две од Португалија и по една од Шпанија, Белгија и Франција. Жрепката од групата на носители ја чекаат Бnерн Минхен Бенфика, Челзи, Манчестер сити, Порто, Реал Мадрид и Тотенхем, додека во група неносители како второпласирани во групната фаза се Клуб Бриж, Борусија Дортмунд, Ајнтрахт Франкфурт, Интер, Лајпциг, Ливерпул, Милан и ПСЖ. Првите осминафинални натпревари се закажани за 14, 15, 21 и 22 февруари, додека реваншите ќе се играат на 7, 8, 14 и 15 март идната година. Финалето е на програмата на 10 јуни на Олимпискиот стадион „Ататурк“ во Истанбул.

Четвртфинале на ЛШ: Реал кај Челси на гости, Ливерпул кај Бенфика

Ивона Петрова — Fri, 18 Mar 2022 11:46:54 +0000

Во четвртфиналето од Лигата на шампионите ќе се сретнат Челси - Реал Мадрид, Манчестер Сити - Атлетико Мадрид, Виљареал - Баерн Минхен, Бенфика - Ливерпул. Четвртфиналето започнува на 5 април кога ќе се играат два натпревари, а ден подоцна уште две. Актуелниот шампион на Европа, Челси во првиот натпревар ќе го пречека Реал Мадрид, додека Атлетико првиот натпревар ќе го одигра на гостувањето кај Сити. Ова се двата големи дерби натпревари, додека во останатите натпревари се знаат фаворитите. Победникот од дуелот Челси - Реал ќе го угости победникот од дуелот Сити-Атлетико. Подобриот од натпреварот Бенфика - Ливерпул, во полуфиналето ќе биде домаќин на победникот од натпреварот меѓу Виљареал и Баерн. Првите натпревари од полуфиналето се играат на 26 и 27 април, реваншите на 3 и 4 мај, а финалето е закажано во Париз на 28 мај.

СДСМ направи жрепка – познат е редоследот на гласачкото ливче на внатрепартиските избори

Магдалена Андонова — Mon, 06 Dec 2021 20:31:35 +0000

Познат е редоследот на кандидатите за нов лидер на СДСМ откако во партијата беше спроведена ждрепка. Димитар Ковачевски ќе биде под реден број 1, Фросина Ременски под 2, а Јован Деспотовски под бројот 3. Вонредните избори за претседател на СДСМ ќе се одржат в недела на 12 декември.

На пладне жрепка за осминафиналето во Лигата на шампионите

Ивона Петрова — Mon, 16 Dec 2019 07:48:29 +0000

Во седиштето на Европската фудбалска асоцијација (УЕФА) во швајцарски Нион, за денес во 12 часот е закажано извлекувањето на двојките за осминафиналната фаза од Лигата на шампионите. Носители се осумте победници во групата фаза: Барселона, Шпанија (Група Ф) Баерн Минхен, Германија (Група Б) Јувентус, Италија (Група Д) Лајпциг, Германија (Група Г) Ливерпул, Англија (Група Е) Манчестер сити, Англија (Група Ц) Пари Сен-Жермен, Франција (Група А) Валенсија, Шпанија (Група Х). Во групата на неносители се второпласираните од групната фаза: Аталанта, Италија (Група Ц) Атлетико Мадрид, Шпанија (Група Д) Челзи, Англија (Група Х) Борусија Дортмунд, Германија (Група Ф) Лион, Франција (Група Г) Наполи, Италија (Група Е) Реал Мадрид, Шпанија (Група А) Тотенхем, Англија (Група Б). Ниту еден тим не може да игра со клуб од истата група и од иста држава. Првите средби се закажани за 18, 19, 25 и 26 февруари, а вторите на 10, 11, 17 и 18 март. Носителите реваншите ќе ги играат на домашен терен. Жрепката за четвртфиналето, полуфиналето и финалето е на 20 март.

Денес ќе бидат извлечени групите во Лигата на шампионите

Ивона Петрова — Thu, 29 Aug 2019 06:56:08 +0000

Европската фудбалска федерација попладне со почеток во 18 часот во „Гриманди форум“ во Монако ќе ја почне жрепката за групите во Лигата на шампионите. Пред извлекувањето, 32 екипи се поделени во четири „шешири“. Во првиот „шешир“ се: Ливерпул (Англија), Челзи (Англија), Барселона (Шпанија), Баерн Минхен, (Германија), Јувентус (Италија), Манчестер Сити (Англија) ПСЖ (Франција) и Зенит (Русија). Изглед на „шешир 2“: Реал Мадрид (Шпанија), Атлетико (Шпанија), Борусија Дортмунд (Германија), Наполи (Италија), Шахтјор (Украина), Тотенхем (Англија), Ајакс (Холандија) и Бенфика (Португалија). Трет „шешир“: Лион (Франција), Баер Леверкузен (Германија), Салцбург (Австрија), Олимпијакос (Грција), Клуб Бриж (Белгија), Валенсија (Шпанија), Интер (Италија) и Динамо Загреб (Хрватска). Во четвртиот „шешир“ се сместени: Локомотив Москва (Русија), Генк (Белгија), Галатасарај (Турција), Лајпциг (Германија), Славија Прага(Чешка), Црвена ѕвезда (Србија), Аталанта (Италија) и Лил (Франција). Победниците од Лигата на шампионите и Лигата на Европа минатата сезона, Ливерпул и Челзи, како и победниците на шампионатите од најсилните првенства во рангот на УЕФА се сместени во првиот „шешир“. Сите други клубови се сместени во другите „шешири“ според рејтингот што клубот го има во УЕФА.

Познати двојките за 1/16 финалната фаза во ЛЕ

Ивона Петрова — Mon, 17 Dec 2018 13:15:08 +0000

Попладнево во седиштето на УЕФА во Нион (Швајцарија) беше извршена жрепката за 1/16 финалето на Лигата на Европа. Двојките се: Викторија (Чешка) – Динамо (Загреб, Хрватска) Бриж (Белгија) – Салцбург (Австрија) Рапид (Австрија) – Интер (Италија) Славија (Чешка) – Генк (Белгија) Краснодар (Русија) – Баер (Германија) Цирих (Швајцарија) – Наполи (Италија) Малме (Шведска) – Челзи (Англија) Шахтјор (Украина) – Ајнтрахт (Германија) Селтик (Шкотска) – Валенсија (Шпанија) Рен (Франција) – Бетис (Шпанија) Олимпијакос (Грција) – Динамо (Киев, Украина) Лацио (Италија) – Севиља (Шпанија) Фенербахче (Турција) – Зенит (Русија) Спортинг (Португалија) – Виљареал (Шпанија) БАТЕ (Белорусија) – Арсенал (Англија) Галатасарај (Турција) – Бенфика (Португалија). Првите натпревари ќе се одржат од 12 до 14 февруари, 2019 година, а реваншите се закажани за 20 и 21 февруари. Финалето ќе се игра на 29 мај во Баку, Азербејџан.

Македонија носител на жрепката за ракометното ЕП 2020

Катерина Бојаџиева — Wed, 21 Mar 2018 10:55:26 +0000

На извлекувањето на квалификациските групи за Европското првенство 2020 година што ќе се одржи на 12 април во Трондхајм, Норвешка, Македонија ќе биде сместена во прв шешир заедно со другите носители. Тоа значи дека Македонија нема да може да биде во иста квалификациска група со ниту една од најсилните репрезентации, што значи поголеми шанси за обезбедување пласман на континенталниот собир. Поредувањето на репрезентациите по шешири произлегува од ранкингот на ЕХФ, кој пак се смета според резултатите од претходните квалификации и големи натпреварувања. Состав на „шеширите“: „Шешир 1“: Франција, Хрватска, Германија, Данска, Словенија, Белорусија, Унгарија, Македонија. „Шешир 2“: Русија, Чешка, Полска, Исланд, Србија, Црна Гора, Босна и Херцеговина, Холандија, Португалија. „Шешир 3“: Летонија, Литванија, Швајцарија, Словачка, Украина, Израел, Турција. „Шешир 4“: Финска, Белгија, Естонија, Грција, Романија, Италија, Косово, Фарски Острови. На ЕП 2020 за првпат ќе учествуваат 24 репрезентации, а од квалификациските осум групи, двете најдобро пласирани од секоја група, заедно со четирите најдобри трето пласирани селекција од сите групи, ќе обезбедат учество на завршниот турнир. Досега сигурен пласман имаат домаќините: Шведска, Австрија и Норвешка, како и актуелниот шампион – Шпанија. Квалификациите ќе почнат во последната седмица на октомври оваа година.