жрк куманово – Kurir.mk

ЖРК Куманово го заврши европскиот настап со втор убедлив пораз

Бошко Тасиќ — Sun, 24 Sep 2023 16:31:02 +0000

Македонскиот ракометен клуб ЖРК Куманово вторпат загуби од швајцарски Херцогенбуше (17-31) и ја заврши европската авантура која ја имаше во рамки на Европскиот куп на ЕХФ. Кумановчанки ги одиграа двете средби на гостински терен, но не успеаја да направат резултат. По првата средба која ја загубија со 22-29, ракометарките на ЖРК Куманово не можеа до подвиг, затоа што на полувремето веќе беше 10-16 за Швајцарките. Муриел Хофер и Стефани Еугстер беа најдобри кај победничките со по пет гола, додека во македонскиот тим, Сара Цветановска реализира седум пати, а Нестороска, Зечевиќ, Ѓошевска и Богоеска имаа по два гола.Сега ЖРК Куманово во целост ќе се фокусира на домашниот шампионат каде е во подредена улога во борбата за титула.

ЖРК Куманово третпат во историјата до трофејот во женскиот ракометен Куп на Македонија

Бошко Тасиќ — Sat, 13 May 2023 14:39:48 +0000

Женската ракометна екипа на Куманово третпат во својата историја стигна до трофејот од Купот на Македонија, откако во финалето кое се одигра во Охрид го совлада Вардар со 32-31. Вардарки очигледно беа исрпени со синоќешната победа над шампионот на Македонија, Ѓорче Петров, па денес немаа доволно сили да направат уште едно изненадување и да го совладаат и Куманово, кој вчера не го одигра полуфиналниот натпревар, откако екипата на Металург се откажа од учество во завршницата на Купот на Македонија. Куманово во поголемиот дел од натпреварот имаше контрола над резултатот, додека Вардар постојано бркаше резултат и се обидуваше да остане во игра. Кумановки на полувремето имаа предност од 15-12. Најефикасна на натпреварот беше бразилската интернационалка во дресот на Куманово, Андреза Алмеида со 11 голови. За Куманово ова е трет трофеј од Купот на Македонија, откако претход победуваше во 2019-тата и 2021-вата година. На спротивната страна Вардар останува на 6 трофеи, од кои последниот е освоен во 2018-тата година. Кометал ЃП уште долго ќе остане најтрофејна екипа со 16 пехари од ова натпреварување.

Вардар, Ѓорче Петров, Металург и Куманово на завршниот турнир во Купот на Македонија

Бошко Тасиќ — Mon, 20 Mar 2023 05:39:43 +0000

Вардар, Ѓорче Петров, Металург и Куманово ќе се борат за трофејот во Купот на Македонија во женска категориија за 2023 година. Фаворизираните тимови успеаја да ја потврдат улогата во финалните натпревари и да се пласираат во самата завршница. Вардар до место на финалниот турнир стигна со победа од 38-20 против Деспина, Ѓорѓе Петров славеше со 18-36 против Спартак, Металург со 15-25 против Стружанка, додека Куманово со 27-32 против Пелистер. Улогата бранител на трофејот ќе им припадне на ракометарките од Автокоманда кои претходната сезона славеа против Ѓорѓе Петров.

ЖРК Куманово поразен и во вториот меч во Европскиот Куп

Бошко Тасиќ — Tue, 11 Oct 2022 18:50:46 +0000

Македонскиот прволигаш, ЖРК Куманово го заврши својот настап во ракометна Европа, откако вечерва претрпе уште еден пораз во пресметката против Макаби Аразим Раматган од Израел. По првите 30 минути резултатот беше 21-13 што дефинитивно беше најава за негативниот резултат на избраничките на Ристова, негатива која само продолжи да расте во вториот дел за конечни на крајот 43-23. Со ова Куманово стави крај на настапот во Европскиот Куп и тоа во второто коло.

Макаби со пенал во последна секунда го совлада Куманово

Бошко Тасиќ — Mon, 10 Oct 2022 17:53:51 +0000

Ракометарките на Куманово загубија несреќно во првиот меч од првото коло во Европската лига со 25-26 од Макаби Аразим Рамат Ган. Натпреварот беше израмнет од самиот почеток со неколку пресврти, иако на стартот Макаби имаше предност од два гола (1-3), но Куманово стигна до пресврт (8-6) во 18. минута од мечот. По голема битка до крајот Макаби, сепак, замина на пауза со водство од еден гол (15-14). Во второто полувреме Макаби набрзо стигна до предност од четири погодоци (20-16), но Куманово не се предаваше и влезе во драматична завршница (25-25), при што имаше напад за победа, кој не го искористи, а гостите од Израел во контра-напад добија пенал во последна секунда кој го реализираа за победа од 26-25.

Најдобра ракометарка кај Куманово беше Габриела Величковска со 13 голови, додека Дуња Тасиќ даде девет за тимот од Израел.

Ѓорче Петров против Металург ќе играат во финалето на женскиот ракометен Куп

Бошко Тасиќ — Sat, 14 May 2022 17:13:12 +0000

ЖРК Ѓорче Петров е тимот што ќе му се спротивстави на Металург во куп-финалето во Кавадарци откако славеше во скопската пресметка со ЖРК Чаир со резултат 32-28. Стојановска со седум и Николиќ и Василева со по пет гола беа најефикасни во победничкиот тим, додека Теодора Дукоска со десет погодоци беше најдобра ракометарка во редовите на Чаир. Финалето на Купот на Македонија во женска конкуренција на програмата е утре со почеток во 17 часот. Екипата на ЖРК Металург беше првиот финалист во Купот на Македонија, откако во драматично полуфинале преку пресврт славеше над фаворизираниот ЖРК Куманово со 21-25.

ЖРК Куманово по Купот ја освои титулата и во домашното првенство

Бошко Тасиќ — Sat, 22 May 2021 19:25:57 +0000

Ракометарките на ЖРК Куманово денеска запишаа убедлив триумф против најголемиот ривал Вардар со 33-22 и така ја обезбедија титулата и во домашното првенство, која доаѓа по трофејот во Купот на Македонија.

„Црвено-црните“ издржаа 30 минути, во кои имаа негатива од два гола (14-16), но во вториот дел Куманово ја презема контролата врз мечот и резултатот постојано растеше во нивна корист до конечни 33-22. Најдобра кај Куманово беше Јована Кипријановска со шест голови, додека Ивона Трпеска постигна седум погодоци за Вардар.

ЖРК Куманово го одбрани трофејот во Купот на Македонија

Бошко Тасиќ — Sat, 15 May 2021 14:53:07 +0000

Ракомерките на ЖРК Куманово славеа над ЖРК Вардар со 28:18 во финалниот меч во Купот на Македонија во женска конкуренција. Кумановки го потврдија статусот на фаворитки и успеаа да го одбранат трофејот кој го освоија пред две години. Првиот дел донесе далеку подобра, поизедначена игра во која Куманово се избори за предност од 12-9 во салата Автокоманда во Скопје. Сосема заслужено трофејот заврши во рацете на Кумановки во чии редови најдобар стрелец беше Јануловска со шест гола. foto: gol.mk

Вардар и Куманово ќе играат во финалето на женскиот ракометен Куп

Бошко Тасиќ — Fri, 14 May 2021 21:25:15 +0000

Во финалето на женскиот ракометен Куп на Македонија ќе се сретнат Вардар и Куманово кои ќе се борат за пехарот.

Во првото полуфинале Куманово го совлада Металург со 27-23. Домаќинките го одржуваа притисокот, чувајќи минимална негатива во првиот дел, па на пауза заминаа само со 12-13. Сепак, Куманово го почна второто полувреме со серија голови и се одлепи на 19-14, па Металург не успеа докрај да се врати. Боризовска, Јанкуловска и Џамкиќ постигнаа по шест гола.Во Металург исто така Тасевска постигна шест погодоци. Во второто полуфинале Вардар го победи Чаир со 31-27. Трпевска, Дамјановска и Стојановска со по пет гола го предводеа победникот, додека кај чаирчанки Рахмани беше најдобра со осум погодоци. Во утрешното финале, од 14.30 часот, вардарки ќе го бркаат седмиот пехар од Купот, а кумановки ќе го бранат единствениот, освоен пред точно две години.

Куманово противник на Вардар во финалето на Купот на Македонија

Дарко Андоновски — Thu, 09 May 2019 20:17:18 +0000

Екипата на ЖРК Куманово ќе игра во финалето на Купот на Македонија откако славеше со 29:22 (15:10) против Металург. Гостинките од Скопје беа рамноправни само во првите дваесетина минути, но потоа Кумановки, бодрени од публиката ја презедоа иницијативата и на полувреме заминаа со +5 разлика. Во вториот дел домашните ракометарки ја зголемуваа предноста за на крајот да забележат убедлив триумф и да се пласираат во финалниот меч. Најпрецизна кај домашната екипе беше Шарановиќ со 9 гола, додека кај Металург Гичевска реализираше седум погодоци. Во саботното финале, домаќинот на турнирот ќе се сретне со ЖРК Вардар од 16 часот.