жрк металург – Kurir.mk

ЖРК Металург го откажа настапот во Купот на Македонија

Бошко Тасиќ — Thu, 11 May 2023 18:55:40 +0000

Бранителот на трофејот во ракометниот Куп на Македонија во женска конкуренција,ЖРК Металург, нема да настапи на завршниот турнир кој ќе започне утре во Охрид. ЖРК Металург се повлече од Купот поради штрајкот на ракометарките за неисплатени плати. Поради штрајкот ЖРК Металург не го одигра натпреварот против Чаир, а исто така нема да патува и во Битола на дуелот со Пелистер во последното коло, во Суперлигата. Откажувањето на ЖРК Металург значи дека директен пласман во финалето изборија ракометарките на Куманово. За второто место во финалето ќе се борат ЖРК Ѓорче Петров и ЖРК Вардар.

ЖРК Металург нема да игра против Чаир поради неисплатени плати

Бошко Тасиќ — Sat, 06 May 2023 15:22:07 +0000

Ракометарките на ЖРК Металург го известиле раководството на клубот дека нема да играат на мечот кој е натпревар од 7. коло во плеј-офот од женската Суперлига. Причина за тоа се неисплатени плати. Информацијата ја соопшти претседателката на клубот, Зорица Блажевска, образложувајќи дека Металург има проблем со реализација на ваучерот и очекуваат помош од владата. „Тешко оди со реализација на ваучер овој период, барем кај нас, сите оставаат за крај на годината. Се надевавме дека ќе си го исполни ветеното владата и директно ќе исплаќа на сметка на клубови, но ете тоа не е случај. За жал, ќе мора да ги разберам девојките и да ја прифатам нивната одлука“, изјави Блажевска. ЖРК Металург го брани пехарот во Купот на Македонија од минатата сезона, а во првенството се наоѓа на петтото место.

Вардар, Ѓорче Петров, Металург и Куманово на завршниот турнир во Купот на Македонија

Бошко Тасиќ — Mon, 20 Mar 2023 05:39:43 +0000

Вардар, Ѓорче Петров, Металург и Куманово ќе се борат за трофејот во Купот на Македонија во женска категориија за 2023 година. Фаворизираните тимови успеаја да ја потврдат улогата во финалните натпревари и да се пласираат во самата завршница. Вардар до место на финалниот турнир стигна со победа од 38-20 против Деспина, Ѓорѓе Петров славеше со 18-36 против Спартак, Металург со 15-25 против Стружанка, додека Куманово со 27-32 против Пелистер. Улогата бранител на трофејот ќе им припадне на ракометарките од Автокоманда кои претходната сезона славеа против Ѓорѓе Петров.

ЖРК Металург елиминиран од ПАОК, Чаир со шанси против Истогу

Бошко Тасиќ — Sat, 15 Oct 2022 17:32:40 +0000

Македонскиот женски ракометен клуб Металург загуби и на реваншот од второто коло во Европскиот куп против ПАОК. Откако на првиот меч во Солун грчката екипа славеше со 26:17, ривалот беше подобар и на реваншот во Скопје со 20:31. Најефикасни во тимот од Автокоманда беа Арсениевска и Божиновска со по пет голови, а на спротивната страна истиот учинок го имаа Хаципарасиду и Грбавчевиќ. Во истата фаза од натпреварувањето составот на Чаир Скопје денеска беше поразен минимално во првиот меч против косовскиот Истогу со 34:33. Кај домашните ракометарки нашата интернационалка Арлинда Динарица беше прв стрелец со седум голови, колку и нејзината тимска колешка Кончалвеш Луна. За нашата екипа 10 голови запиша Гулицоска, а по пет имаат Ѓорѓиевска и Џамкиќ. Чаирчанки ги одржуваат шансите за пласман во третото коло, а реваншот ќе се игра в недела со почеток од 17.00 часот исто така на теренот на противникот.

Ракометарките на Металург загубија од ПАОК

Бошко Тасиќ — Sun, 09 Oct 2022 06:49:12 +0000

Македонскиот тим ЖРК Металург загуби на гостувањето кај грчки ПАОК со 17-26 во првиот меч од квалификациите за Европскиот Куп. ПАОК отвори со серија од 4-0, по што ја одржа предноста и го доби првото полувреме со 11-7, додека во вториот дел Металург беше целосно надигран и загуби со 17-26. Најдобра ракометарка во грчкиот состав беше Катципарасиду со осум голови, додека Божиновска погоди седум пати за Металург.

Реваншот меѓу Металург и ПАОК се игра на 15 октомври во Скопје.

ЖРК Металург е освојувач на ракометниот Куп во женска конкуренција

Бошко Тасиќ — Sun, 15 May 2022 16:37:26 +0000

ЖРК Металург го освои Купот на Македонија за оваа сезона откако во финалниот меч во Кавадарци го победи скопскиот ЖРК Ѓорче Петров со 30-27. 15-годишната Ива Младеновска одново имаше блескава партија и со девет погодоци беше најпрецизна во таборот на победничкиот тим, во кој солидни беа уште Божиновска со осум и Трајковиќ со четири гола. Во поразениот тим се истакнаа Стојановска со осум и Белевска и Николиќ со по пет гола.

Ѓорче Петров против Металург ќе играат во финалето на женскиот ракометен Куп

Бошко Тасиќ — Sat, 14 May 2022 17:13:12 +0000

ЖРК Ѓорче Петров е тимот што ќе му се спротивстави на Металург во куп-финалето во Кавадарци откако славеше во скопската пресметка со ЖРК Чаир со резултат 32-28. Стојановска со седум и Николиќ и Василева со по пет гола беа најефикасни во победничкиот тим, додека Теодора Дукоска со десет погодоци беше најдобра ракометарка во редовите на Чаир. Финалето на Купот на Македонија во женска конкуренција на програмата е утре со почеток во 17 часот. Екипата на ЖРК Металург беше првиот финалист во Купот на Македонија, откако во драматично полуфинале преку пресврт славеше над фаворизираниот ЖРК Куманово со 21-25.

Кастратовиќ по денешната ждрепка: Го посакувавме Криенс, фаворити сме

Магдалена Андонова — Tue, 08 Sep 2020 12:00:44 +0000

Ракометниот клуб Металург по денешната ждрепка во Виена за противник во второто квалификациско коло на Лига Европа го доби тимот на Криенс од Луцерн. Тренерот на Металург, Зоран Кастратовиќ по добивањето на противникот призна дека швајцарскиот претставник беше еден од посакуваните противници. – Пред почетокот на ждрепката, Криенс беше еден од клубовите што најмногу ги посакував. Сметам дека фаворитската улога и во овој дуел му припаѓа на Металург, но истата ќе мораме да ја оправдаме на терен. Засега немаме многу информации за противникот, каде игра и поранешниот ракометар на Металург – Лапајне, но ќе биде погрешно ако го потцениме Криенс. Сепак, се работи за цврст и добар тим, кој многу лесно ја реши хрватска Дубрава во првото квалификациско коло. Тоа особено важи за средбата во Хрватска, каде Криенс славеше со огромни 9 голови предност. Во суштина многу работи зависат од самите нас. Ако играме на ниво, фокусирано и дисциплинирано, тогаш веројатно ќе немаме проблем. Не смееме да дозволиме да ни се повтори средбата со Спачва во Винковци, каде, место да го докршиме отпорот на противникот, претрпевме пораз“, изјави Кастратовиќ. Првата средба ќе се одигра во Скопје, на 22 септември, додека реваншот е закажан на 29 септември во Луцерн. Во другите натпревари ќе се сретнат: Бидасоа Ирун – Нексе Потаиса Турда – Феникс Тулуз Бјерингбо Силкеборг – ЦСКА Москва Холстебро – РНЛ Бенидорм – Фиверс Азоти Пулави – Кристијанштад Констанца – Спортинг Лисабон Ѓунѓеш – Фуксе Берлин Тримо Требње – Балатонфуред Винтертур – ГОГ Скјерн – Монпеље (МИА)

Вардар и ЖРК Металург шампиони во пионерска конкуренција

Даниел Василев — Mon, 23 Apr 2018 09:59:29 +0000

Ракометарите на Вардар и ракометарките на Металург ги освоија шампионските трофеи во пионерските лиги на Македонија, откако беа најдобри на завршните Ф4 турнири викендот во Скопје и Битола. На „Фајнл Фор“ турнирот што се играше во СРЦ „Кале“ во Скопје, РК Вардар во финалето го победи РК Аеродром со 27:20. За најдобар играч на турнирот беше прогласен Леонид Киселовски од РК Аеродром, најдобар голман беше Леонид Чорогулов од РК Вардар, додека признанието за најдобар стрелец му беше доделено на Емилијан Ѓорговски од КЛ-7 Струга. На Ф4 турнирот во спортската сала „Јован Калаузи“ во Битола, ЖРК Металург во финалето го совлада домаќинот ЖРК Пелистер со 22:13. Ангела Јанкуловска од ЖРК Пелистер го доби признанието за најдобар играч на турнирот, Елена Поповска од Металург е избрана за најдобар голман, додека најдобар стрелец беше Јована Илиевска од ЖРК Делчево Вардар. МИА