зрзе – Kurir.mk

Уште гори кај Зрзе, активни се пет пожари (ВИДЕО)

Ристе Здравков — Tue, 12 Sep 2023 07:31:50 +0000

Пет пожари се активни на територија на државава, информира изутринава Центарот за управување со кризи. Во Општина Долнени има три пожари: кај село Зрзе со еден крак во село Рилево и еден крак во село Сливје, и кај селата Кошино и Костинци. Пожар има и во село Бељаковце во Општина Куманово и во село Долна Ѓоновица во Општина Гостивар. ЦУК соопшти дека вчера биле регистрирани вкупно 49 пожари и се изгаснати 44.

Нема опасност од пожарот по манастирот и селото Зрзе, ниту по селото Кошино

Ивана Ефремовски — Sun, 10 Sep 2023 18:45:58 +0000

Нема опасност по манастирот и селото Зрзе, ниту по селото Кошино во чија близина попладнево избувнаа пожари, информираат од Центарот за управување со кризи (ЦУК). -Кракот што се движеше во насока на Зрзе е под контрола. Пожарот кај Кошино не го загрозува селото, но останатите краци не се под контрола, вели директорот на ЦУК, Стојанче Ангелов. Тој додава дека двата ер трактори на ДЗС и хеликоптерот на МВР помогнале да бидат ставени под контрола краците кои ги загрозуваа двете села во општината Долнени, но останатите краци се уште се разгорени. Претходно, Центарот за управување со кризи информира дека попладнево на територијата на Општина Долнени избувнале два пожара. Според ЦУК, едниот пожар е над манастирот Зрзе, на висок и непристапен терен, а гори висока трева, нискостеблеста шума, како и дабова шума и шума од габер, но се заканува опасност пожарот да се приближи и кон селото Зрзе. Вториот пожар е над селото Кошино каде што, освен висока сува трева, гори и квалитетна дабова шума. Пожарот се приближил на околу 300 метри од првите куќи во селото. -На терен се и прилепските пожарникари кои се обидуваат да воспостават контрола над пожарот од земја, информира ЦУК. (МИА)

Два пожари избувнаа во Македонија, гори висок и непристапен терен

Ивана Ефремовски — Sun, 10 Sep 2023 15:03:26 +0000

Центарот за управување со кризи (ЦУК) информира дека попладнево на територијата на Општина Долнени избувнале два пожара. Според ЦУК, едниот пожар е над манастирот Зрзе, на висок и непристапен терен, а гори висока трева, нискостеблеста шума, како и дабова шума и шума од габер, но се заканува опасност пожарот да се приближи и кон селото Зрзе. Вториот пожар е над селото Кошино каде што, освен висока сува трева, гори и квалитетна дабова шума. Пожарот се приближил на околу 300 метри од првите куќи во селото. -Како подршка на прилепските пожарникари кои се обидуваат да воспостават контрола над пожарот од земја, полета еден авион на Дирекцијата за заштита и спасување (ДЗС), а вториот се подготвува за полетување. Истовремено за полетување се подготвува и еден хеликоптер на МВР, информира ЦУК.