зум – Kurir.mk

Цел свет му се смее на овој руски политичар – среде состанок на Зум ги соблекол гаќите, а потоа еве што направил (ВИДЕО)

Дарко Андоновски — Sat, 11 Dec 2021 10:25:16 +0000

Максим Петлин (48), член на партијата Јаблоко, бил на состанок со колегите на Зум, но среде состанокот станал од бирото, се соблекол, а потоа почнал да парадира пред камерите, секако, пред очите на неговите колеги. Неговите сопартијци се труделе да не се фокусираат на него, а средбата ја продолжиле како ништо да не се случува. Кога го прашале по состанокот зошто тоа го направил Петлин се преправал дека ништо не се случило. – Се појавив гол? Каква глупост е тоа? Имавме состанок на интернет, но не се сеќавам дека сум бил таму – рекол Петлин, а пренесува Дејли Мејл.

⚡️⚡️⚡️Депутат-яблочник Максим Петлин во время онлайн-заседания разделся прямо в кадре. С кем не бывает,действительно,всего лишь забыл выключить камеру. pic.twitter.com/dH5L9T976x
— Артём Фомин (@ArtemFomi_n) December 10, 2021

Корона-кризата ги зголеми приходите на апликацијата „Зум“ за 3,5 пати

Ивана Ефремовски — Tue, 01 Sep 2020 09:05:41 +0000

Популарната апликација за видеоврски, „Зум“ забележа скок на приходите и повеќе од двојно зголемена заработка во второто тримесчје. Проценките говорат дека тоа е поради корона-кризата што ја зголемила побарувачката за овој вид услуга. Приходите на компанијата се зголемени за 355 отсто, на 663,5 милиони американски долари. Акциите на „Зум“ вчера достигнаа рекордно високо ниво, затворајќи го тргувањето на 325,10 американски долари. Претходно оттаму предвидуваа годишни приходи од 1,78 до 1,80 милијарди долари, па тој параметар скокна до распонот 2,37 – 2,39 милијарди долари. Клучот за успехот на „Зум“ лежи во привлекувањето повеќе високобуџетни корпоративни клиенти кои плаќаат за услугите, наспроти оние кои ги користат бесплатно. Според извештаите на компанијата, бројот на клиенти-компании коишто оствариле приход од над 100.000 американски долари лани – се зголемил двојно, на 988 во второто тримесечје годинава. (МИА)

Мислел дека ја исклучил камерата, па ѝ се нафрлил на секретарката: Неговата „акција“ ја следеле колегите на Зум (ВИДЕО+18)

Дарко Андоновски — Sat, 29 Aug 2020 19:02:55 +0000

На Филипините се случи еден од најголемите скандали за време на пандемијата на коронавирусот кога еден од владините функционери не ја исклучил камерата за време на состанокот на платформата Зум. Филипинските медиуми пренесуваат дека шефот Естил не се снаоѓа добро со модерната технологија, па по грешка ја оставил вклучена камерата и со тоа овозможил неговата приватна акција да стане јавна. Така на екранот се гледа како Естил има секс со жена, за која подоцна се испоставило дека била неговата секретарка. На видеото се гледа Естил како ја исклучува камерата (а всушност не ја исклучил) за да ѝ се „посвети“ на својата секретарка, а по акцијата ги облекува панталоните и се враќа на состанокот. Откако видеото стана вирално, Естил ќе биде отпуштен од работната позиција. Неодамна, истата ситуација се случи и на состанокот на општинскиот Зум состанок во Рио де Жанеиро, кога еден од учесниците имал секс со неговата сопруга, а исто така заборавил да ја исклучи камерата.

Суд во Нигерија преку апликацијата Зум осуди човек на смртна казна

Дарко Андоновски — Wed, 06 May 2020 18:09:14 +0000

Суд во Нигерија осуди човек на смрт со бесење, во рочиште одржано преку апликацијата Зум. Организацијата за човекови права Хјуманс рајтс воч денеска оцени дека станува збор за свиреп и нехуман начин на пресудување по овој предмет. Судијка од Лагос го осуди Олелекан Хамид на смрт со бесење поради убиство на една жена. Сослушувањето треше три часа, на кое присуствувале и адвокатите. Пресудата е донесена во понеделникот, при што Хамид се вклучил на Зум од затворот, судијката од Врховниот суд во лагос, а адвокатите од други локации. Хамид изјави дека не е виновен за убиството на 76-годишната Јоласун Окинсања. – Судот пресудува дека ќе ве обесат со бесење за врат додека не ве прогласат мртов. Бог нека се смилува на вашата душа. Тоа е виртуелната пресуда на судот, рече судијката. Претставник на Хјуманс рајтс воч за Би Би Си изјави дека виртуелната судница покажала дека е можно и натаму да се има пристап до правото и законите, но дека е погрешно да се носи пресуда за смртна казна преку виртуелно судење. „Оваа казна е архаична, свирепа и нехумана и треба да се укине“, оцени ХРВ.

Апликацијата Зум поради популарноста е под зголемена контрола

Ивона Петрова — Wed, 01 Apr 2020 09:58:52 +0000

Апликацијата за видео конференции Зум се најде под високо ниво на контрола поради нејзината популарност за време на пандемијата на коронавирусот, бидејќи во моментов милиони луѓе ја користат за работа од дома или за онлајн настава, јави Би Би Си. Јавната правобранителка на Њујорк Летиша Џејмс испрати писмо до Зум со цел да ја изрази загриженоста за нивната способност да се справат со порастот на корисници. Во писмото, јавниот правобранител ги прашува од Зум, дали ги разгледале своите безбедносни мерки откако нивната популарност се зголемила. И исто така истакна дека во минатото апликацијата многу бавно ги решавала проблемите. – Зум ја зема предвид приватноста, безбедноста и довербата на корисниците многу сериозно. За време на пандемијата на Ковид-19, ние работиме деноноќно за да се осигураме дека болниците, училиштата, универзитетите и бизниси ширум светот ќе останат поврзани и ќе функционираат. Ја цениме загриженоста на јавниот правобранител на Њујорк за овие проблеми и среќни сме што можеме да ги обезбедиме бараните информации, изјави портпаролот на компанијата Зум. Неодамна британскиот премиер Борис Џонсон сподели фотографија со коментар дека го води владиниот состанок преку апликацијата Зум, што покрена прашања за тоа колку е безбедна за употреба. Компанијата ги отфрли таквите стравувања „На глобално ниво, Зум се погрижи за безбедноста на 2.000 институции од најголемите светски финансиски компании до водечки провајдери за телекомуникации, владини агенции, универзитети, здравствени установи, телемедицински практики“ соопшти за Би Би Си оваа компанија. Апликацијата Зум во минатото имала многу пропусти со безбедноста, вклучувајќи и ранливост што им дозволувала на хакерите да ги отстранат присутните од состанок, измислени пораки од корисниците и хакирање на екраните. Исто така, корисниците на Мак забележале дека апликацијата автоматски правела повици без нивно знаење. Таа е најкористена апликација во САД и втора во Велика Британија.