звечан – Kurir.mk

ФОТО: Потресна атмосфера во Звечан, Србите жалат за загинатите

Ристе Здравков — Wed, 27 Sep 2023 16:02:37 +0000

Граѓаните на Звечани се собраа пред споменикот на кралот Милутин на тоа место, со цел со палење свеќи да ги почестат младите момчиња кои во неделата загинаа во Бањска. Стотици локални жители дојдоа да се простат од жртвите, палејќи свеќи за вечен спомен.

Ноќеска експлозии во близина на полициските станици во Звечан и Северна Митровица

Ивана Ефремовски — Fri, 16 Jun 2023 08:21:51 +0000

Во текот на ноќта се слушнале неколку експлозии во близина на полициските станици во Звечан и Северна Митровица, потврди заменик директорот на Регионалната полиција, Ветон Ељшани. Тој за косовските медиуми изјави дека најверојатно станува збор за шок бомби. Според него, од овие експлозии нема повредени, но оштетен е полициски автомобил. Полицијата го истражува случајот. (МИА)

Над 50 Срби повредени во немирите во Звечан, вонредно обраќање на Вучиќ

Ивона Петрова — Mon, 29 May 2023 18:34:42 +0000

Повредени се 52 Срби, односно толку побарале помош во Клиничката болница, а повредени се повеќе. Тројца од нив се тешко повредени меѓу кои едно лице погодено со два куршуми, ова вечерва во вонредното обраќање го истакна претседателот на Србија, Александар Вучиќ, а по немирите на Косово. Повредениот Драгиша со два куршум примени од зад грб, како што рече Вучиќ е на интензивна нега откако претходно лекарите се бореле за неговиот живот. Еден од потешко повредените, е со повреди од гумени куршуми. Останатите биле со полесни повреди. Уапсени се четворица Срби. Вучиќ посочи дека на повеќе места се фотографирани снајпери кои нишанеле кон присутните Срби, донесени од албанските специјалци. Повредени се 41 припадник на КФОР, најголем број припадници на италијанскиот и ингарскиот контингент, од кои тројца потешко. -Србија вечерва поставила зголемен број безбедносни сили на места на кои смета дека тоа е потребно. Со нашите војници ќе одиме во обиколка на повеќе места. Ги повикувам Србите на Косово да не влегуваат во судир со НАТО, не затоа што било од нас е исплашен, туку затоа што тоа е она што Курти најмногу го сака. Ги повикувам, кога ќе протестираат, тоа да го направат на мирен начин, истакна Вучиќ.

ХАОС ВО КОСОВО: Солзавец и шок бомби во Звечан, косовската полиција влезе во зградата на општината (ВИДЕО)

Дарко Андоновски — Fri, 26 May 2023 13:13:33 +0000

Десетици припадници на косовската специјална полиција со џипови пристигнаа до зградите на локалната самоуправа во Северна Митровица, Лепосавиќ, Зубин Поток и Звечан, а Срби, вработени во тие општини, се собраа пред влезовите во зградите, пренесе Бета. Во Звечан се слушнале истрели, а запленето е полициско возило, јавува РТС. Ситуацијата ескалирала по дискусија меѓу граѓани и припадници на косовската полиција во Звечан, а се слушале и пукотници. - Во неколку наврати се фрлаа солзавец и шок-бомби. После тоа граѓаните побегнаа. Потоа повторно се обидоа да се вратат пред зградата на општината, а полицијата со пушки се движеше кон општината, се слушна шок бомба, пренесува Радио Контакт Плус. Дописникот на РТС јави и дека било опожарено полициско возило. Според Н1, припадници на косовската полиција влегле во зградата на општина Звечан, откако употребиле солзавец и шок бомби. На приодот кон Митровица од правец на Приштина, нема видливо зголемено присуство на полиција. Претседателот и врховен командант на вооружените сили на Србија, Александар Вучиќ, потпиша наредба за подигање на борбената готовност на единиците на српските вооружени сили на највисоко ниво и им нареди да се движат во правец кон границата со Косово. Министерот за одбрана на Србија, Милош Вучевиќ изјави дека наредбата била издадена нешто пред 14 часот и оти Армијата започнала со активности од тој момент.

KiM trenutno.. pic.twitter.com/ksMGasiSmH
— Gogo le Beau (@beau_gogo) May 26, 2023

- Наредено е итно движење кон административната линија со Косово, изјави Вучевиќ во живо за белградски медиуми. Тој предупреди дека настаните на северот на Косово, каде приштинската влада ги презема зградите на локалните самоуправи, „не се игра, туку дека тоа ја загрозува безбедноста на сите во регионот“.