звонимир јанкуловски – Kurir.mk

Јанкуловски: Нема дилеми дека меѓународната политика на оваа влада е катастрофална, нема идеи, стратегии и план за интересите на државата

Дарко Андоновски — Fri, 19 May 2023 10:40:05 +0000

Звонимир Јанкуловски, поранешен амбасадор на денешната панел дискусија „Катастрофална меѓународна политика на Македонија“ зборуваше за меѓународната политика на оваа влада е катастрофална и за тоа нема дилеми. -Меѓународната политика на оваа влада е катастрофална, немам дилеми околу тоа. Меѓутоа за надворешна политика на оваа влада во основа е фалична во последните 30 години односно дефектна со оглед дека е креирана од луѓе кои едноставно не веруваа во македонската држава од независна македонска држава и своите фрустрации ги пренесоа од Белград во македонската надворешна политика и македонското надворешно политичко претставување. Сето тоа после што се случуваше во основа е реминистенција на она што се случуваше во првите години од создавањето на македонската независна држава, така да последиците денеска ги чувствуваме сите заедно, рече тој. Јанкуловски во текот на своето обраќање посочи дека во последните 7 години со доаѓањето на власт на оваа влада во основа има еден комплетен дилетантизам во поглед на водењето на надворешната политика. -Но се работи за еден процес кој трае веќе 30 години, сепак во последните 7 години со доаѓањето на власт на оваа влада во основа гледаме еден комплетен дилетантизам во поглед на водењето на надворешната политика и во поглед на остварувањето на целите на надворешната политика, во контекст на заштитат на националните интереси преку надворешно политичко претставување така што едноставен заклучок е дека се работи за нешто што е промовирано во надворешната политика како би рекол не знаење и целосен дилетантизам, кажа тој. Јанкуловски посочи дека владата нема ниту стратегија, ниту имаме план како да го реализира она што е интерес на Македонија.

Јанкуловски: Во Македонија се поставуваат лица на раководни функции чии биографии се празни листови хартија

Катерина Бојаџиева — Wed, 31 Mar 2021 17:27:17 +0000

Звонимир Јанкуловски во своето гостување во емисијата „Што не е јасно“ зборуваше за целата ситуација во државата и посочи дека Македоноја се дави во глупости, незнање и неспобноста затоа што луѓето кои се на раководни функции имаат биографии со празни листови хартија. -Едноставно имам впечаток дека државата оди по некоја инерција која ја движи ненапред, едноставно се движи и прашање е само кога ќе застане, кога системите ќе откажат да функционираат. Само за потсетување Германија пред една година не опомена дека на патот кон Европската унија треба да водиме сметка затоа што младите ја напуштаат државата, разочарани се што на високи јавни функции доаѓаат необразовани луѓе. Македонија едноставно се дави во глупости, се дави во незнаење, се дави во неспособност. На одредни луѓе кога ќе им ги видите биографиите едноставно тоа се празни листови хартија, меѓутоа се на раководни фунцкии, они би требало да носат клучни одлуки за функционирањето на државата и затоа сум доста скептик дека сеуште одиме по некоја инерција која знаете телата се движат по инерција додека не застанат и дека едноставно системите ќе застанат еден момент и тоа е она кое ме застрашувa, рече тој во своето гостување. Јанкуловски во своето гостување посочи дека во моментов се глуми дека сме сериозна држава која ги има сите параметри на државност и функционалност. - Во моментов повеќе имам впечаток дека глумиме држава отколку што сме сериозна држава која ги има сите параметри на она што значи државност и она што значи способност да биде функционална во смисла на менаџирањето на односите внатре и менаџирање на односите кон надвор, додаде тој.

Јанкуловски: Преписката меѓу Пендаровски и Филипче е прашање кое сами треба да си го решат бидејќи и двајцата потфрлија во менаџирањето на кризата

Катерина Бојаџиева — Wed, 31 Mar 2021 16:52:45 +0000

Звонимир Јанкуловски во своето гостување во емисијата „Што не е јасно“ зборуваше за целата преписка која деновиве се случува помеѓу претседателот Стево Пендаровски и министерот за здравство Венко Филипче и посочи дека тоа е прашање кое самите треба да си го решат со оглед на тоа дека потфрлија во однос на менаџирањето на кризата. -Целиот случај е неприкладен, сепак претседателот е избран на непосредни избори, го бираше народот, така што министерот сепак е дел од извршната власт. Сепак непристојно е самото обраќање кон претседателот, почитувајќи ги институциите во државата и ранкот на инситуциите, меѓутоа тоа е сепак прашање кое тие самите треба да си го разрешат со оглед дека потфрлија во поглед на менаџирањето на кризата и она што се случуваше во Србија. Така што изгледа прашање на совест на преработување на она чувство на изгубеност отколку срам за сето ова кое се случува и обидот ако може да се префрли вината на друг односно да се амнестира од вината за сето она кое се случува и сите животи кои се губат во екот на пандемијата. Оние кои се задолжени да понудат здравствена заштита на граѓаните се неуспешни, неспособни тоа да го направат во моментов, рече тој. Понатаму тој во своето гостување во врска со справување на корона криза од страна на власта посочи дека држвата е должна на граѓаните да им даде здравствена заштита во вакви услови. -Државата е должна да ви даде здравствена заштита односно во услови на пандемија да ви обезбеди услови да вашето право на живот не биде загрозено, додаде Јанкуловски.

Бура во чаша вода, или надворешно политичко цунами?

Дарко Андоновски — Sun, 26 Apr 2020 18:32:55 +0000

Тешка ова дипломатијава. За оние што не ја разбираат. Затоа самопрогласените октроирани „величини“ се „згрозуваат од незнаење или неукост“ на нас „обичните“. Колку треба да си очаен да изјавиш дека не можеме да „разликуваме стриктно унилатерална толкувачка изјава“ што ги отсликува позициите на една земја членка на ЕУ – Бугарија, од документот на ЕУ за проширувањето. Затоа била премолчена вистината за изјавата на Бугарија, дадена на записник, според која Македонија треба да заборави на постоењето на македонското малцинство во Бугарија и на „македoнскиот јазик“, употребувајќи само „службен јазик на РСМ“, како и брзо да ја заврши работата со експертската комисија за историските прашања… ако сака да продолжи со преговорите за интеграција со ЕУ. Зарем толку не’ прават недоветни дека ние „обичните“ ќе ја купиме приказната за необврзувачкиот карактер на изјавата на Бугарија. Боже, која навреда на здравата памет. Да не беше објаснувањето на фејсбук министерот за надворешни работи за малку ќе поверував дека повторно ни е наметнат некој нов ирационален услов (како оној со името) од земја членка на ЕУ, за отпочување на преговорите за членство. Затоа треба да се читаат неговите интелектуални дипломатски досетки, за работите да станат појасни. Зарем можев да помислам дека ЕУ ќе прифати нешто што се коси со европските вредности? Зарем ЕУ би му го срушила сонот на фејсбук министерот за нејзината доследност и принципиелност? Тоа не може да се случи во неговиот замислен свет. Ако добро го слушав, ова со Бугарија би требало да наликува на бура во чаша вода, што би рекол поранешен ГенСек на Советот на Европа, Швимер, кога не’ нарече славомакедонци. А, не е. И не може да биде. Тогаш, „спонтана“ хистерија за името, сега молк. Како чудно се менуваат времињата. Власта знаеше дека тешкиот историски процес за меѓународно етаблирање на македонскиот идентитет, конечното решавање на македонското прашање, нужно бара соочување со предизвиците со соседите. И онака храбро и бескомпромисно се соочи со нив. Име на држава, јазик, историја, па ако сакате и опстанок на државата, се мала цена за оваа власт, што ја плаќа за меѓународно етаблирање на македонскиот идентитет. Се прашувам само кој? Оној идентитет за „понадвор“ на кој алудира фејсбук министерот за надворешни работи? Или некој друг нивен, замислен. Како досега не ја согледав храброста и жртвите на нашата „бескомпромисно“ поданичка дипломатија во одбрана на македонската идентитет. Како досега не видов дека нашата надворешна политика имала за цел признавање на суверенитетот на македонската држава, а со тоа и потврда на националниот идентитет од другите суверени актери на меѓународната сцена. Затоа не сум можел да ја согледам и разберам големината на жртвата на оваа власт и нејзините експоненти во надворешната политика. Од никого побарана. Само уште малкуте останати неистружени шахти ќе ја воспеваат големината на таквата жртва. Ќе сведочат за нивната епска посветеност да не’ избришат од идентитетскта мапа на Европа, достојна за восхит. Велат дека политичкиот консензус за надворешната политика се смета за национална безбедносна стратегија, со особено значење во време на меѓународна криза и неизвесност. Очигледно дека оваа власт сметаше дека за промена на името на државата, идентитетот, историјата и нејзиниот опстанок не е потребен таков консунзус. Замислете да имавме такво единство колку ќе им отежнавме на нашите соседи да ги искористат внатрешните поделби во преговорите за името, или добрососедството. Замислете да имавме црвени линии како држава. Оваа власт никогаш немала такви ограничувања. Затоа постигнувањето единство околу националните интереси никогаш не го доживувала како израз на национална одговорност, или интерес на нацијата. Улогата што си ја додели во транзицијата е да глуми „државотворност“. Онаа „државотворност“ која ја користи како алиби и покритие секогаш кога треба да се обезличи македонската држава и деформира нејзиниот национален концепт на постоење. Секогаш низ историјата „државотворните“ се раководеле од туѓи, а не од национални интереси. Зашто сега би било исклучок. Ниту во договорот од Преспа, ниту во договорот за добрососедство со Бугарија ќе го детектирате националниот идентитет како влијателен во спроведувањето на надворешната политика на државава од оваа власт. Со вакви „испорачувачи„ во надворешната политика залудно е да барате поврзување на надворешната политика со националниот идентитет. А, се’ се врти околу него во овие два договора. Тврдеа дека со нив го забетонирале македонскиот идентитет. Каде тоа? Во изјавата на Бугарија? Зарем за момент помислија дека продажбата на националниот идентитет може да се сокрие? Во сеуште глобализираниот свет. Германскиот канцелар Герхард Шредер во еден говор од 1999 година ќе спомене дека „Ние секогаш ќе бидеме поврзани во Европа со апсолутна цел да најдеме заеднички решенија за заеднички проблеми и да дејствуваме со товарот на еден свет кој брзо се менува, не затоа што сакаме да се откажеме, или да ги нивелираме нашите национални идентитети, туку затоа што сакаме да ги зачуваме овие идентитети и да ги вклучиме во заедничкиот европски идентитет“. Сите влегоа во Европа зачувувајќи го своите национални идентитети, освен ние. Со оваа власт тешко дека ќе го премостиме јазот помеѓу идентитетскиот мемориски фолдер на македонското општество и верувањето на креаторите на одлуките за надворешна политика дека треба да ги жртвуваме идентитетските компоненти на македонската држава, за да влеземе во НАТО и ЕУ. Дека треба да се обезличиме за да бидеме дел од европското семејство. Инаку, како потсетување: нагласувањето на идентитетот во социо културен контекст на надворешната политика не е во спротивност со стратешкото дејствување и субјективната рационалност на таквата политика. Затоа да не ми мантраат дека не можело поинаку. Дипломатијата е креирана за тоа. За да може поинаку. Ако знаете како. Сепак, мислам дека оваа власт може и повеќе и подобро. Зарем јазикот, малцинствата и историјата треба да им се пречка на „државотворните“. Зарем на чекор до остварување на сонот на генерациите комунисти да станеме дел од Европа, сега ќе потклекнат. Ќе се предадат. Мора да е болно за нив кога гледаат од кого дојде условувањето. Од Бугарија. Од онаа Бугарија која им служеше за потсмев во минатото. Гледам, не се смеат повеќе. Комунистите, па макар и редизајнирани, во сонот за Европа. Бесценето. За нив никогаш ништо немало цена. Други им ја определувале. Замислувам како би ја личело црвената петокрака покрај жолтите звезди на Унијата. Интернационалата заменета со Ода на радоста. Grande belezza (преубаво). Надреалистички, признавам. Автор: професор Звонимир Јанкуловски за НетПрес

Јанкуловски за КУРИР: Со оваа власт од чуда не куртуливме на нашиот пат кон ЕУ, а реалноста е дека самитот во Загреб е осуден на неуспех однапред

Катерина Бојаџиева — Wed, 15 Jan 2020 17:07:34 +0000

По жешката шлаканица на внатрешен план, македонската јавност се` посогласна дека вината е во Заевата влада. Шанса за добивање датум за преговори во мај скоро никој и да не гледа. Самитот во Загреб однапред е осуден на неуспех. Благодарение на оваа владејачка гарнитура, ќе добиеме само „рамка“ и тоа јасна?! Универзитетскиот професор и поранешен амбасадор Звонимир Јанкуловски во изјава за КУРИР вели дека сигурно „рамката“ ќе биде доволно голема да ги урами нашите „постигнувања“ на патот кон ЕУ. -Мора да признаам дека станавме мазохисти од толкав нереален оптимизам околу отворањето на пристапни преговори со Европската Унија. Се прашувам од каде се црпи овој нереален оптимизам. Од идејата дека самитот во Загреб ќе биде локацијата и времето на некое обновено воскреснување на политиката за проширување, кое Макрон го стави во индуцирана кома. Не гледам дека тоа ќе се случи. Наместо датум ќе сме добиеле „јасна рамка“ за ЕУ. А ние треба да бидеме среќни? Сигурно ќе биде доволно голема да ги урами нашите постигнувања на патот кон ЕУ. Кој знае, потенцира Јанкуловски за КУРИР. Според него, со оваа власт од чуда не куртуливме на нашиот пат кон ЕУ, а реалноста е дека самитот во Загреб е осуден на неуспех однапред. -Не знам до кога неуспешни политичари ќе не лажат и ќе ни ги замачкуваат очите дека ќе станеме дел од Европа, во скора иднина. Можеби ќе се случи некое чудо. Кој знае. Кога можевме пред неполни две години да „добиеме датум за преговори“ зашто и сега да не се случи чудо. Со оваа власт од чуда не куртуливме на нашиот пат кон ЕУ. А реалноста е дека самитот во Загреб е осуден од неуспех однапред, вели Јанкуловски и додава: „Ако нешто треба да му заблагодариме на францускиот претседател Макрон е дека ја прекина играта на меѓусебна размена на лицемерие околу проширувањето на ЕУ: како одреден блок на држави во ЕУ се за проширување, а од друга страна земјите од Западен Балкан како се реформираат. Макрон беше јасен. И ни ги отвори очите. Но, на кого како. Дипломатската офанзива која ја најави Министерот за надворешни може да биде со затворени очи. Само така може да јуриша нашата, со стаж засилена, дипломатска мрежа кон ЕУ. И нешто што мора да сфатиме конечно. Да не бидеме лажени бесконечно. Новата методологија за проширување на Унијата како реформа во процесот на пристапување, е директно поврзана со процесот на реформа на целата Европска унија. А тоа ќе потрае. Се додека Европската Унија не излезе од стратешката нерелевантност во свет во кој доминира ривалството на САД и Кина и каде имаме промена на приоритетите на САД од области клучни за интересите на Европа“. И аналитичарот Ристо Никовски, неодамна во изјава за КУРИР изјави дека шансите Македонија во мај да добие датум за преговори се еднакви на нула. Тој смета дека според севкупниот преглед, апсолутно е невозможно Македонија да добие датум за преговори. Проблем гледа и во нашите реформите, па затоа порачува дека државата треба да се концентрира токму на нив, бидејќи тоа е излезот. -Изјавата на Пленковиќ само потврдува дека шансите за Македонија да добие во мај или пред мај датум за преговори се рамни на нула. Тоа во повеќе прилики го најави и самиот Макрон и други лидери на Европската Унија и иако има едно широко залагање за Македонија и Албанија да почнат со преговорите, меѓутоа фактичката ситуација е таква што можностите и отворањето на нови преговарачки процеси не се на дневен ред на Брисел. Тоа мора да ни биде јасно и да бидеме свесни дека проблем се нашите реформи, а проблем е и Албанија за која 15 членки од Унијата се дека треба да преговара, а другите сметаат дека Албанија не е подготвена. Тоа е втора блокада за Македонија, изјави Никовски за КУРИР и додаде: „Затоа Македонија треба да се концентрира на реформите, бидејќи само таму ќе биде излезот и патот за побрзо започнување на процесот на приклучување“. Од друга страна пак, лидерот на ВМРО-ДПМНЕ Христијан Мицкоски потенцира дека членството во ЕУ ќе биде клучна стратешка определба на новата Влада предводена од ВМРО-ДПМНЕ и додаде дека партијата има визија и план како да ја стави државата на брза патека за исполнување на оваа цел. Според него, Македонија се соочува со сериозни проблеми на патот кон Европската Унија, а недостатокот на реформи и круцијални проблеми со криминалот и корупцијата се аргумент повеќе за противниците на проширувањето на Унијата. Напоменува и дека постои голем број на нерешени корупциски афери во кои дел се дел високи партиски и државни функционери на СДСМ. И граѓаните се согласни дека датум со ЕУ нема поради неспроведени реформи од Заевата влада- вака вели последната „Еврометар“ анкета. Мнозинството граѓани или 56,8 отсто, како главна причина за неотпочнувањето на преговори го посочуваат неспроведувањето реформи на домашен план.

Звонимир Јанкуловски: Последниот случај Рекет е корупциски монструм што ни се случува во Македонија

Дарко Андоновски — Tue, 15 Oct 2019 20:18:32 +0000

Универзитетскиот Професор Звонимир Јанкуловски во емисијата „Што не е Јасно“ на Алфа телевизија, кажа дека последниот случај на рекет е токму тој корупциски монструм што ни се случува во република Македонија и кој го гледаат, Европа го гледа. -Корупцијата е рак рана на Македонското oпштество, она што ни укажуваа од Европската Унија и меѓународните организации кои ја следат перцепцијата за корупцијата во државата. Денеска видовме снимки како тој случај рекет се решава, едноставно е влезен во системот, корупцијата и те како е во симбиоза со политичкиот систем во Република Македонија и тоа е нешто што не морам јас да го кажам тоа го кажува Европската Унија барајќи владеење на правото и борба со корупцијата. Декларативно вие може да тврдите дека се борите против корупцијата меѓутоа резултатите еве ги гледаме низ аферата што ни се случува во последните три четири месеци, вели Јанкуловски. Тој додава дека за прв пат народот го виде резултатот од корупцијата во Македонија, ги виде парите, перцепцијата кај граѓаните до сега беше да има корупција кај доктори професори ,но сега ги видоа парите конкретно видоа пари како се бројат и тоа ја менува перцепцијата кај народот тоа станува реалност. -До сега знаевме, слушавме но сега е веќе реалност парите се тука а каде завршиле тоа истрагата треба да покаже, рече Јанкуловски.

Звонимир Јанкуловски: Барањето за правда се претвори во гола одмазда

Дарко Андоновски — Tue, 15 Oct 2019 20:13:19 +0000

Универзитетскиот Професор Звонимир Јанкуловски во емисијата „Што не е Јасно“ на Алфа телевизија, кажа дека ако се погледне како функционираше шарената револуција врз основа на барањето на правда , повеќе се работеше за луѓе кои фрустрирани , алчни, желни за освети и токму во тоа и се претвори, барањето за правда се претвори во гола одмазда она што би се рекло во правото талион , око за око, заб за заб. -Како да веруваме во правда кога целата политичка кампања во изминативе години се водеше за испорачување на правда во државата. Шарената револуција се сведе на повик за линч на определена политичка структура врз основа на фрустрации. Тие се восхитуваа од специјалната јавна обвинителка, односно трите грации, Чарлевите ангели што требаше да ја испорачаат правдата. Во поглед на обвинителките , приватниот живот, сето тоа беше така обландирано да се восхитуваа на запалена цигара на црвен кармин на Аца Лукас и одеднаш сфаќате дека тие за четири години во основа не испорачаа ништо. Ниту правда испорачаа ниту право, рече Јанкуловски. Тој додава дека кога ќе инсталирате институција што не постои во Уставот не знам што може да очекувате, еден чир во системот , во правниот систем, класичен чир. Законот за Специјалното Јавно Обвинителство ги ограничуваше во одреден период да си ја завршат работата помина тој период тие продолжија. -Не знам зошто правната фела го премолчи тоа тој дел ме загрижува, и навредливо е, нагласи Јанкуловски.