Звонко Давидовиќ – Kurir.mk

Адвокат Давидовиќ за судењето за 27-ми: Судењето е доказ дека еднаквост пред законите нема, правдата е селективна, судството е политизирано

Катерина Бојаџиева — Tue, 04 May 2021 19:00:42 +0000

Адвокатот Звонко Давидовиќ вечерва во „Неделен брифинг со Сотир Костов“ истакна дека случајот со 27-ми април ја покажа нееднаквоста пред законите, како и селективноста на правдата, а судството е политизирано и клиентелистички насочено. -Ова судење беше многу чудно и ја покажа во целата своја тежина и во полна светлина она што постојано го тврдиме дека еднаквост пред законите нема, дека правдата во Република Македонија е селективна и дека често пати жешкиот костен од политички причини му се дава на судството и на Обвинителството, како што беше направено во овој случај па по тоа се виде дека судии и обвинители решаваа кој ќе може да ја добие амнестијата, вели адвокат Давидовиќ. Давидовиќ вели со сигурност дека „терористичко загрозување на уставниот поредок на државата“ таа вечер на 27-ми април немало. -Во тој миг ниту еден поединец ниту институција беа загрозени, ниту претседателот на државата, ниту премиерот, ниту Собранието, ниту Уставниот суд, биле загрозени, вели Давидовиќ. Тој појасни дека кривични дела имало, но дека Обвинителството во ниту еден миг не успеало да ја докаже намерата и умислата за загрозување на уставниот поредок на државата. Давидовиќ вели дека судството во Македонија е исполитизирано, каде пратеници се ослободуваат за да гласаат во Собранието, а истото е и клиентелистички насочено.

Давидовиќ: Законот за Судски совет е „мртов збор на хартија“ којшто не се применува

Ивана Ефремовски — Wed, 04 Mar 2020 21:10:27 +0000

Вечерва во емисијата „Што не е јасно“ за Извештајот на ЕК во однос на судството, адвокатот Звонко Давидовиќ нотираше дека во случаи каде на суспендиран судија на кој не може да му се врачи мерка притвор, а тој се уште е судија со продолжен работен век, не можеме да зборуваме за напредок во судството, законот за Судски совет е „мртов збор на хартија којшто не се применува“. Во однос на случајот со судијата каде е наведен во Извештајот на ЕК, истиот беше времено суспендиран од Судскиот совет, а имаше мерка притвор, па дури му беше продолжен работниот век до 67, а Основниот суд во Скопје не можеше да му врачи покана затоа што господинот Мустафа Шаќири не се јавува на двете адреси, а во Извештајот беше споменат како позитивен пример, а тој формално е се уште судија и постапката против него не може да почне. -Како може да е позитивно кога имаме отпочнато кривични постапки против луѓе за кои имаме докази, ако ние сме задоволни за отпочнување само од некои кривични постапки, ние не можеме да зборуваме за правосуден систем, вели Давидовиќ. Тој истакна дека ако сме ние задоволни што претседателот на овој Судски совет смета дека и членовите треба да имаат одговорност, ние не можеме да зборуваме за правен систем. Давидовиќ образложи дека и во претходниот Извештај претходно се образложуваа предметите како „Јустиција“ каде што не само што не им беше одземен имунитетот на судиите коишто се повикаа на истиот, Судскиот совет по налог на судија на Основниот суд ги суспендираше судиите, навивачки предметот беше префлен дури во Битола. -Овде имаме ситуација каде член на Судски совет не добива позитивно мислење за притвор,иако е предложена мерка притвор, другиот судија е суспендиран, ама не може да му се врачи покана и му е продолжен работниот век до 67 години, и ние зборуваме за напредок ? – праша Давидовиќ. -Ако се сетите на Извештајот претходен, па и извештајот на Советот на Европа токму потенцираше дека начинот на унапредување, начинот на избор, разрешување и казнување мора да се смени. Што е сменето, стручниот соработник во судски совет, обвинител што се закани на Кривичен совет во Апелациониот суд, а никаде не е повикан на одговорност? Каков напредок е тој кога генерално законот е „мртов збор на хартија кој што не се применува“, вели адвокатот Давидовиќ. Давидовиќ вели дека бил срамен изборот во Апелациониот суд и тоа не е напредок.

Давидовиќ тврди: Обвинителството има цврсти докази против Филипче и Дончев

Предраг Кукиќ — Thu, 19 Sep 2019 13:19:08 +0000

На денешната прес конференција, адвокатот Звонко Давидовиќ кој е правен застапник на Вера Стојчева, истакна дека вчера поднеле кривични пријави против министерот за здравство Венко Филипче и директорот на фондот за здравство Ден Дончев. Давидовиќ вели дека тие како правен тим вчера доставиле дел од доказите со кои тие располагаат до основното јавно обвинителство, а останатите докази ќе ги дадат кога ќе побара обвинителството. Во доказите е доставена комуникацијата на министерот Филипче со директорот на шведската фирма, Диаверум. Во пријавата се тврди дека тие здружено презеле дејствија со кои ја оштетиле и неа, но и буџетот на Македонија, во обид да стопираат влез на странска инвестиција во Македонија вредна 11,5 милиони евра.

Апсурдот за писмата на Јанева: Таа може да издаде наредба или барање за притвор, а и самата се наоѓа во притвор

Дарко Андоновски — Sat, 07 Sep 2019 13:30:56 +0000

Во вчерашните вести на „АлфаТВ“ гостуваше Звонко Давидовдиќ кој посочи дека правните реформи морат да се случат и ова околу случајот „Рекет“ покажува само колку нашиот систем е на ниски гранки, колку судството и обвинителството се паднати, а и други институции. -Замислете вие имате човек кој што е специјален јавен обвинител во кој целокупната јавност полагаше надеж. И сега е во притвор. И од притвор издава наредби. А, институциите не се кадарни да го разрешат од функцијата која ја има. Она е се уште специјален јавен обвинител. И она може замислете да издаде наредба за нечиво приведување или барање за притвор, а и самата се наоѓа во притвор, додаде Давидовиќ. Давидовиќ истакна дека институциите очигледно не функционираат, очигледно правниот систем не е заживеан. И дека истата работа продолжува со години. -Ние ставивме многу работи под килим и тие наново излегуваат и тоа се уште пожестоки и посуштински проблеми прават. Ова не смееме да го ставиме под килим, кој и да е во прашање мора да понесе одговорност. И да ја добие заслужената казна и да го заживееме системот, и да го укажеме дека веќе кон никого нема да се затвораат очи или да не биде одговорен пред законот. Значи законот мора да важи за сите. Мора да се спроведат правните реформи и да заживеат институциите вистински, и да ги расчистиме комплетно сите работи, појасни Давидовиќ.

Давидовиќ: По одлуката на шведскиот суд се воспостави дека во Македонија нема вистински правен систем

Дарко Андоновски — Sat, 07 Sep 2019 09:09:38 +0000

Во вчерашните вести на „АлфаТВ“ гостуваше Звонко Давидовиќ кој говореше за одлуката на шведскиот суд и појасни дека не постои кривично дело како што е прикажано во квалификацијата на обвинителството. -Шведскиот суд смета дека се работи за политичко кривично дело за што нема да изврши екстрадиција на Дејан Давидовски Дешо. Таму шведскиот суд образложува што е по негово мислење политичко кривично дело, дека тоа е знак на револт. И дека тој револт е искажан при изборот на Претседателот на Собрание, кој требал да се спречи од некоја група на луѓе. Тоа е размислувањето на шведскиот суд, истакна Давидовиќ. Давидовиќ додаде дека сепак одбраната тврдејќи го она во текот на постапката дека не постои кривично дело терористичко загрозување навистина било во право. И дека евентуално може да се работи за некои други кривични дела, бевме сведоци на насилството и од тоа никој не бега. Но тоа може да биде акт на насилие, учество во толпа, насилство и други кривични дела, а не кривично дело терористичко загрозување. -И сега имаме ситуација каде што еден дел од обвинетите беа амнестирани, и сега се дома, се пратеници, си добиваат тендери. А, еден дел добија 15 години и повеќе, и еден кој воопшто нема да биде екстрадиран. Тоа не е правда, тоа не е правичност, тоа не е вистински правен систем, посочи Давидовиќ.

Давидовиќ: Протекувањето на записникот покажува колку е порозно и некадарно обвинителството

Предраг Кукиќ — Sat, 24 Aug 2019 13:17:41 +0000

Објавувањето на записникот од страна на еден портал само покажува колку е порозно и некадарно обвинителството, вели за Пресинг Тв адвокатот Звонко Давидовиќ. Порталот Инфомакс уште синоќа го објави записникот од пријавувањето на случајот „Рекет“ во Обвинителството за борба против организираниот криминал и корупција од страна на бизнисменот Орце Камчев, кој е осомничен во предметот „Империја“. Заканувајќи му се на новинарот, Обвинителството денеска се јави со соопштение во кое објасни дека тоа е кривично дело и може да наштети во истражната постапка на целиот случај. Давидовиќ за Пресинг Тв појаснува дека Обвинителството се повикало на членот 369 од Кривичниот законик, кој се однесува на поовреда на тајноста на постапката. Членот вели: Тој што неовластено ќе го открие она што го дознал во постапка пред суд или во управна, прекршочна или дисциплинска постапка, што со закон или со одлука на судот или органот што ја води дисциплинската постапка е прогласено како тајна, ќе се казни со парична казна или со затвор до една година. Ова не е прв пат да протекуваат документи или докази од предметите на ова Обвинителство, па дури протекувале и посебни истражни мерки и снимки. За тоа до сега не одговараше никој. Тоа загрижува и покажува дека Обвинителството не е на висина на задачата и не е во состојба да ја обезбеди тајноста на истражната постапка и прекршувањето да го санкционира, вели Давидовиќ. Ако на ова, според него, се додаде и спороста со која Обвинителството ја води постапката, се добива еден лош впечаток и се отвора поле за шпекулации. Јавноста е исклучително заинтересирана за овој скандал, а ОЈО е нетранспарентно во своето работење, па сето тоа буди уште поголема љубопитност за случувањата, а што води кон обиди за добивање на квалитетни и вистинити информации, кои ќе се објават како ексклузива. Посебно е прашањето околу тоа кој го дал записникот, кој за тоа има интерес и корист. Најавувајќи тужба против новинарот, премиерот Зоран Заев ги повика и другите негови колеги, кои се споменуваат во текстот, да го сторат тоа. ИЗВОР: ПРЕСИНГ

Давидовиќ: Без разрешување на специјалниот јавен обвинител не може да се именува нов, па и да станува збор за вршител на должноста

Предраг Кукиќ — Thu, 22 Aug 2019 12:35:59 +0000

Ова се случува кога политичари подготвуваат и носат закони, без да консултираат експерти од правната фела. На површина излегуваат недостатоците и мааните, кои уште повеќе ја усложнуваат и онака сложената ситуација, вели за Пресинг ТВ адвокатот Звонко Давидовиќ, по притворањето на специјалната јавна обвинителка Катица Јанева и дилемите што произлегоа како натаму да функционира институцијата, што таа ја раковод(и)еше. Според Давидовиќ, клучно е да се одреди дали станува збор за престанок на функцијата или за разрешување на специјалната јавна обвинителка, околност што дополнително е обременета со нејзината условена оставка. На вчерашната средба со новинарите, јавниот обвинител Љубомир Јовевски рече дека сега Советот на јавни обвинители треба да избере вршител на должност за шеф на СЈО од редот на помошниците обвинители на Катица Јанева и, патем, се повика на завршните одредби од Законот за СЈО, иако таму тоа – не го пишува. Претседателот на Советот на јавни обвинители, Коле Штерјов, пак, укажа дека во оваа ситуација постојат правни празнини. Тој потсети на членот 18 став 4 од Законот за јавно обвинителство кој предвидува: „Ако на јавниот обвинител на РМ му престане функцијата или е разрешен од функција, Советот на јавни обвинители од редот на јавните обвинители во Јавното обвинителство на РМ определува обвинител што ќе ја врши функцијата до изборот на нов јавен обвинител“. Јавниот обвинител Јовески прво нема никакви ингеренции за да предлага решенија и второ, очигледно не го познава добро и Законот за СЈО. Од друга страна, Штерјов веќе има делумни ингеренции во врска со специјалната јавна обвинителка и очигледно е дека тоа што го кажува го црпи од Законот за СЈО. Точно е дека во член 1 став 2 од Законот за СЈО се предвидува дека за се што не е уредено со Законот за СЈО се применуваат одредби од Законот за јавното обвинителство. Но, доколку се погледне целиот Закон за СЈО и особено одредбите за избор и разрешување на специјалниот јавен обвинител, тоа што го предлага Јовески е во спротивност со овој Закон, вели Давидовиќ. Давидовиќ е дециден дека без разрешување на специјалниот јавен обвинител не може да се именува нов, па и да станува збор за вршител на должноста. А, за тоа постојат неколку услови, што се наоѓаат во членовите 17, 18 и 20 од Законот за СЈО и се однесуваат на тоа дали нему му престанува функцијата или се разрешува. Целото интервју на Пресинг.

Давидовиќ: Плукање и пцуење не се очекува од еден обвинител

Предраг Кукиќ — Fri, 16 Aug 2019 16:19:57 +0000

Плукање и пцуење не се очекува од еден обвинител, кој секојдневно треба да се соочува со криминал, пречки и предизвици во своето работење. Ако тој на првата пречка реагира вака, како ли ќе реагира на покрупни работи кои се очекуваат во неговото работење, вели за Пресинг ТВ адвокатот Звонко Давидовиќ. Давидовиќ вели дека со целокупната афера „Рекет“ и шпекулациите кои кружат во јавноста за вмешаноста на Катица Јанева и дејствијата кои ги презела, угледот на СЈО е нарушен, а довербата разнишана. Тој додава дека СЈО веќе не е орган во кој граѓаните полагаа надеж и веруваа дека може да се справи со крупниот криминал и да ја врати правдата во Македонија и да даде добра основа за заживување на правниот систем Наместо тоа, граѓаните добија една афера, која ретко се гледа и тешко може да се спореди со било што досега видено. Дигнитетот на СЈО дополнително се нарушува со некултурното однесување на поединци, кои не се обични луѓе, туку се обвинители и беа промовирани како ѕвезди и ангели во неколку филмски и документарни остварувања. Правдањата, вулгарностите и пред се шпекулациите за незаконити дејствија во рамки на СЈО фрлаат голема дамка на целото СЈО и затоа час поскоро треба треба целата афера да добие правна разврска и завршница, потенцира Давидовиќ.

Давидовиќ: Шведскиот суд потврди дека немаше тероризам на „27 април“ во Собранието

Предраг Кукиќ — Mon, 12 Aug 2019 14:44:15 +0000

Шведскиот cyд го oдби барањето на македонските органи и нема да го екстpaдира 39-годишниот Дејан Давидовски, обвинeeт за настаните од 27 април – со образложение дека се работи за политички а не кpиминален процес и оти не постојат доволно дoкaзи за дeлото за кое е обвинeт во земјава – тepoризам. Причините шведскиот cуд ги објаснува експлицитно во 18 точки, но клучниот момент е нивната констатација дека за овој предмет не се води фер и законски основана постапка во Македонија. Вака поставеното образложение фрла сериозна дамка врз целата постапка пpoтив сите ocудени за тepоризам во државата. Ова го потврдува сето она што ние изминатите две години го зборуваме, вели за Алфа адвokaтот Звонко Давидовиќ. -Тоа го покажува она што постојано го тврдевме и во воведните зборови, а и во завршните зборови и во текот на целата постапка дека квалификацијата на кpивичното дeло за кои се ocудени, условно кажано, оние за 27-ми април, не е во ред, дека обвинитeeлството гpeши и не постојат елементи за тоа кpивично дeeло. Тоа го истакнаа сите адвoкати. Ни се потврдува со одлуката на шведскиот cyд дека сме биле во пpaво, вели Давидовиќ.

Давидовиќ: Јанева треба веднаш да биде повикана да даде изјава

Предраг Кукиќ — Thu, 08 Aug 2019 11:59:29 +0000

Обвинителството треба веднаш, по допрен глас, а видео снимката е допрен глас, да реагира и лицето кое се спомнува во разговорот на снимката, обвинителката Јанева, да ја повика да даде изјава. Потоа врз основа на проценка на обвинителот да се преземат натамошни мерки. Објавената снимка е капак на се што деновиве се случува во врска со случајот „Рекет“, вели за весникот ВЕЧЕР, адвокатот Звонко Давидовиќ. Тој потенцира дека ова не е прв допрен глас за случајот „Рекет“. Оваа снимка е врвот, вели тој, бидејќи пред неа имало многу изјави и докази врз основа на кои до сега требало да бидат преземени одредени дејствија. -Таа е под сомневање, а нејзини овластувања не се ограничени. Да не заборавиме, Катица Јанева се уште е специјална јавна обвинителка што значи со работно место во СЈО, вели Давидовиќ. По снимката која беше објавена во весникот „Ла Верита“ на која се гледа дека Боки 13 и Кичеец изнудуваат пари од бизнимеснот Орце Камчев, Даводивиќ вели дека не е првпат вакви снимките да се појават во јавност, а од обвинителството да нема резултат. – Не е прв пат вакви снимки да се појавуваат во јавноста, а од обвинителството до сега нема резултат. Никој за вакво дело не е осуден, што значи дека ништо не е преземено во нашето правосудство, вели Давидовиќ за весникот ВЕЧЕР и додадава дека се поставува прашањето кој видео снимките ги пласира во јавноста?! -Второ прашање кое во случајов е многу битно е дека некој дома во кеш чува 1,5 милиони евра кои, од она што се слуша на снимката, се пари кои се даваат за привилегирање на оној за кој се води постапка, потенцира адвокатот Давидовиќ и додава дека останува отворено и прашањето дали Јанева постапила онака како што вели лицето на снимката и дали нема и други снимки и други докази дека Јанева не презела некое дејство во врска со овој случај.