Звуци при спиење може да помогнат во заборавањето лоши спомени

Катерина Бојаџиева — Tue, 18 Oct 2022 11:24:00 +0000

Слушањето звуци при спиење, на луѓето може да им помогне да заборават одредени спомени, посочува ново истражување на Универзитетот на Јорк во Велика Британија. Научниците велат дека методот би можел да се развие во техника во борбата против трауматичните спомени. А, и претходни истражувања покажаа дека репродукцијата на звучни сигнали за време на спиењето може да се користи за зајакнување одредени спомени. Научниците, сепак, сметаат дека ова истражување е прво што обезбеди цврсти докази дека овој начин може да се користи и обратно – да ги натера луѓето да заборават несакани спомени. – Иако сè уште е во рана експериментална фаза, резултатите од нашата студија ја зголемуваат можноста дека можеме да ја зголемиме или намалиме способноста за потсетување на конкретни спомени со свирење звучни сигнали кога поединецот спие. Луѓето кои доживеале траума може да страдаат од широк спектар вознемирувачки симптоми поради сеќавањата на тие настани. Иако сè уште е далеку, нашето откритие можеби би можело да го отвори патот за нови техники за ослабување на тие сеќавања кои би можеле да се користат заедно со постоечките терапии, појасни раководителот на истражувањето, д-р Бардур Јенсен, докторанд на Катедрата за психологија на Универзитетот. Коавторот на научниот труд, д-р Ајдан Хорнер вели оти врската меѓу спиењето и помнењето е фасцинантна. – Знаеме дека спиењето е клучно за обработка на податоците што се помнат, а нашите сеќавања обично се подобри по одредено време во спиење. Точните механизми „во играта“ остануваат нејасни, но за време на спиењето, се чини, важните врски се зајакнуваат, а неважните се отфрлаат… Истражувањето ја отвора можноста за манипулирање со тој процес – за да може сонот да се искористи за ослабување на болните спомени, изјави Хорнер. Следните чекори за научниот тим се оние за утврдување – како овие аудитивни знаци предизвикуваат заборавање? Потоа, се очекуваат и одговори за „вклучување“ и „исклучување“ на тој ефект во мозокот и можно искористување во лекувањето траума во вистински случаи.

УЖАС: Слушнале чуден звук од ѕидот на куќата, од она што го најдоа внатре буквално им се заледи крвта (ВИДЕО)

Ивана Ефремовски — Tue, 20 Mar 2018 15:57:45 +0000

Семејство од Тајланд додека гледале телевизија во дневната соба, слушнале звуци кои доаѓаат од другата страна на ѕидот. Пред неколку дена, во нивната секојдневна рутина ги прекинал необичен звук кој доаѓал од ѕидот. Како се приближувале до ѕидот, звукот станувал посилен. Кога ќе видите што пронашле од другата страна ќе сфатите зошто останале во шок. Од отворот почнал да се движи питон долг 4,5 метри. Спасувачите ја фатиле змијата и ја пуштиле во природа.

звуци – Kurir.mk

Звуци при спиење може да помогнат во заборавањето лоши спомени

УЖАС: Слушнале чуден звук од ѕидот на куќата, од она што го најдоа внатре буквално им се заледи крвта (ВИДЕО)