Како резултат на случувањата во последните осум месеци, клиниката „Жан Митрев“ информира дека се принудени да ја стават во мирување изградбата на новиот радиолошко-онколошки центар во Катланово кој требаше да почне со реализација минатата година.
„Центарот за Радиологија и Онкологија” е проектирана инвестиција вредна 45 милиони евра, која е планирана со учество на странски партнери. Предвидено е да се гради на локација во месноста Катланово во близина на Скопје каде треба да работат околу 350 медицински лица – доктори и друг медицински персонал. Радиолошко-онколошкиот центар планирано е да биде опремен со најсовремена апаратура за дијагностика и третман на тешко болни пациенти. Исто така, проектиран е и специјален дел наменет за рехабилитација и згрижување на пациентите засегнати од малигни и други заболувања. Со остварување на овој проект ќе се обезбеди врвна медицинска нега и третман за пациентите.
Се надеваме дека оваа година конечно ќе започнеме со изградбата на овој проект што е од исклучително значење за Македонија и регионот, се вели во соопштението на клиниката „Жан Митрев“.