Многу луѓе се соочуваат со стравови, кои често знаат да бидат нереални. Сепак, најчестиот страв што се јавува во врската, особено кога личноста многу ви се допаѓа е стравот од напуштање.

Ако имате чувство дека партнерот во одреден момент ќе ве остави и секојдневно размислувате за тоа, нема сомнеж дека ќе се заглавите во вителот на тој страв.

Џоана Лиман, животен тренер, открива пет начини на кои токму овој страв ги уништува вашите љубовни врски:

1. Барате недостатоци

Кога ќе најдете некој кој би можел да биде добар партнер, почнувате да ги барате неговите маани. Го барате она што е погрешно наместо она што е правилно.

Никој никогаш не ви раскинува затоа што не му давате шанса. Вие сте секогаш оние што заминуваат.

2. Луѓето мислат дека сте срамежливи или резервирани

Тешко е да те запознаат, бидејќи не им верувате на луѓето. Се плашите дека ќе се повредите ако дозволите некој да ви влезе во срцето. Така завршувате осамени.

3. Се заљубувате силно и брзо, одново и одново

Секогаш сте во врска затоа што не знаете кои сте сами. Заљубени сте во идејата за љубов, но тешко ви е да ја спроведете. Не можете да направите доволно за партнерот, а сепак да давате. Не разбирате зошто не ве цени.

4. Ја сакате бркотницата

Некој навистина ве привлекува кога се обидувате да го придобиете, но кога сте во врска, ви е здодевно. Емотивно се повлекувате, а партнерот почнува да мисли дека направил нешто погрешно. Ова е вообичаен израз на проблеми со напуштање кај мажите.

5. Вие сте перфекционист

Ако правите сè како што треба, нема да бидете отфрлен. Без разлика дали „тоа“ е работен проект, како изгледа вашиот дом, како се облекувате или како изгледа вашето тело, перфекционизмот е „крадец“. Ја краде вашата среќа, под превезот на спречување на отфрлање.