Размислувате за времето кое сте го поминале со него и се прашувате дали нешто би можело да биде поинаку. Непотребно е да се каже дека се измачувате и се вртите во круг, без надеж дека некогаш ќе продолжите понатаму.
Меѓутоа, иако треба да одвоите време за да го излечите своето срце и да ги обработите сите чувства кои се во вас, можеби би можеле да размислите да излезете со некого.
Но, дали е тоа добра идеја? Всушност, излегувањето со некого по завршувањето на врската може да биде добра работа ако ѝ пристапите на целата приказна од вистинскиот агол.
Уживајте во привремениот наплив на возбуда
Важно е да имате на ум дека чувствата кои моментално ги имате за некој нов кој се појавува во вашиот живот кратко откако сте раскинале со вашето момче, можеби нема да траат вечно. Вие сè уште сте ранливи и треба да сакате некого и да се чувствувате сакани. Така, можете да уживате во привремениот наплив на возбуда, но бидете подготвени да притиснете кочница. Причината е едноставна: сè уште не сте подготвени за вистинската работа, но никој не ве спречува да се забавувате.
Пренасочете ги вашите мисли
Кога сте заглавени во сопствените мисли за раскинување, може да биде корисно ако нешто или некој ве натера да размислувате во друга насока. Зарем не би било прекрасно ако, на пример, размислувате за тоа колку е симпатично момчето со кое сте излегле на вечера? Такво нешто е добар поттик за вашето его, кое навистина ви е потребно во моментот. Поради оваа причина, искористете го гледањето со новото момче како ефективно одвлекување на вниманието.
Погрижете се работите да останат на површина
Навистина не сакате да се залетате во нова врска и да избрзувате со работите, особено ако сте свесни дека срцето сè уште ви е полно со чувства кон поранешниот. Затоа, вашата цел треба да биде состанување без обврски, барем додека не утврдите дека сте ги оставиле зад себе сите оние чувства кои ве спречуваат да се посветите на некој друг. Ова ќе ви заштеди дополнителна болка и разочарување, што е последното нешто што го сакате.
Слушајте се себеси, а не другите луѓе
Иако вашите пријатели можеби ќе ви кажат дека влегувањето во нова врска непосредно по завршувањето на старата може да заврши катастрофално за вас, ако мислите дека тоа е вистинскиот избор за вас, тогаш треба да се слушате себеси. Никој не знае подобро од вас што се крие во вашето срце и душа. Можеби сте некој кој полесно поминува низ тежок период покрај некој кој е трпелив и со полна поддршка отколку кога сте сами.
Бидете искрени со личноста со која се гледате
Навистина не сакате да давате некому лажна надеж ако знаете дека не постојат никакви шанси да развиете вистински романтични чувства кон таа личност. Неопходно е да бидете искрени со личноста со која ќе одлучите да се гледате и да ѝ кажете низ што поминувате моментално. На тој начин таа ќе има повеќе разбирање и трпение за вас. Во овој случај, постојат поголеми шанси вашата „врска за закрепнување“ да се претвори во вистинска врска.
