Подароците многу говорат за личноста која истите ги подарува, дури и за тоа како ве доживува, па еве како да препознаете кој што мисли.

Кога ќе го отворите подарокот, многу брзо ќе сфатите каква личност ви го подарила истиот, па во продолжение прочитајте некои од главните карактеристики на личноста кои се гледаат преку подарокот.

Бунтовник – за почеток ќе добиете бесплатно предавање за човековата глупост и консумацијата на модерното време, па доколку случајно сте се врзале со таков партнер најпаметно ви е да се договорите со неа/него да не си подарувате ништо.

Дволичен – кога ќе добиете подарок кој веднаш може да ги истакнете маните и слабостите на личноста на која и се подарува. Тука може да очекувате книги за слабеење, кујнски помагала или речник на странски зборови.

Егоист – очекувано, ќе го купи само она што самиот го сака, а класичен пример се родителите кои на децата им купуваат играчки, а потоа самите ги користат повеќе од нив. Каков и да е подарокот, таа личност ќе го користи повеќе од вас и е заинтересирана само за себе, додека вие сте таму некаде на листата на приоритети.

Романтичар – таквата личност одамна има запомнето што треба да се подари, внимателно го бара баш она што вие го сакате и сака искрено да ве израдува. Задржете ги, таквите личности секогаш е добро да ги имате покрај себе.

И не заборавајте, ова исто важи и за вас кога и вие подарувате 🙂