Американската вселенска агенција НАСА соопшти дека на 2 ноември астероид ќе мине крај планетата Земја.
Како што се наведува, дијаметарот на астероидот, означен како „2018VP1“, е малку помал од два метра и се проценува дека неговото влијание врз нашата планета најверојатно ќе биде мало.
Си-Ен-Ен посочува дека интересен факт е што астероидот ќе мине крај Земјата само еден ден пред претседателските избори во САД.
Експертите од НАСА, меѓутоа, пресметале дека проценетата веројатност астероидот да ја погоди Земјата е 0,41 процент.
