Андреа Емилова Иванова, 22-годишна студентка од Софија, потрошила огромна сума на филери за да ги има најголемите усни на светот. Во последните неколку години, таа ја зголемила за четири пати големината на усните и покрај предупредувањето на лекарот да не го прави тоа.
-Пред две недели ја примив 21-та инјекција затоа што сакам да ги задржам усните со волумен и да направам да изгледаат поголеми“, објасни таа. „Телото ја разградува хијалуронската киселина за неколку месеци и усните се намалуваат, па затоа морам редовно да додавам за да изгледаат поголеми, додаде таа.
Андреа додала толку многу филер на усните што горната усна скоро и го допира носот. Таа вели дека лекарот ја предупредил дека нејзините усни се премногу големи и сакал да ја отстрани целата хијалуронска киселина од нив. „Но, категорично одбив и му реков дека сакам да продолжам да ги зголемувам усните“.
Тој сметал дека е опасно да се има толку многу хијалуронска киселина во усните и да се додаваат нови инјекции толку често, но засега нема несакани ефекти и компликации.
-Навистина ми се допаѓа што усните ми се големи и немам намера да отстранувам ништо, рече студентката по филозофија, додавајќи дека планира да ги зголеми уште повеќе.
Секое полнење чини околу 150 евра, што би значело дека таа потрошила околу 3.150 евра за филери.
Андреа започнала со инјекции во 2018 година и вели дека добива комплименти од обожавателите за нејзините огромни усни, но под нејзините фотографии може да се најдат и бројни безобразни коментари.
