Сè што ви треба, веќе го имате во домот

Топлото, летно време подразбира носење пократка и полесна гардероба, но колку и да е прилагодена на временските услови, неизбежно е на неа да се појават дамки од пот.

Овие дамки обично се појавуваат на пазувите или јаките, а најдобро се гледаат на бела и друга светла гардероба.

Исклучително се упадливи и тешко се мијат, па можат да бидат голем проблем, особено за љубителите на белата гардероба.

Секако, не мора веднаш да ја фрлите гардеробата. Онаму каде што официјалните методи не успеале, односно професионалните производи за чистење, применувате домашни методи.

Сода бикарбона

Се чини дека моќните ефекти на сода бикарбоната немаат крај, а постојано се откриваат нови ефекти од овој прав. Содата се покажа ефикасна и кога станува збор за отстранување на дамките од пот.

Треба да измешате четири лажички сода и четвртина чаша вода. Оваа смеса нанесете ја со стара четка за заби на дамката, втријте ја и оставете да делува околу еден час. Потоа исплакнете со млака вода. Доколку е потребно, повторете ја постапката, а при сушење не ја оставајте облеката директно на сонце.

Вотка или оцет

Измешајте вотка или оцет со вода и испрскајте ја дамката непосредно пред миење.

Аспирин

Иситнете три до четири аспирини, а потоа измешајте го прашокот со топла вода и мешајте додека аспиринот не се раствори. Потоа натопете ја дамката во таа течност и оставете ја да делува некое време. Наместо да ја потопите, дамката можете и да ја испрскате со овој раствор.