Нинтендо планира да ја објави својата конзола од следната генерација во втората половина на 2024 година, според најновите извештаи. Извори потврдија за VGC дека развојните пакети за ненајавената нова конзола се веќе кај партнерските студија, а времето за лансирање во втората половина на 2024 година треба да му даде на Нинтендо многу време да обезбеди доволно залихи.
Изгледа дека новата конзола од следната генерација ќе може да се користи во пренослив режим, како Nintendo Switch, и ќе има LCD екран наместо OLED екран за да ги намали трошоците. Исто така, конзолата доаѓа со слот за физички игри, според информациите на VGC.
Сепак, клучното прашање за компатибилноста наназад за Nintendo Switch сè уште е нејасно.
Нинтендо во мај изјави дека неговиот долгоочекуван наследник на Switch нема да биде објавен најрано до април 2024 година. Претседателот на Нинтендо , Шунтаро Фурукава, за време на презентација пред инвеститорите рече дека компанијата не размислува за нов хардвер за финансиската година 2023/24, која завршува на 31 март 2024 година.
Гласините за нова конзола кружат со години. Новата конзола би требало да нуди подобрена графика слична на PlayStation 4 и неговиот Pro модел, но сè уште нема официјални информации за следниот хардвер на Нинтендо.
