EA Sports го отстрани речиси целиот каталог на видео игри на ФИФА од дигиталните продавници.
Повеќето видео игри на ФИФА се отстранети од сите дигитални продавници, вклучувајќи ги Steam, Epic Games Store, PlayStation Store, Microsoft Store и Nintendo eShop.
Оваа „чистка“ ги вклучува сите главни наслови од FIFA 14 до FIFA 23, од кои последната беше објавена минатата година. Сепак, изгледа дека FIFA 22 и FIFA 23 сè уште можат да се играат на EA Play, за што е потребна претплата.
Ако отидете на официјалната веб-страница на FIFA 23, ќе видите известување дека видео играта сега е достапна на EA Play, но кога ќе кликнете за да отидете и да ја купите од една од дигиталните продавници, ќе добиете празна страница.
Во меѓувреме, Steam објави известување за отстранување, но не и причините за овој потег.
-На барање на издавачот, EA SPORTS FIFA 23 не е наведен во продавницата на Steam и нема да се појави во пребарувањето, се вели во соопштението.
ЕА се раздели со франшизата на ФИФА во 2022 година, и како резултат на тоа, ФИФА 23 е последен во серијата титули означени со ФИФА по 30 години соработка. Во иднина, фудбалските игри на овој креатор ќе се викаат EA Sports FC.
