Американската вселенска агенција НАСА повторно ги смени датумите за следната можност за лансирање на „Артемис I“, првиот интегриран тест-лет на ракетата „Спејс лонч систем“ и вселенската сонда „Орион“ кон Месечината.
По два неуспешни обиди за лансирање на ракетата кон Месечината во само неколку дена (29 август и 3 септември), следниот обид веројатно ќе го следиме подоцна годинава.
Агенцијата ќе направи демонстрациски тест најдоцна на 21 септември, а го ажурира и датумот за можно лансирање за 27 септември, со потенцијално поместување до 2 октомври.
This just in: Our #Artemis I flight test around the Moon will launch no earlier than Sept. 27, with a backup opportunity of Oct. 2 under review.
See the blog for details about ongoing work and testing, and potential launch windows: https://t.co/v3dY3xql7J pic.twitter.com/JclWbUonEW
— NASA (@NASA) September 12, 2022
Новите датуми се одредени по внимателно разгледување на повеќе фактори и оставаат доволно време за тестирање и подготовка за лансирањето. Во текот на викендот заврши работата на поправките во врска со течењето на водород, а неделава ќе бидат направени дополнителни проверки за време на тестирањето.
