Според неодамнешното истражување објавено во списанието „Journal of Environmental Health“, рокот на траење на кујнскиот сунѓер може да биде до три недели, доколку се одржува правилно.

Користениот сунѓер за садови е веројатно највалканото нешто што го имате во куќата, бидејќи собира повеќе бактерии отколку тоалет школката.

Затоа, се препорачува да се менува што е можно почесто – барем еднаш неделно.

Како и да е, според неодамнешното истражување објавено во списанието „Journal of Environmental Health“, рокот на траење на кујнскиот сунѓер може да биде до три недели, доколку се одржува правилно.

Затоа дезинфекцијата е многу важна, и тоа само на високи температури, за да бидете сигурни дека сте ги убиле сите бактерии.

Треба да истурите вода во поголем сад, да додадете лажичка прашок за перење или сода бикарбона, да почекате да зоврие водата и да го ставите сунѓерот.

По неколку минути, намалете го огнот и оставете го да се ’’вари“ во водата што врие уште десет минути. После тоа, тргнете го тенџерето од шпоретот, исцедете ја водата и оставете го сунѓерот да се исуши на сонце.

На овој начин, исто така, можете да дезинфицирате сунѓерски крпи за апсорпција на вода.