Секој има свое посебно место каде ги чува лековите. Повеќето луѓе ги чуваат во кујната, но многу луѓе ги чуваат и во бањата.

Грешка!

Фармацевтите велат дека тоа е веројатно најлошото место за домашна аптека.

Ако ги ставите во бањата, треба да знаете дека таму лековите ќе бидат изложени на висока влажност, што ќе влијае на нивната ефикасност, велат од здружението на германски фармацевти БАХ. Ова важи дури и за неотворени пакувања.

Лековите треба да се чуваат на ладни и суви места. Температурата на која ги чувате треба да биде помеѓу 15 и 25 Целзиусови степени. Тие не треба да бидат изложени на висока температура и висока влажност.

Најдобро би било повеќето лекови и козметички производи да ги ставите во фрижидер или во просторија заштитена од директна светлина, влага и топлина.

Доколку не ги чувате лековите соодветно, тие може да се растворат и да се намали ефикасноста на лековите. Може да има и промена во органолептичките својства, односно бојата, конзистентноста, мирисот и вкусот. Антибиотиците треба да се чуваат во фрижидер во текот на летото, бидејќи би ја изгубиле стабилноста и ефикасноста на собна температура. Инхалаторите, капките, вагиналните капки и инсулинските инјекции треба да се чуваат на температура од 2 до 8 степени.

Она на што предупредуваат и експертите е дека не треба да се чуваат ниту на пониски температури од овие, бидејќи во тој случај ќе замрзнат и исто така ќе им се намали ефикасноста.

Ако во кремот се појават грутки, тоа значи дека нешто не е во ред. Треба да го земете предвид и чудниот мирис како предупредувачки знак, доколку се појавува во мастите и геловите.

Затоа, ако лекот изгледа поинаку од вообичаеното, не го употребувајте.