На списокот на нејзините жртви имало дури 300 мажи и сите настрадале на ист начин и поради иста причина. Попова била платен убиец чија мета биле исклучиво насилни сопрузи.
Начинот на кој ги вршела убиствата секогаш бил ист – за мал надомест, ја ангажирале жени кои сакале да се ослободат од своите сопрузи, а таа потоа ги труела со арсен. Прво и приоѓала на својата жртва со намера да ја стекне нејзината доверба, а потоа, кога ќе успеела во тоа, и ставала отров во храната или пијалакот.
Со оваа “работа” почнала да се занимава поттикната од својот лош брак, поради што сакала, како што тврдела, да им помогне на жените да се ослободат од “сопрузите тирани”.
Доколку една од нејзините клиентки не се покаела, мадам Попова можеби никогаш немало да биде откриена. Во времето кога ги убила своите жртви, од 1879-тата година до 1909-тата година, било многу потешко да се докаже убиство со труење отколку денес. Сепак, жената која го нарачала убиството на својот сопруг, под притисок на грижата на совеста, отишла во полиција и ги открила сите детали за Попова. Мадам набрзо била уапсена.
Vocês já ouviram falar da Madame Popova? Ela viveu na Rússia durante o séc XIX, foi uma assassina em série e era contratada por mulheres que tinham maridos violentos. Ela matou em torno de 300 homens e quando foi presa ela disse que sentia orgulho por nunca ter matado uma mulher. pic.twitter.com/aWvAuX2gxG
— dyke nervosa (@sapatonta) December 18, 2017
Во нејзиниот роден град Самара, брзо се прочуло со што се занимавала Попова, па бесниот народ, пред да дојде полицијата да ја уапси, се собрал пред нејзината куќа, сакајќи да ја запали. Царските војници спречиле да дојде до тоа и под закана со пушки ја одвеле во затвор.
Попова во затворот не покажала каење, ниту пак се обидела да се брани. Напротив. Ги признала сите убиства, во своја одбрана рекла само дека никогаш не убила ниедна жена.
