Вие сте мртви уморни и едвај чекате да одите во кревет.

Но, мозокот не мирува и мислите ви поминуваат низ главата…

Секако, во тој случај нема шанси да заспиете.

За да се спречи ова, експертот за спиење д-р Ниал Стенли вели дека е важно да одвоите 30 минути за да се подготвите за спиење.

„Не можеш да го најдеш сонот, треба да дозволиш сонот да те најде. Треба да ги ставите вашето тело и мозок во вистинска состојба за спиење да ве најде лесно. Ова ќе ги опушти вашето тело и ум“, рече Стенли.

Експертот Марк Кропли вели дека 30 минути пред спиење се доволни за да се опуштите и да размислите за сонот.

30 минути пред спиење

Искористете го последниот половина час пред спиење за да ги завршите задачите што сте ги започнале во текот на денот. Испраќајте е-пошта, плаќајте сметки по електронски пат или направете список со задачи за следниот ден. Истражувањата покажаа дека луѓето кои одвојуваат пет минути пред спиење за да напишат список со задачи за следниот ден, многу полесно заспиваат.

25 минути пред спиење

Време е да ги исклучите сите уреди кои емитуваат сина светлина. Тоа значи лаптоп, iPad, таблет и мобилен телефон.
Научно е докажано дека сината светлина го спречува ослободувањето на мелатонин, хормонот кој му сигнализира на телото дека е време за спиење.

Доколку е невозможно да го исклучите мобилниот бидејќи алармот треба да ве разбуди, тогаш барем свртете го со спуштен екран или ставете го во фиока, за да не направи проблем синото светло.

20 минути пред спиење

Тоа е идеално време да ги измиете забите и да ја отстраните шминката. Важно е да не се миете неколку минути пред спиење бидејќи тоа ќе ве разбуди.

15 минути пред спиење

Идеално време за брзо туширање. Топлата вода ќе ви помогне да заспиете побрзо бидејќи телото потоа малку се лади.

Експертите велат дека температурата на телото паѓа за десет степени непосредно пред спиење.

10 минути пред спиење

Одете во тоалет. Можеби ви звучи очигледно, но дури 42 отсто од луѓето не спијат добро бидејќи не одат да уринираат пред спиење, а потоа се будат во текот на ноќта.

5 минути пред спиење

Целосно смирете се – нема повеќе разговари со вашиот партнер.

За да спиете подобро, разберете дека вашиот кревет е само место за спиење – затоа никогаш не носете го вашиот лаптоп во кревет за да извршите дополнителна работа.