Многу домаќинки се прашуваат како да ги отстранат мрсните дамки од кујнските крпи. Внимание треба да се посвети не само на современите средства за избелување, туку и на тестирани домашни средства.

Пробајте ги методите на постарите генерации!

Сол

Наполнете сад со ладна вода и посолете ја. Додадете 5 лажици сол во 5 литри вода. Промешајте и фрлете ги вашите валкани крпи во неа. Ако се многу валкани – нека преноќат, ако не, доволно е час или два. Потоа измијте ги како и обично. Како резултат на тоа, ткаенините ќе бидат уште почисти отколку по вриење со додадено белило.

Сода бикарбона

Сода бикарбоната е исто така добар помошник во отстранувањето на мрсните дамки од кујнските крпи. Можете да подготвите раствор од топла вода со додадена сода, а во овој раствор можете да ги сварите и крпите (5 лажици на 5 литри вода). Дури и ако останат дамки, тие ќе исчезнат по последното перење во машина.

Детергент за миење садови

На сличен начин, крпите се потопуваат и со детергентот за садови. Земете малку течност за миење садови, ставете ја во топла вода и натопете ги валканите суви крпи во тој раствор 15-20 минути. После тоа слободно измијте ги со прашок во машина за перење на вообичаен начин. На овој начин ефикасно се отстрануваат мрсните дамки од кујнските крпи.

Оцет

Ако на вашите крпи се појави мувла, тие треба да се измијат како и обично, но потоа да се исплакнат во раствор од вода и оцет. Не грижете се за бојата, оцетот е безопасен. Се разбира, ако не ги оставите крпите во овој раствор долго време.