Слика пронајдена во кабина на фарма била продадена за дури 3,1 милиони долари минатата недела.
Станува збор за дело насликано од Ентони ван Дајк, на кое е прикажан старец како седи на стол. Создаден е врз основа на жив модел веројатно во периодот помеѓу 1615 и 1618 година кога Ван Дајк бил млад уметник и работел со својот колега Питер Пол Рубенс во Антверпен.
Сликата била пронајдена во кабина на фарма во Киндерхук, Њујорк кон крајот на 20 век и била купена од страсниот колекционер Алберт Б. Робертс за само 600 долари. Сепак, неодамна беше утврдено дека тоа е дело на Ван Дајк.
На аукцијата одржана минатата недела, сликата била продадена за 3,1 милион долари. Во моментов се наоѓа во музеј во Ротердам.