Жителите на малиот американски град Феар Хеван во државата Вермонт избраа коза за свој градоначалник.
Козата е 3-годишна и има име – Линколн. Во натпреварот за функцијата беше заедно со 15 кандидати меѓу кои многу кучиња и мачки.
Сопственик на козата е наставник по математика во градчето со 2.500 жители. Мандатот почнува во вторник и ќе трае една година.
За Линколн гласаа 13 луѓе од вкупно 53 кои излегоа на гласање.
Во пракса, гратчето нема вистински градоначалник и го предводи општински управник. На таа функција сега е Џозеф Гантер. Имено, тој одлучил да организира избори на кои би се кандидирале само животни.
