Ако вашата кожа ве чеша од волнен џемпер или ако панталоните од полиестер ви предизвикуваат осип, може да имате таканаречен дерматитис од текстил или облека. Тоа е форма на контактен дерматитис што се јавува кога вашата кожа реагира на влакна во облеката или на бои и други хемикалии што се користат на ткаенината.

Со оглед на тоа што облеката е во близок контакт со кожата во поголемиот дел од денот, не е изненадување што предметите можат да предизвикаат проблеми со кожата. Секаков вид на влакна може да предизвикаат осип, но поголема е веројатноста да добиете текстилен дерматитис од облека направена од синтетика како полиестер, најлон, спандекс или гума. Поради нив кожата не дише толку добро како со природните влакна и ве тераат да се потите повеќе.

Ако сте алергични на никел, може да ви се појави осип кога копчето од фармерките ја допира вашата кожа. Накитот направен од никел може да го предизвика истото.

Кои се симптомите?

Симптомите на текстилен дерматитис се појавуваат во рок од неколку часа по носењето на облеката. Најчесто се јавуваат во кожните набори или други области кои доаѓаат во контакт со вашата облека:

1. Каде што ја виткате раката
2. Зад коленото
3. Пазувите
4. На препоните
5. На места каде што облеката ви е тесна

Кој е изложен на ризик да добие ваков тип на алергија?

Жените почесто се соочуваат со оваа алергија бидејќи повеќе носат тесна облека. Исто така, ризичната група вклучува дебели луѓе кои повеќе се потат. Луѓето со атопичен дерматитис, кожна болест која најмногу ги погодува децата, исто така имаат поголема веројатност да добијат текстилен дерматитис.

Луѓето кои работат на места каде што температурата е висока и воздухот е влажен се изложени на поголем ризик од оваа алергија. Ако носите латекс ракавици на работа, вашите раце може да бидат иритирани или да сте алергични на самиот латекс.

Како да се спречи алергија?

Првата работа е да престанете да носите облека што ви пречи.

1. Носете облека направена од природни влакна и доволно лабава за да го намалите потењето.

2. Изберете облека со светли бои.

3. Избегнувајте предмети означени со „перете одделно“.

4. Не носете облека на кој пишува дека содржи хемикалии кои ја иритираат кожата.

Кога треба да посетите лекар?

Ако алергијата не исчезне за неколку недели или ако проблемот постојано доаѓа и си оди, време е да се консултирате со дерматолог. Исто така, проверете кај лекарот дали осипот покрива голема површина на кожата, ако е болен или интензивно чеша, или ако се шири на други делови од телото. Овој симптом укажува дека најверојатно имате инфекција која бара поинтензивен третман.