Во рамките на партискиот став на ВМРО-ДПМНЕ, секој по сопствено убедување да постапи на престојниот референдум, порталот Република дознава дека генералниот секретар Игор Јанушев нема да излезе да гласа на референдумот.
– Јас се одлучив за Македонија и практично неизлегувајќи го кажувам мојот револт кон предавничкиот договор со кој се сака да се понижи Македонија. Власта треба да сфати дека ништо на сила не може да помине, и ниту едно манипулативно прашање нема да може да ја покрие штетноста на договорот. Затоа јас одлучив да не гласам на референдумот, вели Јанушев за Република.
