Околу 100 млади лица учествуваа на трибина во општина Ново село. Во организација на УМС на ВМРО-ДПМНЕ се одржа трибина со наслов  „За слободата, владеење на правото и правната држава“.

Свои ставови изложија Дајанчо Ефтимов член на Извршниот комитет на ВМРО-ДПМНЕ, Јован Јаулески Секретар на УМС, Владимир Ристов и Петар Марков.

Организаторите порачаа дека изборот да се одржи трибината во Ново Село е разбирлива бидејќи од таму произлезе меѓународен скандал. „Градоначалникот беше фатен во криминал и осуден. Сомнежот за пропусти во текот на постапката ја разбрануваа уште повеќе јавноста“, беше речено на трибината.

-Затоа младите бараат да се избере нов Јавен обвинител кој ќе ја направи оваа институција кредибилна. Не може да постои сигурност кај младиот човек ако нема законитост и правна држава. Несигурноста доведува до апатија и ги принудува младите да размислуват како да се преселат во подобро и средено општество. Криминалот и нерасчистените дела од кои се згрозува цела јавност мора да се расчистува бргу.  Младите мора да живеат во слободно општество. Правната држава треба да ја штити и проширува слободата. Владеење на правото треба да создаде еднакви права за напредок на секого во општеството, беше потенцирано на трибината.