Додека некои го оправдуваат овој избор, други сметаат дека едноставно не е примерно прва дама да носи вакво нешто

Првата дама Меланија Трамп заедно со својот сопруг, американскиот претседател Доналд Трамп, во средата ненајавено ги посетиле американските трупи во Ирак.

И овој пат првата дама привлекла внимание со својата модна комбинација.

За посетата на војниците облекла жолта блуза со ремен, темнозелени панталони и чизми поради кои нејзината комбинација дополнително се истакнала и уште еднаш станала главна тема на разговор.

Имено, Меланија ги заменила високите потпетици со култните чизми во жолта боја.

Нејзиниот избор добил поделени коментари од корисниците на социјалните мрежи. Додека некои го одобруваат овој избор, други сметаат дека едноставно не е примерно првата дама да носи вакви лежерни чизми. Во секој случај, Меланија Трамп уште еднаш станала главна тема на социјалните мрежи благодарение на модната комбинација.