Жителите на планинските села Брест, Малино, Танушевци на скопска Црна Гора и понатаму се блокирани.
Тие постојано апелираат до претставниците на институциите да ги превземат сите неопходни мерки за деблокирање на патиштата. Алармантна е ситуацијата и со болните лица кои имаат потреба од лекување во болниците. Жителите велат дека резервите со храна им се при крај.
– Патиштата се целосно блокирани, движење нема, можеме да одиме само до стоката и тоа со тешкотии. Никој не презема мерки, ниту локалната, ниту централната власт. Имаме многу малку храна, се е при крај, постојано има снежни врнежи. Дрва имаме колку што имаме во дворот, ако и тие се потрошат не знаеме што ќе правиме. Селаните кои се иселени од тука отишле до општината, градоначалникот не е таму, не им излегува пред очи. За Брест, Малина и Танушевци не работи никава механизација за чистење на патиштата, вели жител на село Малина за телевизијата Алсат.
Од телевизијата вчера се обратија до оштина Чучер Сандево за да дознае зошто патиштата до овие села не се исчистени, но од општината не одговорија ништо.
Во меѓувреме од Управата за хидрометеоролошки работи најавуваат дека во наредните денови ќе продолжи студеното време, што уште повеќе ја комплицира ситуацијата. Во повеќето делови од земјава температурите ќе паднат до -10 а потоа повторно ќе паѓа снег.
