Полицијата морала да интервенира во домот на актерката Тори Спелинг (44), која вчера претрпела нервен слом.
Соседите на Спелинг изјавија за новинарите дека пред полициската интервнеција нејзиниот сопруг, 51 годишниот Дин Мекдермот, бил пред куќата и изгледал крајно вознемирено.
Се претпоставува дека Мекдермот ја повикал полицијата да ја смири актерката која е најдобро позната по својата улога во тинејџерската серија Беверли Хилс 90210.
Ова не е првпат на ќерката на познатиот продуцент Арон Спелинг да и е неопходна помош. Таа неколку пати беше хоспитализирана откако во 2013 година дозна дека Мекдермот имал вонбрачна врска. Двајцата рекоа дека работат на тоа да го спасат бракот во интерес на нивните пет деца.
