Добрососедските односи се единствениот пат за европска перспектива на Македонија, рекол грчкиот премиер Кирјакос Мицотакис за време на учеството на Самитот ЕУ- Западен Балкан и како што информираат од неговиот кабинет, ја повикал нашата Влада да ги почитува обврските што произлегуваат од Договорот од Преспа.
Со ова, Мицотакис му с е придружи на својот бугарски колега Борисов, кој јавно најави вето и побара целосно да се почитува Договорот со Бугариај. Дописот на официјална Софија кој беше дел од условениот датум без датум во документот на ЕУ, за кој Заев и Димитров лажеа дека бил унилатерален, испадна дека и не е баш така унилатерален. Факт е дека датум нема, а прифатеноста на условите на Бугарија од ЕУ ги потенцира самиот Борисов.
-ЕУ целосно го поддржа ветувањето кон партнерите од Западен Балкан за соработка за нивно придружување. Бев многу поддржан од други колеги, зашто искажав разбирање кон нашите колеги, вклучително и за тоа што во предизборната кампања им се испушта и патриотизмот, но таму даваат недозволени изјави – рече Борисов.
Бугарскиот премиер им дал „најбратски“ совет на Македонците да го користат тоа што еднаш им се дава како можност.
– Ние нашата работа ја завршивме, подготвени сме да помогненеме, но и кажавме кои се нашите услови. Тоа (влегувањето во ЕУ) не е според желбите, ако нешто не ти се допаѓа, да не го правиш – рече Борисов.
Изјавата на Мицотакис и Борисов наведува дека Бугарија и Грција ќе ја користат ЕУ интеграцијата на Македонија за да во своја корист ги решат своите вековни историски прашања, а Владата на СДСМ им оди целосно во прилог за ова.
Токму Владата на Заев и министерот Никола Димитров им кумува на Договорите со Грција и Бугарија, претставувајќи гикако наводно откочување на процесот кон ЕУ. Очигледно, некој ја лажел македонската јавност за евтини политички поени и гласови или се лажел себеси. Познавачите сметаат дека поверојатно е првото…